日本動漫粉絲吳海昕 與打機達人「達哥」率先參觀大型珍藏人偶展覽

吳海昕與達哥同場交流心得。

動漫迷年度盛事 - 「香港動漫電玩節」將於7月28日隆重開幕！世界頂級珍藏人偶品牌Hot Toys（www.hottoys.com.hk）相隔3年再次假「香港動漫電玩節」舉行大型珍藏人偶展覽！Hot Toys於展覽場地內以不同主題分區域打造主題展覽，搶先帶來海外首展《幪面超人BLACK SUN》黑日、影月真實戲服與戰蝗號道具、電玩遊戲《Marvel's Spider-Man 2》彼得柏加（高級戰衣2.0）、麥爾斯莫拉利斯（升級 戰衣）1:1原大雕像與該系列的極像真1:6比例珍藏人偶/載具，更重點地展出在全球引起熱潮的MARVEL最人氣《鐵甲奇俠》電影系列、STAR WARS即將上線的首部個人劇集《阿蘇嘉》、Disney+原創電影鐵血戰士系列最新鉅製《鐵血戰士:狩獵追擊》、Netflix真人版影集《航海王》、競技網游MOBA《英雄聯盟》等等的極 像真 1:6比例珍藏人偶與Cosbaby、Cosbi新品。 

吳海昕（Sofiee）與打機達人「達哥」率先參觀大型珍藏人偶展覽。

日本動漫粉絲Sofiee燃起熱血魂。

為隆重其事，Hot Toys特別於7月27日舉行Hot Toys大型珍藏人偶展覽@香港動漫電玩節揭幕活動，邀請日本動漫粉絲吳海昕（Sofiee Ng）及元祖級打機達人「達哥」林慧韡現身先睹為快，率先參觀展覽，預覽九款全港首次曝光的會場限量‧特別‧優惠‧珍藏版人偶，齊齊投入動漫狂熱！活動司儀亦請來同樣是動漫及人偶迷的DJ當奴擔任。

二人現身先睹為快！

Sofiee表示自己於中學時期已追看日本熱血劇情動漫。


平日多以日系文青穿搭的文青女神Sofiee，當日特意以型格皮褸造型出席動漫節活動，現身Hot Toys大型珍藏人偶展覽揭幕活動，表示能率先欣賞一系列 Hot Toys限量珍藏人偶及玩具十分開心！作為日本動漫粉絲的Sofiee於活動中表示自己內心其實有股熱血男兒魂，分享自己於中學時期已追看日本熱血劇情動漫，表示展覽中最吸引自己是首個海外活動授權亮相的《幪面超人 BLACK SUN》系列展覽，能親睹由日本空運來港、曾在劇集中亮相的戲服和電單車相當興奮！

活動司儀亦請來同樣是動漫及人偶迷的DJ當奴（左）擔任。

達哥得知Sofiee是日本漫畫粉絲，表示自己很欣賞女生都喜歡電玩動漫，十分期待與她交流對於動漫及電玩文化的熱愛。

今次展覽亦邀請元祖級打機達人「達哥」林慧韡同場現身，達哥表示好開心Hot Toys於三年後再度回歸舉辦大型珍藏人偶展覽，很有熟悉的親切感，亦讚嘆 Hot Toys近年為拓展動漫與電玩市場，比以往展出更多與電玩相關的珍藏展品，包括競技網游MOBA《英雄聯盟》迷你珍藏人偶及同樣矚目展出的電玩遊戲《Marvel's Spider- Man 2》主角彼得柏加（高級戰衣 2.0）的1:1原大雕像！達哥得知Sofiee是日本漫畫粉絲，表示自己很欣賞女生都喜歡電玩動漫，十分期待與她交流對於動漫及電玩文化的熱愛，同時亦於活動上為Sofiee挑選禮物，挑選了Hot Toys最新獲得授權的IP，由日本超人氣動漫《海賊王》改編，Netflix真人版影集《航海王》的路飛、卓洛、娜美COSBABYI（S）迷你珍藏人偶新品，希望讓她隨時隨地感受那份動漫熱血！

Hot Toys創辦人兼行政總裁Howard Chan（左），特別為2位星級粉絲率先送上會場限定珍藏人偶。

而作為Hot Toys珍藏人偶的超級忠粉的DJ當奴對Hot Toys新發表的「DX ARTISAN EDITION」十分之興奮，不論在頭雕、素體、服飾和配件細節都能做到媲美Custom-Made指標，絕對是Figure迷的福音！

