承認懷第4胎兼快出世 雯雯新IG轉會員制為解財困

或者咁樣真係可以幫到一啲手......

張致恒（Steven）2019年與粉絲區燕雯（雯雯）奉子成婚，婚後是非不斷，雯雯經常在社交平台放負兼公開數臭老公，二人屢傳婚變，但卻依然維持夫妻關係，而且生完又生，因而被網民嘲諷是「離婚KOL」。日前雯雯撰寫千字文表示會停用現在的IG，又透露與老公「坐低傾過問題」，更暗示自己懷第4胎，引來網民熱議。

Steven與雯雯於2019年奉子成婚。

二人三年抱三。

雖然雯雯將舊IG和新IG都轉為私人帳號，但網上就流出雯雯與網民的對話截圖，當中雯雯承認懷第4胎，她表示：「我知道嘅時候，已經四個月，同埋因為本身身體狀況，要同唔要都會大出血，同埋而家都已經差唔多出世。」

雯雯又再次孕。

雯雯之前曾多次表示財困，張致恒更「一毫子都冇拎過出嚟」，現在家中要迎來一個新生命，但一家的財政問題依然未解決，就算上月的租金得到好心網民的慷慨解囊，今個月依然未有錢交租，「我意思係今個月冇得交，再加上要還錢俾人，咁啱，而家又到左要交租嘅日期，同埋兩個嘅書簿費，我仲未俾到，學校問咗好多次係咪唔讀。」網民再追問還欠多少錢時，她透露：「租金13000，兩個仔書房費雜費，所有嘢加埋4000」，似乎希望再有好心人士伸出援手助她度過難關。

網上圖片

網上圖片

不過，對於私訊對話被公開，雯雯似乎非常不滿，在IG Story公開該網民的帳號，並爆seed，「我唔係殺人放火做咩壞事，我行得正，企得正，所以有幾多人要來套我說話，再公開抹黑，我都隨時歡迎。對於我嚟講，每個人都係善良，但係佢內心要變咗黑色，我都會照祝福你。」

區燕雯IG截圖

區燕雯IG截圖

此外，雯雯都想盡辦法錢，她發文回應網民私訊，「好多人inbox我，問我可唔可以follow＠ugly_mama2.0，但係實在太多，唔係真心關心，真心想睇我既（嘅）follow我，所以我未有時間逐一去選擇，新Ig亦會係我一個新開始，我都唔希望再有唔好嘅事喺裏面，我亦都知道有好多媽媽都好鍾意我三個小朋友，好鍾意睇佢哋，同埋3隻狗仔。新IG多數都會係放一啲片，啱啱有網民提議，我可以轉做會員制度，一來可以幫助我屋企經濟問題，二來可以阻止一啲用意唔好嘅人，$50一個月，其實都可以試吓。」

區燕雯IG截圖

嚟緊又會多一個小朋友。

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。