Hillary收起平日愛大笑的本色，投入廣告中文青女的形象，效果不錯！她又指平時大家看《膠戰》以為她好霸道，其實只是因為節目效果。
劉沛蘅（Hillary）聯同五膠呂爵安、魏浚笙、黃正宜、岑珈其與徐浩昌主持的綜藝節目《膠戰S3》早前播映完畢，大家睇得開心，另邊廂卻感到不太夠喉，期望陸續有來，現時各膠人也投入自己的工作崗位。
點擊看圖輯
Hillary收起平日愛大笑的本色，投入廣告中文青女的形象
Hillary透過今次拍攝體驗先發現自己啲頭髮都可以好柔順，感到特別開心
她又指平時大家看《膠戰》以為她好霸道，其實只是因為節目效果。
今年，Hillary工作上將有不同挑戰，最近她更參與新劇拍攝
Hillary收起平日愛大笑的本色，投入廣告中文青女的形象
最近「家姐」Hillary正投入新劇的拍攝工作，之前亦接拍了多個廣告，其中她為頭髮護理品牌拍攝了全新綠茶柚子洗護系列廣告，穿上純白色連身裙，鄰家女孩的形象大晒清純，展現出其文青的一面，更被在場工作人員讚激似日劇女神松隆子，Hillary笑說：「可能因為呢個廣告偏日系，無論妝、頭、造型都係偏向日本咁。以前都曾經有人講過，梗係開心啦！松隆子咁靚，做戲又咁好睇，好多佢嘅經典劇我都有睇，到而家成熟咗嘅佢都好有味道，係一個好成功嘅女藝人，我都要好好向佢學習。」
Hillary透過今次拍攝體驗先發現自己啲頭髮都可以好柔順，感到特別開心
拍攝當日Hillary要收起平日愛大笑的本色，投入廣告中文青女的形象，她笑說：「透過今次拍攝體驗先發現自己啲頭髮都可以好柔順，好開心呀！平時望人我都會留意對方把頭髮，如果好順滑，佢多數係一個靚女嚟，哈哈！所以大家都記得要好好護理自己嘅頭皮同頭髮啦！今次拍攝都有啲特別，因為我平時都習慣係鏡頭面前大笑，今次要文青啲，要微笑、mood shot，展現自己另外一面，原來要收起燦爛笑容對我嚟講係有難度㗎！好彩最後拍到出嚟都好好睇。」
她又指平時大家看《膠戰》以為她好霸道，其實只是因為節目效果。
參與《膠戰》以來， Hillary感恩因此令大家認識自己，開心為觀眾帶來歡笑，同時亦得到不少工作機會。不過，第三季卻塑造出「惡女」形象，Hillary大呼冤枉說：「由第一季到第三季，我自己都覺得幾大分別，第三季大家好似見到我成日好惡咁，只係剪接出嚟嘅片段都咁啱係我發緊惡嘅時候，因為同大家熟咗，會放咗，會冇咗避忌，打打鬧鬧、有嗰句講嗰句，同第一、二季嘅對比大啲，都算係一個節目效果。」
今年，Hillary工作上將有不同挑戰，最近她更參與新劇拍攝，她說：「之前都有拍劇，但今次係我第一次感覺到有壓力，因為同劇嘅都係好戲之人，自己演戲經驗好淺，有好多嘢需要學習，機位、燈位，要親身去試，我就好似一張白紙，冇乜負擔，同時都好有挑戰性，我會好努力、好努力， 讀熟劇本，做好啲功課，研究多啲角色，要放出去！」
今年，Hillary工作上將有不同挑戰，最近她更參與新劇拍攝
