193初演舞台劇自認係「舞台處男」 白只楊偉倫再次聚首重返舞台

達摩工作室 （Dharma Workshop）主辦，MakerVille Company Limited 及 天下一集團有限公司協辦，年度大型舞台劇《Laugh Vacation》，將於今年10月下旬假香港演藝學院歌劇院首度公演，嶄新演員組合包括韋羅莎、朱栢謙、白只、郭嘉駿、吳海昕、楊偉倫及胡麗英，將會來到「香江海景大酒店」大解放，一晚笑看人生百態，來個痛快的 Laugh Vacation！

ERROR成員193（郭嘉駿）最近踩上舞台，與韋羅莎、白只、楊偉倫、朱柏謙、吳海昕和胡麗英合演舞台劇《Laugh Vacation》。

向來信心十足的193自命是舞台劇「處男」，他受訪時表示心情既期待又驚驚！

一眾演員6月30日於尖沙咀朗廷酒店出席舞台劇《Laugh Vacation》的記者招待會。司儀沈殷怡（Shirley Sham）率先問到資深演員、於《全民造星V》擔任藍組導師的韋羅莎（Rosa）對新劇的期望，Rosa笑嘆：「我期望可以舒舒服服排呢套戲，但應該冇咩可能⋯⋯好想知會有幾咁嘈！」身旁的朱栢謙（朱謙）卻直言對此劇最大的期望是大家能正經一點，嚴肅少少。楊偉倫（阿卵）希望釐清誤會，「我哋本身個人係好靜嘅，希望自己可以嘈返啲，將嘈吵嘅聲音帶畀大家，令到大家一齊睇嘅時候會覺得唔係好舒服、好嘈！」而白只則表示希望排練時可以靜一點，而觀眾看劇時可以嘈一點。193笑指他們拍宣傳海報時已經好嘈，自己反而是最靜的一個。Sofiee坦言想自己可以「黐線啲」，見到前輩們好無厘頭好開心，希望能偷師學到「企喺度乜都唔講都咁好笑」，她同時想透過《Laugh Vacation》令觀眾「笑走啲唔開心」，從劇中找到共鳴。

朱謙、阿卵、白只三個老朋友再次聚首重返舞台。

談到與193合作，Rosa表示很期待擦出新火花。

朱謙、阿卵、白只三個老朋友再次聚首重返舞台，朱謙笑言已經有一段時間未有同台排戲，希望能從二人身上「黐到啲金糠同埋攞到兩位嘅藝術才華，可以擺落袋自己用」，阿卵聽罷裝作從褲袋拿出「金糠」予朱謙，然後指：「幾兄弟一齊做戲實開心，我有個目標，希望排完呢套劇可以有193咁高！」站在193和阿卵中間的白只苦笑指：「我預備定要揾脊醫睇下條頸，我要向下望（阿卵），又要向上望（193），希望對戲或者演戲時可以Smooth啲啦！」

193說自己作為「舞台劇處男」，希望向各位「破咗處嘅前輩參考學習」，又指首次出演舞台劇非常之緊張，「我喺台上面唱歌、跳舞、講嘢，可算係駕輕就熟。平時拍劇、拍電影，做錯或者唔記得對白都可以NG，亦只係需要同劇中對手交流。但今次演舞台劇，喺台上面演戲，台下卻有一千名觀眾，如果我喺台上面做咗一啲動作引得全場大笑叫囂，我應該點算呢？我同對手交流嘅時候，又有咁多觀眾喺現場，呢種感覺好神奇，亦係我好期待想去Feel下嘅地方。」

吳海昕與193舞台劇演夫妻！

故麗英表示多年來跟Rosa、朱謙、白只、阿卵合作無間，默契十足，今次能好好聚舊，她跟Rosa都好期待跟從未合作過的新生代演員193和Sofiee對戲，相信將會有很多得意衝擊，能互相學習，定會擦出很多美麗火花。

編導陳小東指當初構思這個故事時，正值Staycation盛行之時，他曾巧遇一對情侶步出酒店，女方說了一句：「都唔好玩，都唔開心嘅。 」不禁令他思考：究竟是她的男朋友唔好玩，還是這間酒店唔好玩呢？有一點他可以肯定，就是那位女士一定很想「畀錢買開心」。

