何超儀曾透露老公陳子聰患上「棘手」的病，近日接受Do姐專訪時，直指老公因大動脈撕裂險死。
點擊看圖輯
Josie想借老公大動脈撕裂，提醒大家要好好做身體檢查。
Josie形容老公食煙食到好似自殺咁。
因為Josie唔畀陳子聰食蝦餃，所以佢係澳洲就瘋狂食。
Josie老公本身唔肯認自己身為出現問題，直到真係痛到接受唔到先肯講。
Josie話唔好睇佢老公個人大大隻，但佢個心靈係非常弱小，要送人去急症室，對佢嚟講係好大嘅責任。
估唔到原本以為只係小傷，結果原來係大動脈破裂，係非常嚴動嘅事。
Josie繪形繪聲咁形容手術過程。
醫生曾直言陳子聰可能活唔到。
因為嗰間醫院接收好多癮君子，所以當陳子聰昏迷嗰陣，醫生有諗過綁起佢對手，以免佢嘅反射動作郁到啲喉管，但被Josie阻止咗。
由於Josie係參加完釜山電影節後趕去澳洲，所以行李只有華麗嘅禮服，佢只好叫人係香港寄啲衫去畀佢，等佢可以著得端莊咁去照顧老公。
面對老公咁嚴重嘅病情，Josie真係好堅強。(圖片來源:星島日報)
澳洲醫生唔畀陳子聰返香港係因為擔心佢係途中出事，如果真係出事，醫生要負責任。
為咗老公可以做「Free Man」，Josie成功搵到全球最厲害嘅醫院，呢間醫院係美國，規模非常龐大，好似一個小鎮咁，醫生仲承諾有75%可以醫好。
依家Josie暫時停工，全心全意照顧老公，就算有心要離港嘅工作，都會控制係三、四日就完成。
Josie話依家陳子聰嘅康復進度良好，唯一唔好嘅就係鍾意食嘢，所以要好好控制唔好食太多唔健康嘅嘢。
聽陳子聰聲音佢精神唔錯。
陳子聰話經歷咗今次之後會更加珍惜人生。
Do姐最後為Josie送上抱抱。
觀看相關影片按連結：https://youtu.be/pLU7rF6IAIU
何超儀（Josie）近日接受鄭裕玲（Do姐）的《The Do Show》專訪，罕詳談老公陳子聰的病況，節目一開始，Do姐就表示大家都好關心她，更關心陳子聰的身體狀況，Josie表示：「其實我今次上嚟係想借我老公大動脈撕裂，直情係爆裂咗呀，呢個case嚟到同各位社會上嘅朋友講，原來呢個病我哋一路都無乜點留意嘅，亦都係一個silent killer（沉默殺手）嚟嘅，同埋係無乜病徵，但原來又可以做body check（身體檢查）嘅。」
Josie想借老公大動脈撕裂，提醒大家要好好做身體檢查。
Josie透露陳子聰於2016年曾患肝硬化，同時患直腸炎，但都很就治療，不過因為常常要在醫院吊鹽水，飲食被嚴厲管束，所以當年他才會瘦得像骷髏骨頭一樣。其後，「煙鏟」陳子聰曾打算戒煙，亦有乖乖聽過醫生的囑咐，注意飲食，但他卻不能持之而恒，三個月後就開始再食煙，又會叫人買肥膩的食物給他，回復暴飲暴食的生活，直到去年10月5日再度出事。
Josie形容老公食煙食到好似自殺咁。
Josie指陳子聰回澳洲探親，家人不知他的身體狀況，便沒有阻止陳子聰暴飲暴食，直到入院後陳媽媽才告訴她「佢食咗好多嘢」，還食了很多Josie不讓他食的蝦餃，而且陳子聰好孝順，因為父母年紀大，他便幫手搬傢俬。Josie表示，原本陳子聰打算在澳洲逗留三個星期，但不足一個星期，他就每晚都早早回房，和她視像通話時更沒有力氣，後來陳子聰才告訴她，他好像弄傷盤骨，活動困難，之後更痛到腰意位置，Josie見到陳子聰面色不正常，便叮囑他回港後要即時看醫生。
