奶奶計劃綠表換居屋 老公出錢但冇得加名 人妻憂將來叔仔姑仔爭產

有人妻指奶奶計劃以「綠表」換取更大居屋，但三名子女中只有她老公願意出錢，她擔心日後叔仔及姑仔可能想分一杯羹。

有人妻表示奶奶計劃以「綠表」換取更大的居屋，但奶奶三名子女中只有她老公願意出錢，她擔心日後叔仔及姑仔可能想分一杯羹。（資料圖片）(圖片來源:星島日報)

該人妻於親子王國討論區以「老公出錢幫奶奶買居屋」為題發文，表示奶奶目前與外傭居住在公屋，但由於該公屋單位空間太細，奶奶希望以綠表公屋換取更大的居屋。不過，奶奶的三名子女中，只有她的老公同意出錢支持奶奶買居屋。但由於現在的公屋戶主是奶奶名，而老公亦擁有物業，所以即使老公出錢購入居屋也只能落奶奶名，老公不能加名。樓主憂心將來奶奶百年歸老，叔仔與姑仔可能覬覦間居屋「請問有甚麼方法保障屋間日後可順利取回？老公有細佬細妹，怕日後有爭拗」。

「請問有甚麼方法保障屋間日後可順利取回？老公有細佬細妹，怕日後有爭拗」。（示意圖。設計圖片）

此帖一出即引起網民熱議，不少網民建議與叔仔及姑仔開家庭會議，釐清物業權益，並立「平安紙」以確保未來不會產生爭執「係就同所有人講清楚，立平安紙」、「開家庭會議講清楚，再搵人做証明」、「全家開會，之後搵律師見証」、「大家三口六面講清楚，再立平安紙」、「平安紙上，細佬妹做見證人簽名」、「母親及所有子女先開全家會議，同意由大哥出錢買居屋给99，將來99立入平安紙，居屋只屬於大哥」。

不少網民建議開家庭會議，釐清物業權益，並立「平安紙」。Getty圖片

有人亦指「講錢失感情」，認為老公不應該出錢換居屋「唔使擔心一定爭，大家一齊唔好出」、「唔好供好過，老人家百老歸老時，又有無份供樓的人跳出來」、「老人家住公屋咪幾好，幾廿歲人就無謂製造d麻煩」、「多一事不如少一事，老人家繼續住公屋最好，想孝順咪幫阿媽租大間d私樓」、「千祈唔好，唔想喺東張西望見到你」、「其實最好唔好買，費是多幾個仇家」、「都係唔好攪咁多野，令自己日後煩惱，分分鐘連親戚都做唔成」、「出咗嘅錢唔打算將來攞返，就 go ahead，otherwise 唔好搞咁多嘢」。

有網民質疑樓主夫婦打奶奶綠表主意。Getty圖片

亦有網民質疑樓主兩公婆打奶奶公屋主意「即係利用佢間屋轉......可以升值商品」、「我覺得係你地想利用你奶奶間公屋去換間居屋，好少老人家到咗咁嘅年紀想搬離自己熟悉嘅地方」、「好攞著數feel，阿媽年紀大，仲點會諗住搬屋」、「你老公係咪貪，奶奶死之後層樓唔洗補地價」。

樓主則解釋「買樓係奶奶要求，都係搬同一區舊樓，又唔係搬去啟德，怎會有可能升值，奶奶宜家坐輪椅，我老公盡能力改變她居住環境，在我立場當然唔想有這件事」、「從來冇想過用居屋賺錢，亦唔覺二手居屋值錢，我老公提議叫奶奶過來同住，我唔肯，係奶奶自已一直想換樓住好啲，佢又知我老公有筆錢在銀行定期，講左幾年，我老公心軟咪答應左。我係反對一方，亦跟老公嘈過，佢依然要做，我都好唔開心咪出post講下，你地所講的問題如日後爭產都想過，只是老公好淡定話唔會爭」。

帖文來源：親子王國討論區

不少人一年四季都有游水健身的習慣，不過俗話說得好，常在泳池游，哪有不中伏？

網上圖片

日前就有泳客在社交平台分享，在公眾泳池游泳時遇上突發事件，事後獲康樂及文化事務署職員派發一張罕見的「緊急專用」入場券，引來網民熱議。事主揭開獲券原因，原來是泳池發生最令人聞之色變的「啡色警報」，也就四池水受排泄物污染需緊急關閉。

網上圖片

網上圖片

該名自稱是資深泳客的網友在網上發帖，展示一張青綠色、印有獨立編號的入場券。券上以中英文註明「Issued in Emergency Event Only 只限於緊急事件時發出」，並列明持券者可免費使用任何康文署公眾泳池一節，入場券有效期為發出後12個月內。事主在帖文中表示：「游咗十幾年水，第一次收到。」

網上圖片

罕見的入場券曝光迅即引來網民熱議，大家紛紛追問是何種「緊急事件」，有網民指「通常有人瀨屎」，樓主坦白回覆：「你估中了」，並補充當時情況是「游下泳池有污糟嘢」。他透露，事件發生在顯徑游泳池，因池水受 污染需要緊急關閉清潔。

不少有相同經歷的網民現身說法：「上個月我都收過，剛沖涼就聽到廣播『池水受污染』」、「我都收過」、「早上可能係屎，下午可能係嘔吐物」、「化糞池見証卡」、「屎池卡」