胡麗英

另一位編導阮韻珊認為香港人創意無限，即使疫情期間無法外遊，被困在狹小的酒店房間裡，仍能物盡其用，大搞生日、求婚、歡送派對。她透露此劇將講述在一間酒店、在一個Full Booking的晚上，多個角色的人生相互交織所拼湊的一個個奇趣小故事。由Check In到Check Out，來酒店的人都想在有限空間下釋放壓力，猶以香港人特別喜歡「一晚用盡佢」，究竟這種「用到盡」的態度，是否尋找快樂的最好的方法？她希望能從創作此劇中找到答案，亦希望能把歡樂送給後疫情時代的香港人。

編導阮韻珊、陳小東

編導阮韻珊又指是次找來一眾富喜劇經驗的演員參演，他們全都是性格演員，能演活不同類型的角色，即使郭嘉駿和吳海昕沒有太多舞台劇演出經驗，但他們的形象和創造力，卻予人無窮的想像空間，她又舉例指出單是郭嘉駿配楊偉倫，想像他們該演情侶、父子、還是老闆下屬，已十分刺激！

編導陳小東坦言在設計角色時亦刻意保留了演員的長處，他特別欣賞193的「金句」能力，他會把193的「金句」能力放於一場名為「靈異學會」的戲裡。至於Rosa初為人母，他們就設計了一場戲，讓她飾演一個可以暫時放低個女去抖下氣的阿媽。

舞台劇《Laugh Vacation》海報

舞台劇《Laugh Vacation》將於7月6日早上10時至7月8日，在Laugh Vacation 網站（laughvacation.com）接受優先訂票，並於7月13日早上10時於快達票網站（hkticketing.com) 公開發售。

組合ERROR成員郭嘉駿（193）日前到新城廣播接受葉文輝（啤梨）主持的《梨事會》錄音訪問，193去年因「跑車事件」引發輿論風波，他在訪問中透露事件發生後事業陷入低潮，更驚爆自己出現創傷後壓力症候群（PTSD）症狀。

193郭嘉駿接受新城廣播《梨事會》訪問。

193直言購買跑車是為了實現童年夢想，並強調這是靠自己努力賺取的成果：「我自從返到香港出嚟做嘢之後，冇問過屋企攞一分一毫，我覺得自己好努力得到呢啲嘢，實現自己夢想覺得好好。所以我真係好想喺呢個年齡用我嘅錢去買一架車，如果我等到50、60歲先買，已經唔係嗰個感覺，我年輕時擁有過，我對得住自己。」

事件發生後，193痛定思痛，將跑車賣掉，「我擁有過就已經好叻，但以後唔好咁招搖，招搖一次就夠。」可是，情緒仍受到衝擊，事業亦陷入低潮：「係有啲驚，有PTSD（創傷後壓力症候群），覺得好sad，好似全世界都喺到講，我覺得自己錯咗，但你改變唔到，只能夠認錯，每日都匿喺屋企，工作又取消晒，最重要係嗰種無力感，真係發生咗，你認一百次錯都改變唔到。」

193與主持人葉文輝

後來他親自填詞寫了一首歌《Keep Walking》作自我療癒，「我發覺我聽番自己嘅詞，個人都正面咗，有時會有人DM我，話我首歌啲歌詞鼓勵到佢，幫到人我覺得無憾。」

193剖白「跑車事件」後遺症。

193在訪問中主動提及，從小是新城廣播的忠實聽眾，童年時期經常於深夜躲在被窩偷聽啤梨主持的《卡拉O！BABE》，他憶述：「媽咪叫我瞓覺，我就喺床上偷偷哋聽。」他坦言當時已幻想終有一天都要打來點唱，但因性格害羞而未有實行。

對於入行初衷，193表示：「純粹覺得主持賺到錢……我覺得我有個外形，高高大大，我又會講英文，廣東話都OK，做一個正常嘅MC好似好合情合理。」未料參加《全民造星》後，人生走向完全不同。

驚爆患PTSD陷人生低潮！

今年是ERROR成軍七週年，193回應關於團隊關係的提問時坦言：「當然有爭執，尤其係初出道，大家四個唔同嘅個體，突然間要困埋一齊，係會有好大嘅分歧，所以初時成日嗌交。」但經過多年磨合，現在反而想見一輩子，「大家都知道你底線係咩，會互相遷就，好似情侶咁。」

詳細節目內容，請留意12月9日，下午6:00 – 7:00，新城知訊台《梨事會》節目，網址：
https://www.metroradio.com.hk/MetroInfo/