41歲孫慧雪分享坐月生活 PO素顏照驚見皮膚更靚更似少女

孫慧雪於7月底誕9磅重的二仔，不時在社交平台分享湊仔日常，日前她又分享了「我的坐月生活」，並公開超少女素顏照。

現年41歲的孫慧雪於7月底誕9磅重的二仔。

雪雪貼出自己的素顏大頭照，並笑言現在肥腫難分，而且個鼻子變大了，「坐月對我嚟講，係成個月都肥腫難分污糟邋遢的日子⋯⋯有傷口又唔做得運動、被迫飲湯食飯然後乖乖餵奶泵奶，又無得瞓的日子～望落後生咗？因為肥咗。」又透露：「雖然冇得點瞓，但係皮膚狀態係好咗嘅，可能少咗化妝，多咗湯水⋯」並公開了放滿冬蟲夏草、海參等的滋補湯水。

雪雪話自己個鼻大咗仲未細返。

補身唔止冬蟲夏草。

雪雪係IG Story分享「足料」版。

雪雪也有分享兩個囝囝的照片，可見二仔已被養到肥嘟嘟，連雪雪自己都笑二仔似蠟筆小新，「呢隻蠟筆小新，背面睇已經感覺到佢好蠱惑，夜晚唔瞓覺，飲完奶覺得自己無飲過，喺度大叫！同哥哥細個時完全唔同，原來『一個好湊，另一個就唔好湊！』係真㗎～阿媽好崩潰！」還投訴二仔，「日頭先瞓，平時都唔鍾意瞓覺」。

真係好似蠟筆小新！

二仔瞓覺都動作多多。

至於哥哥Riley就因為正在放暑假，而不停撒嬌叫媽媽陪他玩，雪雪表示照顧完個細，就要照顧個大！大嘅仲要放緊暑假⋯不停撒嬌，叫阿媽同佢玩！不過佢都好𡃶細佬。」

哥哥都要撒嬌！

哥哥都好錫細佬。

不少網民看過雪雪分享的照片後，都大讚她生B後皮膚更好，外貌更像少女，「氣息皮膚好好， 月子應該坐得不錯」、「仲好少女」、「後生咗十年😍😍媽媽加油」、「亞雪素顏好似小朋友，細路女」、「點解你坐月個樣咁精神咁靚女嘅？」還有人笑言：「20歲都未夠生咗2個。」

邊度似41歲？完全係少女！

孫慧雪好「胸」猛！

孫慧雪多年來形象主要sell外貌漂亮，而最受一眾網友熱議當然少不得傲人的事業線，難怪美胸公司日瑩已連續七年邀請孫慧雪擔任公司代言人，可見地位份量十足。

孫慧雪已連續七年獲美胸公司邀請擔任代言人。

日前拍攝坐新廣告照。

美胸公司重金禮聘著名設計師負責阿雪服裝設計。

雙方合作多年，本次廣告照美胸公司更重金禮聘著名設計師負責雪雪服裝設計，度身訂造務求可展示阿雪驕人身材。當中包括以盛夏的鮮花為主題以突顯綻放的body，亦有型格閃爍韓流設計彰顯夠firm夠挺的胸部，少不得可以承托更出色事業線的高貴穿搭，以及具有由名設計師所設計的粉色自信之作。

雪雪大晒「胸」器！

性感程度爆燈！

阿雪本次拍攝後十分興奮，接受訪時指出自己為今次輯相努力減肥，腰圍力減4吋，可說是產後最fit的狀態，阿雪更表示本次大會設計師Jeff是自己兒時偶象，小時候會前往Jeff的時裝店欣賞畫作，長大後又會去買衫，所以今次合作非常滿足。

阿雪為今次拍攝努力減肥。

波濤洶湧！