蔡潔推新書為愛貓製造戀愛機會 自己覓愛求心地好

演而優則創作的蔡潔（Jacky），今年推出新書《有隻貓在芒果星》，書中收錄她與領養的小愛貓「豬仔」生活點滴。蔡潔今日（7月22日）踩入書展，為其新書舉行簽名會，除了不少傳媒到場採訪，Jacky推出新書亦吸引超過二百名粉絲排隊攞簽名，趁機會與偶像近距離接觸及拍照留念，而Jacky為答謝粉絲支持，她亦預先準備了個人的post card送給讀者留念，反應熱烈致供不應求。蔡潔與吳沚默（MoMo）早前一齊拍攝旅遊節目，今年又一齊出書，二人齊齊互相支持，交換簽名新書，而鄺潔楹及李梓樅亦到場支持Jacky。

蔡潔（Jacky）今年推出新書《有隻貓在芒果星》。

蔡潔與吳沚默（MoMo）今年一齊出書，二人齊齊互相支持，交換簽名新書。

Jacky表示今次是第二次出書，新書《有隻貓在芒果星》主要描述愛貓的生活及其寫真，Jacky為愛貓「豬仔」尋覓真愛，Jacky說：「我的愛貓4歲叫豬仔，試過帶佢與朋友的貓女相處，但未有任何發展。」至於Jacky被媒體追問與黃宗澤的緋聞關係，Jacky回應：「我哋唔係緋聞，我當佢好兄弟，佢當我係好姊妹，我哋在工作上非常過電，我哋合作過近6次，隨後應該都會有機會合作，我哋咁好朋友，相信合作上有更多火花 。」對於二人在近兩年亦一齊人慶祝生日，Jacky解釋只因為剛巧一齊工作而已，她說：「之前一齊工作嘅定欣、鄺潔楹及MoMo，我都有同佢哋慶祝生日，冇偏心㗎！我喺工作中渡過生日，自己都希望有人同我慶祝。」談到感情的追求，Jacky表示其擇偶條件一向都是隨緣，她說：「最重要是心地好。」

Jacky為答謝粉絲支持，預先準備了個人的post card送給讀者留念。

鄺潔楹及李梓樅亦到場支持Jacky。

Jacky為其新書舉行簽名會。

蔡潔借住醉意向展鵬表白，好彩陳展鵬把持得住！

由鍾澍佳總監製、黃國輝監製、陳翹英編審的台慶劇《馬百良安宮牛黃丸呈獻：香港人在北京》，逢周一至五晚9點半翡翠台播映。昨晚（24日）播出的一集，劇情講到蘇菲（蔡潔飾）陪同港仁（陳展鵬飾）去珠海傾生意，後來蘇菲飲醉酒獲港仁送回酒店，對港仁餘情未了的蘇菲借着酒意告白：「點解你當年要失約，如果你有嚟到嘅話，我哋世界就唔同晒…」蘇菲說罷情不自禁吻向港仁，而身為愛妻號的港仁最終把持得住，用手指放在嘴前拒絕蘇菲獻吻！

蔡潔陪咗展鵬去珠海傾生意。

蔡潔借住醉意向展鵬表白，仲想咀佢添。

講到該場床上獻吻戲，蔡潔受訪時坦言沒有尷尬：「大家都係專業演員，嗰場主要係講個氣氛，大家都係盡力去演出嗰場戲嘅氛圍，展鵬厲害之處係唔會令你緊張，我哋喺輕鬆嘅氛圍下完成拍攝。」蔡潔坦言獲悉與展鵬合作時，曾經擔心招架不住：「因為我嘅角色要Lead住佢嚟行，我喺度諗佢氣場咁勁，我得唔得㗎？而展鵬喺劇中對住我同吳若希都係處於下風，但佢Carry得好好，演到港仁嘅可愛同天真面，一出場就會Catch到大家嘅眼球，但又唔會太鋒芒畢露，我終於領教到視帝嘅功力。」提到大露背晚裝大晒白滑玉背非常搶Fo，蔡潔笑言：「我都覺得個造型好靚，其實嗰件晚裝上半身只係得一塊布，但出嚟效果好靚！」談到美白和健美心得，蔡潔大方分享：「我以前好鍾意飲牛奶，可能同飲得多牛奶有關係！同埋我幾喜歡練背肌，但唔係練大隻嗰種，練背肌除咗可以保護脊椎令到女士線條更凸出，仲可以令到塊面更Firm。」

好彩展鵬把持得住，用手指隔住。

蔡潔嘅白滑玉背勁吸睛。

蔡潔幻想同展鵬一齊嘅畫面，好Sweet呢。

另邊廂Helen（吳若希Jinny飾）誤打誤撞下，為姑仔寶怡（戴祖儀Joey飾）擔任了幕後和音，從而被張帥（梁漢文Edmond飾）發掘歌唱天賦，邀請她參加踢館賽，造就兩姑嫂同台！今晚（25日）播出一集，Jinny和Joey將會合體獻聲，以型格「黑雙煞」造型獻唱《Crying》，兩人一唱一和非常合拍，張帥最終選了Helen做學員，惹來寶怡醋意爆發！今晚Jinny和Edmond將有一場拍攝宣傳照場口，惟要近距離接觸的兩人全程怕怕醜醜，最終更仆倒收場。

姑嫂好聲音！吳若希同戴祖儀合體獻聲。

拍劇有助增加自信開個唱？
講到劇中有不少唱歌場口，Jinny受訪時透露：「喺未拍呢套劇之前，我係未試過企喺一個咁大嘅舞台演出，所以有好多唱歌場口真係有一種開騷嘅感覺。而開完呢套劇之後，我先夠膽開屬於自己嘅個人演唱會，呢套劇喺唱歌事業方面真係幫咗我。」提到與前輩Edmond合作，Jinny大讚說：「佢親和力好強，同佢做對手戲唔會好驚，同埋佢會令到我好想同佢傾偈，合作得好開心，好似多咗個哥哥咁！」

梁漢文同吳若希超近距離接觸。

仲搞到仆倒！