因為Josie唔畀陳子聰食蝦餃，所以佢係澳洲就瘋狂食。
Josie老公本身唔肯認自己身為出現問題，直到真係痛到接受唔到先肯講。
不過，有一日不知什麼原因陳子聰要送一個人去急症室，Josie說：「我老公個人唔好睇佢大大隻，佢個心靈係非常咁弱小，所以負上咗好大壓力，同埋佢本身有三高，咁所以佢盡咗能力車嗰個人去醫院，但係佢車緊嘅途中，佢話個肚好痛好痛，痛後好緊要，即係痛到離晒大譜，係架車入面嘅姿勢已經唔係揸緊車」，直到去到醫院門口，陳子聰痛到泊不到車，更痛到暈倒，之後被送到急情室，並進行全身檢查，六個小時後告訴他，他肚臍以下動脈爆裂，肚痛原因應該是一肚血，醫生讓他打電話，佢便打了給Josie，但已經說不到話，要由他父親告訴Josie，他現在馬上進行手術了。
Josie話唔好睇佢老公個人大大隻，但佢個心靈係非常弱小，要送人去急症室，對佢嚟講係好大嘅責任。
Josie馬上趕到澳洲，見到老公時對方正昏迷中，醫生解釋了很多次給她知道陳子聰到疕是患了什麼病，但她都不是太明白，直到在網上搜尋後才知道「好大鑊」。Josie指這個病容易發生在愛吸煙喝酒、吃肥膩食物、壓力大及有三高的人士身上。Do姐追問，陳子聰突然大動脈爆裂是否因為搬傢俬？Josie就表示：「因為佢抬嗰樣嘢唔係佢能力可以做到嘅，唔好講佢劏過肚，醫生叫佢唔好做粗重嘢先啦，一個普通嘅大隻男仔，你叫佢抬一張king size嘅床褥，呢個無可能抬到，唔係叫佢抬係換啊，由一張舊嘅換張新嘅，咁佢無形中谷爆咗自己。」
估唔到原本以為只係小傷，結果原來係大動脈破裂，係非常嚴動嘅事。
Josie又表示由於事出突然，所以醫生只能立即開肚，「一開個肚，啲血已經流到一地都係，成個肚都係血，都流晒出嚟。」她再繪形繪聲形容手術過程，「醫生要切開佢啲肉，然後要掀起啲皮，首先攞晒啲內臟出先，因為周圍都係血，要洗啊，成副『架生』都要拎出嚟洗啊，就有啲小動脈嗰啲呢，佢要攞個好實嘅鉗鉗實，跟住又開咗佢啲肉，又鉗住佢，醫生唔會理係咪鉗錯病人個腎啊肝啊，佢呢一刻唔理住，因為無咗大動脈係即刻死。」Josie形容當時老公體內是「爛溶溶」，最後為他換了矽膠製的人工動脈，但醫生因為急於救人，不小心弄壞了陳子聰的尿道，腎臟亦因而出狀況，直腸炎又復發，處理好所有緊急問題後，Josie指陳子聰當時身上插滿不同喉管，就像拖板一樣，而且還要再做四日手術才叫直正完成。
Josie繪形繪聲咁形容手術過程。
手術後，陳子聰不但肚脹得誇張，小便時更全都是黑色血，每天要輸10多包血，加上身體有機能壞了，Josie便醫生有什麼計劃，醫生直言可以做的都已經做了，現在只能祈禱，要靠陳子聰自己的生命力，但好大機會會活不下來。Josie又謂當時她發現老公的雙腳腳趾冰冷變紫色，隨時會被當成糖尿腳般截肢，澳洲醫生沒有辦法解決，她只好每日都食得飽飽又穿得非常暖和，親自為老公暖腳，並每日以記事簿記下藥名及病名告訴香港的醫生。最後，陳子聰昏迷了一個月加一星期才甦醒，Josie透露陳子聰醒來後完全不知道自己的情況，只看到開過刀的肚子即爆哭。
醫生曾直言陳子聰可能活唔到。