Hot Toys創辦人兼行政總裁Howard Chan特別為2位星級粉絲率先送上Hot Toy會場限定珍藏人偶，2位獲得珍 藏禮物表示驚喜，當中Sofiee獲贈《星球大戰前傳: 黑帝君臨》安納金‧天行者 1:6 比例珍藏人偶（植髮版）、 送給「達哥」的是《蝙蝠俠三部曲》小丑 1:6 比例珍藏人偶（植髮版），手持珍貴會場特別版禮物合照留念， 並率先參觀Hot Toys大型珍藏人偶展覽！

不過193表示Sofiee要自求多福，因為劇組未能夠讓她索償醫藥費！

郭嘉駿193今年首支單曲《B出口》，其實是香港年青人的愛情寫照，今次除了早前公布了由何啟華Dee首次操刀執導MV外，更有之前與193合作舞台劇的吳海昕（Sofiee）加盟演出，鐵三角組合，想不到竟然發生家暴事件，Sofiee更弄得滿手瘀痕！

193推出今年首支單曲《B出口》，唱盡香港愛情面貌。

邀吳海昕（Sofiee）任MV女主角。

今次《B出口》由台灣音樂人宋星凱及葉懷佩作曲，林若寧填詞，是很多香港人的愛情寫照，193道：「《B出口》〉講好多人與人之間嘅邂逅，例如：搭地鐵遇到心儀對象，可能一齊咗，之後過一排又邂逅其他人。好多偶遇好多離離合合，呢個就係好多香港人嘅寫照。」既然是一首屬於香港人的情歌，193很想在歌曲中記錄當下的愛情以外，更想記錄香港，他續道：「林若寧寫詞嘅時候，我叫佢加多啲香港地方元素，記錄返香港呢個時間呢個地區，因為好多時有啲地區經過年月變化，又或者好多唔同因素會變咗好多，甚至係有可能冇埋條街，所以歌詞裡面嘅街名比較大路，彌敦道、太子道、擺花街，另外亦有提及花墟。」

相關影片可以按以下畫面觀看：

影片連結：https://youtu.be/vljXJxvPArc?si=RrqBEOHMlP8fiwDW>

在拍攝過程中，193不慎重整傷了Sofiee。

吳海昕慘遭193家暴！

早前已公布，今次《B出口》由ERROR隊友Dee執導。既然大導揸Fit，自然Budget也較多，193大爆：「MV 因為有Dee大導，係歷年來𢱑得最多Budget嘅MV！如果用《睡到三點》同《再次Puppy Love》去比較，Budget係多十幾倍，所以都幾誇張。Dee大導好多想法，話要爆破！話應該冇乜人MV會爆破，所以要爆破。然後又要流血！好多奇怪諗法！」諗法多自然拍得多，193都想不通Dee的想法，他說：「我哋分咗兩日拍，每日拍咗十幾個鐘，啲劇情係多到我覺得可以出一個劇場版，起碼30分鐘都仲有嘢剩，多到痴線，我都唔明Dee可以點樣整落去。」

何啟華Dee首次操刀執導MV。

《B出口》作為情歌，當然要有女主角，但原來過程中曾經換角，193解釋：「本身MV係諗住搵另一個女主角，係傾好咗嘅，但去到開會嘅時候，Dee度咗好多劇情嘢，但當時想搵嘅女主角，係大約20歲嘅女仔，同我年紀差好遠，我哋點樣回憶返我哋十幾廿年前嘅片段呢？十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》，係一個幾好嘅選擇，同埋佢係一位好演員，所以唔使諗就係佢。」

193十分感謝Sofiee不計酬勞，近乎貼錢演出，與此同時，他亦深感歉疚，因為在拍攝過程中，他整傷了Sofiee。193說：「有場情緒戲，拍咗好多次，可能有7、8 Take，Dee 老師有好多唔同要求，我哋都跟足做，其中我要同Sofiee鬥力，我要雙手捉住佢阻止佢發癲，但我估唔到自己天生力大無窮，打開籃球嘅右手捏佢左手，結果捏到瘀晒，估唔到瘀到好似家暴，唔係一般嘅瘀，幾個鐘頭後已經變到紫黑色好似中毒一樣，所以我都好過意唔去。」不過193表示Sofiee要自求多福，因為劇組未能夠讓她索償醫藥費。「我頭先有Offer，最多買支去瘀膏或者跌打酒俾佢，但Sofiee冇理我。」對於被捏到滿手瘀痕，Sofiee就說：「兩睇啦！望落去就疑似好暴力，但對於33嘅老婆嚟講，佢係好大隻呀！平時係有操開，都有啲功力。」

193表示Sofiee要自求多福，因為劇組未能夠讓她索償醫藥費。

拍攝Budget歷來最多。