現年59歲的視帝黎耀祥，近年主要在內地發展，目前已與妻子在中山置業並長居當地，得閒放鬆就周圍玩周圍食，生活過得好愜意之餘，黎耀祥都會在社交平台同網友分享自己的近況，由佢的社交平台可以睇出，黎耀祥經常會出去搵好嘢食，生活得好開心。
成日同老婆四圍去。
當然唔少得食好西！
近日，黎耀祥又在中山食好嘢，仲在社交平台和大家分享影片，「係中山想食靚宵夜一樣有好地方，你睇下呢度幾好？」仲俾鏡頭去睇附近的環境，可以睇到，影片中的黎耀祥坐係街邊的大排檔入面，十足的市井煙火氣，呢間大排檔的豬骨粥超啱黎耀祥心水，「呢度的豬骨粥真系回味無窮，好難係第二度食到啊。」然後可以睇到黎耀祥十分親民地和當地市民合照，不過萬事無絕對，呢間大排檔都有需要改善的地方：「如果呢度有埋空調就真係冇得頂啦。」雖然食一陣粥就已經滿頭大汗，但這並沒有影響到黎耀祥嘆宵夜的興致。
黎耀祥將影片分就到社交平台後，好多網友對於黎耀祥的親民都有好大的感慨：「現在好多香港明星過珠三角逛街吃宵夜，很平民的感覺」、「沒人拍照我可能也認不出來，因為我們並不知道香港演員會坐係隔離食緊宵夜。」黎耀祥仲係評論區不斷推介大家到中山試下玩試下食，將親民貫徹到底。
