呂爵安小試牛刀推國語跳唱作品 Sing演〈霸道總裁〉夢想成真

呂爵安Edan@MIRROR個人演唱會前夕再推出新歌，小試牛刀推國語跳唱作品〈霸道總裁〉，仲話夢想成真！

即將舉行《EDAN LUI “IN MY SIGHT OF E” SOLO CONCERT 2023》的呂爵安，22日才剛推出全新廣東歌〈Again!〉，23日火速再推出新歌，更是首支國語兼跳唱作品〈霸道總裁〉，完全一次過滿足Fans兩個願望。

《EDAN LUI “IN MY SIGHT OF E” SOLO CONCERT 2023》舉行在即，忙於排練的呂爵安(Edan)，仍抽空製作了兩首全新歌曲，並先後在22、23兩日推出。

呂爵安開Show前化身精靈拍〈Again!〉MV 用咗兩個幾鐘，黐上去嘅假耳仔都整咗6個鐘，成件事好有心思

23日火速再推出新歌〈霸道總裁〉，更是首支國語兼跳唱作品

Edan一直都很想扮演霸道總裁的角色，剛巧這次在演唱會前推出的國語跳唱歌〈霸道總裁〉，繼續由Edward Chan監製、Edwin作曲、小崔填詞，正好就讓他在歌曲裡搖身一變，成為呂總裁，Edan道：「我冇同小崔溝通過，咁啱佢寫咗呢個題材出嚟，我一直好想做霸道總裁角色，所以呢個係緣份，而歌詞都好有Feel，係講點樣用好霸道嘅形式去追女仔，講緊點樣霸道地為你好對你好，係好正嘅一份歌詞。」為何這次會推出一首國語跳唱歌呢？Edan解釋：「冇特登Plan，想演唱會前出多啲歌，聽完國語Demo覺得好聽舒服，就諗不如今次直接呢個方向玩下、試驗下，同埋都想喺演唱會跳唱部份有自己歌，所以就有今次呢件事發生。」既可演總裁，又可以令演唱會歌單更豐富，給爵屎更多的驚喜，Edan自言是再辛苦也值得。

Edan一直都很想扮演霸道總裁的角色

係咪CHOK先？

歌詞都好有Feel，係講點樣用好霸道嘅形式去追女仔，講緊點樣霸道地為你好對你好

這次〈霸道總裁〉雖然是國語歌，但Edan未有特別去上國語堂，他笑言：「不過錄音時間同廣東話差不多，大家都知我廣東話咬字本身爭啲啦！其實由細到大都鍾意聽國語歌，所以發音或唱上去冇話好大嘅差別，但佢有少少R&B又輕快嘅曲風，要捉摸到跳唱輕鬆又Lay Back少少感覺係有啲難，特別係Chrous部份，節奏嘢難少少。

本身冇特登Plan唱國語，聽完《霸道總裁》國語Demo覺得好聽舒服就去馬了

演唱會在即，Edan抽空錄了兩首新歌，但就未有時間拍攝〈霸道總裁〉的MV，他說：「但相信演唱會後拍dance version MV，再研究下，今次希望演唱會前出到，等大家可以聽到，演唱會時就可以投入啲！」除了新歌，Edan也匯報了綵排進度，他說：「都合格，所有嘢定好晒，而家Rehearsal練習中，更加圓滿佢，希望可以帶到一個好好嘅演唱會俾大家睇，可以睇到唔同嘅嘢。」

演唱會在即，Edan抽空錄了兩首新歌，但就未有時間拍攝〈霸道總裁〉的MV，但相信演唱會後拍dance version MV。

新生代唱作人 Edwin Tong 於2025年結束前，推出本年度第三首個人單曲《霧氣上的字》，持續以其全才姿態，一手包辦作曲、編曲及監製，為樂壇帶來壓軸深情之作。

新生代唱作人 Edwin Tong

Edwin Tong推出年度第三支單曲《霧氣上的字》。

Edwin Tong自幼對音樂懷抱濃厚熱情，即使大學時期主修化學，仍堅持自學編曲製作，透過網絡分享創作demo，一步步耕耘音樂路。其才華在參與音樂育成計劃《埋班作樂》時嶄露頭角，超班水準更獲得著名金牌音樂監製兼作曲人Edward Chan的賞識，並隨即獲邀合作，開啟其專業音樂生涯的重要篇章。

新歌《霧氣上的字》靈感源自日常觀察與感悟。Edwin表示在一次與朋友傾談的車程中，看見車窗上的霧氣，聯想到人與人之間的關係也往往如此，時而清晰，時而朦朧，充滿不可預測的流動性。他特別邀請填詞人Oscar為歌曲填詞，雙方溝通主題後，Oscar發揮其細膩筆觸，創作出如「水點蒸發在瞬間，無法倒帶多1秒」等深刻詞句，精準捕捉關係中那份既值得珍惜卻又無法牢牢掌控的微妙情感。

新歌MV特別邀請郭健導演執導，並邀得舞台劇《大狀王》女主角、同時參與電影《填詞L》及《不赦之罪》演出的實力演員陳書昕擔任女主角。

為呈現歌曲意境，MV特別邀請郭健導演執導，並邀得舞台劇《大狀王》女主角、同時參與電影《填詞L》及《不赦之罪》演出的實力演員陳書昕擔任女主角。Edwin分享拍攝過程時稱：「一日嘅拍攝好充實，好欣賞陳書昕好快就能投入氛圍，帶動成個故事。自己喺演戲上仍然努力學習，今次好彩角色係做返自己，係一次好好嘅體驗，讓我更有信心繼續探索不同表演方式。」

Edwin Tong欣賞陳書昕好快就能投入氛圍，帶動成個故事。

回顧2025年，Edwin Tong持續推出個人作品，他坦言今年較多時間處理個人音樂事業的發展，寫歌數量相對減少，但未來希望能嘗試更多新曲風，並與不同音樂人合作，激發更多創作火花。過去創作歌曲包括：陳柏宇《不愛無壞》、呂爵安《Again》及力臻《2882點85✈》等等。

對於年尾樂壇新人獎項的角逐，Edwin保持平常心，說：「獎項唔係自己可以控制，唯一可以控制嘅就係做好自己嘅音樂。我會繼續專注創作，希望用作品說話。」《霧氣上的字》現已於各大音樂平台上架，MV同步首播。

Edwin Tong與金牌監製Edward Chan結緣 。

新歌《霧氣上的字》探索人際關係的朦朧與珍貴。