食客揚聲點餐無人理 茶記阿姐被拍膊頭即發爛 網民意見兩極

食客光顧堅尼地城茶記，揚聲點餐但無人回應，於是離位以摺扇拍女侍應膊頭，阿姐反應令食客感到不滿。

有食客光顧堅尼地城茶記，揚聲點餐但無人回應，於是離位以摺扇拍女侍應膊頭，豈料阿姐反應超大高呼「入咗單啦」，令食客感到不滿。(「香港茶餐廳及美食關注組」FB圖片）

該食客於Facebook群組「香港茶餐廳及美食關注組」發文，表示日前到堅尼地城某茶餐廳用餐，女侍應將水杯放下後繼續前行，而他則隨即揚聲點餐「芝蛋治、熱鴦」，但阿姐完全無回應，令他十分苦惱「阿姐一直背住我，停在另一枱，似在幫另一枱落單。由於一直冇面見我，亦冇任何反應，我唔肯定佢究竟聽唔聽到」。

樓主解釋「你眼尾都冇望過嚟，我唔知你聽唔聽到。」阿姐更大聲回一句「係㗎！唔使望㗎！」(「香港茶餐廳及美食關注組」FB圖片

由於樓主不確定阿姐有否聽到他的點餐內容，他便離開座位，用摺扇輕拍對方的肩膊再講一次「芝蛋治、熱鴦」。誰不知阿姐卻突然高呼「入咗單啦」，樓主則解釋「你眼尾都冇望過嚟，我唔知你聽唔聽到。」阿姐更大聲回一句「係㗎！唔使望㗎！」，樓主大吃一驚，感到極度不滿，直言不想再忍受這種對待「唔想閉翳，離港消費！」。

樓主發文公審該茶記阿姐，反被網民批評無禮。(「香港茶餐廳及美食關注組」FB圖片

此帖一出即引起網民熱議，不少網民反批評樓主無禮「我覺得你唔識尊重人， 人哋忙緊你就唔可以等人得閑先叫人落單咩？ 你仲衝上前去拍人博頭、 可以告你非禮架」、「你拍佢，正常人都火啦」、「身體接觸己經吾啱，重要揾碌紙扇拍人 ，樓主真係要自我反省一下」、「人地幫其他人落緊單，你走去拍人膊頭幫你落單，我係果個呀姐都xx你啦」、「人哋背住你，你同人講野己經係有問題，之後仲要拍人膞頭，你冇穿冇爛行到出去已經算幸運」、「拍膊頭唔係咁好喎，人哋覺得你抽水喎」。

樓主表示用這把摺扇輕拍阿姐膊頭，認為並無不妥。(「香港茶餐廳及美食關注組」FB圖片

有人則認同樓主，認為阿姐態度有問題「亞姐就算唔望對方，一聲收到咪得囉」、「其實重點是個侍應無出聲同客講已下單，講聲就不會個客之後有所謂無禮的行動」、「吾係話要你跪係度賺錢。正常態度就ok架啦！」、「其實如果聽到，應一句有幾難啫」。

有網民亦慨嘆香港服務業質素大不如前「香港已經退化到一日三餐貼錢無受氣要劏雞還神階段」、「依家香港啲飲食業員工好多都係性格巨星，你幫襯佢老細即係搞到佢做多左嘢，當你仇人係正常」、「所以某啲餐廳唔好呻無人食生意差，根本迫人走」、「香港消費要受氣，真係『特色』」、「香港茶餐廳執笠都好正常，因為佢哋自己攞嚟衰」、「世界有幾多地方嘅餐廳可以寸得過香港餐廳」。

帖文來源：Facebook群組「香港茶餐廳及美食關注組」

年少時拍拖特別浪漫，因為總愛幻想是偶像劇中的男女主角，更會仿照劇中的浪漫橋段，希望和心愛的她/他沉醉其中。早前就有網民目擊天水圍有一對看似是情侶的中學生，男同學踩着粉紅色單車載着女同學遊車河，但令人嘩然的是女同學坐着的竟然是單車前的置物籃！

網上圖片

女同學坐着單車前的置物籃

網民在社交平台上載影片，片段中男同學正踩着一架粉紅色單車，而車上載着一位女同學，雖然畫面看起充滿浪漫氣氛，但睇真啲他們的行為危機四伏！原來女同學坐着的位置是單車前的置物籃，而非單車的後座。不過男同學看起來踩得相當輕鬆自如，而女同學亦一副旁若無人，無懼意外發生的泰然。樓主笑稱「個籃幾堅挺」。

網上圖片

網上圖片

網上圖片

樓主擔心兩同學行為已觸犯法例

不過網民就擔心兩位同學或已犯了法，香港法例第 374G 章 - 道路交通（交通管制）規例第 51 條（有關單車、三輪車及人力車的附加規則）的 3a 項：「在道路上騎單車或三輪車的人，不得運載任何其他人」。違者即屬犯罪，可處以第 1 級罰款 $2,000；第 2 個是香港法例第 228 章 《簡易程序治罪條例》妨擾罪及雜項罪行的第 4 項（在公眾地方犯的妨擾罪等）之下的第 8 點：「無明顯需要而在行人路上策騎或駕駛；或在顧及一切有關情況下，在公眾地方罔顧後果或疏忽地策騎或駕駛，或其策騎或駕駛的速度或方式會對公眾產生危險」，違者即屬犯罪，可處第 1 級罰款或監禁 3 個月。

網上圖片

網上圖片

網友：無傷大雅嘅事就比返少少空間

這看似浪漫但實為非常魯莽的舉動，引起網民不少討論，紛紛留言「唔跌就浪漫，跌左蘿柚爛」、「不建議這樣坐，可能會違法或造成意外」，不過亦有網民認為應該給年青人一點空間，不應諸多批評「後生係做後生嘅嘢㗎啦，大個已經好多限制唔可以行差踏錯，無傷大雅嘅事就比返少少空間後生仔/女過佢地一生中最開心日子」、「幾sweet」、「如果以前大部分人都會覺得好青春浪漫，但而家toxic到話人犯法」。