之後Do姐問到陳子聰現在的情況如何？Josie表示：「佢依家情況就係兩邊尿道已經消失咗，佢冇辦法去小便......後尾放放吓都有啲黑血，點知出吓出吓啲血都乾埋係個膠喉入面，無嘢出，咁醫生就好擔心佢啲毒素、creatinine（肝酸酐），creatinine去到500喎，好多毒素喺身體排唔到出來，大便小便都排唔到，諗緊辦法，結果同佢做咗個造口嚟到同佢排便。」Josie指醫生和她說言個造口應該是永久性，亦可能永久要洗腎。
因為嗰間醫院接收好多癮君子，所以當陳子聰昏迷嗰陣，醫生有諗過綁起佢對手，以免佢嘅反射動作郁到啲喉管，但被Josie阻止咗。
Do姐讚Josie能夠將老公的情況冷靜地說出來非常嚴害，但當時一定已經崩潰，Josie透露當時第一個通知了姐姐，姐姐提醒她，在醫院要莊重，不能因情緒失控而被趕走，在異地人家不知她是誰，可當她是瘋婦，所以她每天都會整理好儀容再到醫院。
由於Josie係參加完釜山電影節後趕去澳洲，所以行李只有華麗嘅禮服，佢只好叫人係香港寄啲衫去畀佢，等佢可以著得端莊咁去照顧老公。
兩個月後，Josie決定帶老公回港，便開始聯絡國際醫療專機服務，「其實我打嗰陣都言之過早，點解我講好似咁calm（冷靜），其實我係醫院係撳住自己唔可以發癲。（有無喊過？）有，有匿埋返房喊，但我一喊都即刻同自己講，因為醫院講嚟探佢（陳子聰）make sure你唔好帶菌入嚟，你要健康，我一喊個鼻通咗，跟住我心諗：唔好喊唔好喊，因為如果再喊因間感冒。」
面對老公咁嚴重嘅病情，Josie真係好堅強。(圖片來源:星島日報)
雖然中間與澳洲醫生爭論過能否回港，但陳子聰經過物理治療後慢慢康復，Josie又聯絡了香港瑪麗醫院的教授幫忙，就算教授不是專科，都幫手召集了專科人士及醫治過陳子聰的醫生，最終澳洲醫生都讓陳子聰坐醫療專機回港。在港留醫一個多月後，陳子聰都終於都可以在早上回家，但Josie希望老公能做「Free Man」，能自由活動、自行大小便。Josie坦言香港醫院指手術高風險，結果讓她找全球最好的醫生幫忙，第一次到美國檢查，而且有好消息，但10個月後才能正式重建尿道，醫生更承諾有75%能成功。
澳洲醫生唔畀陳子聰返香港係因為擔心佢係途中出事，如果真係出事，醫生要負責任。
為咗老公可以做「Free Man」，Josie成功搵到全球最厲害嘅醫院，呢間醫院係美國，規模非常龐大，好似一個小鎮咁，醫生仲承諾有75%可以醫好。
依家Josie暫時停工，全心全意照顧老公，就算有心要離港嘅工作，都會控制係三、四日就完成。
Josie話依家陳子聰嘅康復進度良好，唯一唔好嘅就係鍾意食嘢，所以要好好控制唔好食太多唔健康嘅嘢。
在節目的尾聲，Josie即場打電話給陳子聰，可以聽得出他的聲音中氣十足，他表示：「我依家都好返啲啦。」陳子聰多謝大家的關心，並透露每星期都做四次物理治療，做返我自己的本份。Do表示聽完Josie的話覺得好感動，問到他有沒有什麼話要對Josie說？陳子聰表示：「Josie喺嗰啲咁嘅情況下咁照顧我，我自己都感動。因為佢日日都係度看睇住我，同啲debate（討論）點樣去醫我，去幫我康復，唔簡單㗎成件事。」陳子聰除了感謝老婆的付出，還直言自己很幸運，經歷過今次事件會更加珍惜人生。
聽陳子聰聲音佢精神唔錯。
陳子聰話經歷咗今次之後會更加珍惜人生。
Do姐最後為Josie送上抱抱。
