張致恒終於唔「廢」打工賺錢 小食店工作照曝光面容憔悴

張致恒與老婆雯雯不時嗌離婚，老婆數落張致恒「又廢又懶」都不是新鮮事。兩公婆在結婚數年間連生了三個小朋友，雯雯近期又指自己懷上第四胎，令原已生活拮据的他們日子過得難上加難。雖然雯雯最近也開設了「IG會員制」每位收費$50，讓八掛網民睇佢自爆家事，但就被有心人借題發揮冒認身份，亂入網紅SEAN LAM直播講成人話題及各種出位言論，破壞聲譽。

張致恒（Steven）與老婆區燕雯（雯雯）2019年奉子成婚，最近又指準備生第4胎。

雯雯為養家開設了「IG會員制」每位收費$50，讓八掛網民睇佢自爆家事。

雖然發生了不少事端，但張致恒表示不排除起訴冒認太太的黑心網民。日前他接受傳媒訪問，亦透露自己仍然深愛太太，自己都有固定工作在小食店一星期返4日工，賺錢維持生計。有網民拍到張致恒工作實況放上網，在討論區引起討論。

張致恒有固定工作在小食店一星期返4日工，賺錢維持生計。

雖然以往張致恒傳出不少負面新聞，但見他現時開始有返「膊頭」，不再無所事事，網民都沒有太多挑剔批評。有人留言：「肯做嘢算係咁」、「做埋啲垃圾工都好過喺屋企等人養」、「最少佢肯踏出第一步，好事嚟」。也有網民留言：「唔好搞人哋啦大佬」，叫大家讓張致恒專心工作及不要再打擾他們一家。有人更指張致恒是「男人教科書」，教育大家不要得過且過及欺負老婆。不過，始終小食店收入不高，大部份網民都支持他可以搵一份更高收入的工作，有人直言：「揸車唔做，走去做小食店？」，或北上去酒吧唱歌更好搵。

張致恒有工返無錢收？

有「離婚界KOL」之稱的張致恒（Steven）和區燕雯（雯雯）婚後育有四名兒子，兩公婆經常在社交平公開家事，一家又長期經濟困難，但近期張致恒似乎終於生性，不時在IG分享打工生活，日前舉家為大仔張天寶慶祝5歲生日。不過，雯雯今日（4月16日）突然出PO，自爆屋企被cut電，直言：「完全已經唔係容忍嘅範圍之內！」

張致恒早前不時在IG分享打工生活，似乎終於決定腳踏實地。

一家人日前齊齊出動為大仔張天寶慶祝5歲生日。

張致恒寄語囝囝：「努力做人，讀唔到書唔緊要最緊要做一個開心嘅人，做個善良嘅人，千祈唔好好似daddy咁失敗，所有嘢都一事無成！」

雯雯在IG Story以黑底白字留言：「要發生嘅，終於都發生，你終於都令到屋仝發生俾（畀）人CUT電，完全已經唔係容忍嘅範圍之內！小朋友又冇得煮嘢食，又冇熱水沖奶，不停喊，請問你想我點？！」根據雯雯以往經常在IG公開鬧爆張致恒，估計今次文中的「你」亦是指張致恒，令人疑惑他們一家的經濟狀況，張致恒是否仍有打工？

雯雯又公開指責張致恒？

此外，雯雯今年2月突然自爆有一名兒子患自閉及過度活躍症，「坦白講照顧呢類小朋友， 無論係身心情緒都係好大嘅學習，我一個人真係冇能力，同一時間可以照顧到四個小朋友，應該話可以照顧到，但係會有一定嘅危險。」又稱兒子曾跌倒傷耳，「醫生同我哋講呢類小朋友，一年起碼會去幾次急症室要有心理準備，而家每一日面對佢嘅行為情緒都係一個好大嘅挑戰，同時因為屋企其他嘅小朋友仲好細，亦都會受到影響，我哋亦都要好努力學習點樣可以得到一個平衡」，更坦言壓力已接近爆煲，引來不少網民關心，直到張致恒早前在IG分享為大仔張天寶慶生的照片，並留言：「想當日仲趴喺我心口度瞓覺我喺度打機，而家百厭調皮直情係一隻馬騮」，惹來網民揣測患自閉及過度活躍症是大仔，事後他與雯雯今日分別在IG Story澄清，貼出同一張大仔的照片，並留言：「我想澄清番，天寶係冇自閉」。

雯雯曾發長文解釋兩公婆不能出外工作的原因，其中一個原因就是有一個囝囝確診自閉及過度活躍症。

澄清大仔沒有患自閉證。