吳業坤昨晚圓夢在紅館舉行首個個唱，全場爆滿兼有眾多圈中人捧場，曾和他傳緋聞的Super Girls成員Aka（趙慧珊）聯同隊友前來，更即場示範坤哥金句「食好西」！
坤哥自稱仍是沒自信的人
吳業坤昨晚開騷前在紅館後門舉行拜神儀式，工作人員和高層向他打氣，樂易玲更與他擁抱鼓勵。現場有半百粉絲守候，向坤哥大叫「加油」！曾與坤哥傳緋聞的Super Girls成員Aka（趙慧珊），昨晚聯同隊友捧場，她似難頂肚餓，開騷前先吃三文治；「星夢幫」許廷鏗、胡鴻鈞、羅孝勇、鄧小巧及眾多無線好友亦有前來欣賞他的紅館處男個唱。
Aka在台下吃三文治醫肚
坤哥的個唱約於8時半開始，觀眾表現熱情，不停歡呼。坤哥打頭陣獻唱《原來他不夠愛我》，唱到《被單身的人》時就走近坐頭排的Aka方向，坐在她面前唱了兩句歌。他其後一試躺在紅館的感覺，「有嘢Un住，感覺好似發夢，可唔可以畀我嗌一聲。」又說至今仍是無自信的人，並再度走近Aka方向。坤哥其後唱出三首當年參加《超級巨聲2》的歌曲，並和嘉賓王祖藍合唱《寵物小精靈》主題曲。
吳業坤（坤哥）今日（4月5日）接受薛家燕、范振鋒、思敏主持的《開心大派對》節目訪問宣傳新歌《愛情求生案內書》，家燕姐大讚坤哥多才多藝，識彈結他、仲做埋歌曲MV監製、稍後更拍埋劇集，而最令家燕姐激讚坤哥苦練空手道5年，最近出戰全運會香港選拔賽奪第四位，坤哥感謝完家燕姐讚賞，隨即搞笑地問家燕姐攞利是，家燕姐就哈哈大笑沒理會他。
吳業坤接受新城《開心大派對》訪問。
家燕姐大玩驚喜。
坤哥表示屈指一算15年前參選「超級巨星」歌唱比賽，時間過得好快：「自細鍾意唱K，咩都唔叻，唯一同學仔會讚的就係唱K。嗰時教會一百元教四堂唱歌，好抵，因為咁入咗教會。之後用咗二百元買了一把木結他，夢想就係由呢把木結他，每一小步開始。」
家燕姐讚他聲底好靚，轉假音又好靚，阿范搞笑說：「即係好假，哈哈！」坤哥即笑言「夠假」全靠自小喜歡唱周杰倫歌曲，從而訓練出假音技巧，他坦言周杰倫來港搞簽名會時，他試過排隊攞簽名。
送上雙封大利是。
節目中，家燕姐坦言關心他的「家庭計劃」，他表示與太太商量過生育問題，只是暫時好多工作，同埋：「要財務自由先，雖然暫時財務尚算OK。同埋我哋要諗清楚會否移居日本。」
送給壽星仔坤哥。
再談到坤哥4月18日生日要開工拍劇，坤哥即刻九秒九精靈地再望著家燕姐?生日利是，家燕姐大笑說：「佢話生日就望住我，哈哈！」坤哥爆笑地纏著家燕姐唔放：「家燕姐，依家可以用手機支付，唔好話冇現金。」家燕姐笑到標眼水。
坤哥向家燕姐追討利是3、4次都不成功，原來家燕姐早有準備，早已秘密地把兩封利是「攝」在背後，在節目完結大合照時，突然取出兩封大利是，送給坤哥祝賀生日及恭喜他在全運會香港選拔賽奪第四位，坤哥驚喜又意外得尖叫，開心大叫：「得到家燕姐祝福利是，好開心呀，仲要係雙封！我一定會好好收藏！」
坤哥勁開心！
詳細節目內容，請重溫4月5日，下午2-3時，新城知訊台《開心大派對》節目，網址：https://www.metroradio.com.hk/MetroInfo/
