陳豪與蔣志光逾十次同劇讚對方幽默 《破毒強人》曹永廉忠奸成焦點

除報仇情節漸入戲肉，劇情還布下兩大懸念，文華為何為了安樂、放棄忠心耿耿的杜飛？楊Sir（曹永廉飾）到底孰忠孰奸！

由羅永賢（Marco）監製、黃偉強編審的《破毒強人》，逢周一至五晚八點半翡翠台播映，主要演員包括陳豪、胡定欣、蕭正楠、張曦雯、何廣沛、張寶兒、蔣志光、朱智賢、郭柏妍及馬貫東等。

福田呢頭扮晒冇嘢。

嗰頭搵人出車狠撞文華，唔少觀眾都大感嘩然同估佢唔到。

文華福田正面對壘勁有戲味

昨晚（24日）播至第19集的《破毒強人》，整集重點落在文華與福田（蔣志光飾）對決上。自愛妻淑賢自殺後（朱智賢飾），福田暗中尋找真兇，最終揭發文華瞞著自己大手購入過億毒品，深感被背叛的福田遂鎖定淑賢的死與文華有關，並直踩文華書店當面對質。起初福田很快便收起怒氣並邀約文華到大龍鳳食飯，但其實只是「笑裏藏刀」，氹掂文華上車後，福田派人出車狠撞文華…之後火氣level up的福田帶人上文華書店大肆搜索，期間一度激動地揪著文華衣領瘋狂問話，又將文華的頭質落書枱。不過文華不但全盤否認所有指控，全程更是氣定神閒；為了打擊文華，福田出絕招表示要殺掉安樂（何廣沛飾），文華聽畢眼神終露出一絲惶恐，整場戲戲味甚濃。

睇吓陳豪嘅頭髮，就知嗰一吓嘅衝擊力有幾咁犀利。

福田唔單止對文華幸災樂禍

仲要瘋狂咁質問佢同質佢個頭落張枱，但訪問番陳豪，佢完全冇話辛苦架。

盤點「豪光」當年今日

自《破毒》開播後，蔣志光與陳豪兩大好戲之人的正面交鋒一直備受關注，昨晚二人「一（激）動一（冷）靜」互動甚有火花。原來「光豪」同劇次數不下10次，當中更至少7度交鋒，相當有緣。昨晚無綫官網之一的「See Saw先」推出盤點「光豪之緣」宣傳片，更找來陳豪以文華Tone親錄VO；片段所見，「光豪」先後於《珠光寶氣》（2008）、《秋香怒點唐伯虎》（2010）、《公主嫁到》（2010）、《點解阿Sir係阿Sir》（2011）、《心戰》（2012）及《白色強人II》有對手戲，相當有緣；對於網民來說，片段中二人當年今日的樣貌變化更是珍貴。談到與蔣志光多番合作，陳豪坦言今次再有突破：「我哋一般以喜劇為主，反而正劇對壘唔多，好似今次呢種對立角色，更加係少見！」陳豪又大讚蔣老師：「佢係一個藝術家、一位充滿住智慧同資歷嘅前輩，身上面仲帶有一啲幽默感。」陳豪指很喜歡昨晚的撞車戲，大讚有戲劇感：「好欣賞呢個特長鏡頭嘅構思，能夠帶出撞車嘅真實感！我覺得《破毒》鏡頭運用尤其出色，戲劇感覺同畫面構圖有別於一般電視劇，自己好幸運能夠參與呢部非常特別嘅戲劇。」

唔少人都話陳豪將文華呢個角色演繹得好立體、好精彩，咁又係，單係呢個笑容，已經令人好心寒。

一聽到福田話要搞安樂，文華罕有露出有情緒嘅眼神。

今晚一集，福田將會繼續「虐待」文華。雖然鏡頭面前咁緊張，但其實演員們拍攝期間都好享受、好開心。

陳豪同蔣志光嘅喜劇節奏果然一流。

鬥型鬥Chok對於佢哋嚟講都冇難度喎！今次鬥奸，真係又有突破。

陳豪嘅當年今日Look好醒神。

除了報仇情節漸入戲肉，劇情還布下兩大懸念，首先是文華為何為了相識日子尚淺的安樂、放棄忠心耿耿的杜飛（馬貫東飾），及楊Sir（曹永廉飾）到底孰忠孰奸！昨晚楊Sir走上章琳（胡定欣飾）辦公室，以「放水」給章琳為籌碼、請求章琳為他接貨填數。由於曹永廉全程表現相當有「嫌疑」，觀眾未到最後一刻都不知道，原來該場交易只是他和葉浩天（蕭正楠飾）設計出來引章琳中計的圈套，劇情峰迴路轉；網民對於楊Sir與葉Sir之間微妙的關係更是議論紛紛。向來擅長演「強人」的胡定欣，鏡頭前雖然霸氣十足兼快狠準，但其實拍攝時與張曦雯一樣笑料百出，除了經常被專業名詞對白考起狂吃NG，更曾險些打破道具花瓶，更嚇至「驚樣三連環」大放送，甚是可愛。

曹永廉同阿蕭在劇中到底是敵是友，

網民已經好好奇。

不過佢哋更好奇嘅，係曹永廉到底忠定奸。

鏡頭前胡定欣霸氣十足。

不過鏡頭後嘅佢就傻氣十足，萌到爆。

「See Saw先」連結視頻：

https://youtu.be/lGUJaRDXaoQ?si=GJ2IhfGBQHl72dDs

《神耆小子》於5月6日首播！

由王偉仁監製、林麗媚擔任編審的TVB懸疑輕鬆小品《神耆小子》，由5月6日起逢周一至五晚九點半翡翠台播映，主要演員包括鄭則士、冼靖峰、蕭正楠、樊亦敏、曹永廉、傅嘉莉、羅毓儀、魯振順、吳子冲及袁潔儀等。

Kent哥呢個錢大海角色唔單止有霸氣，仲好霸道。

Kent哥呢個錢大海角色唔單止有霸氣，仲好霸道。

但其實呢位老人家，仲有搞笑可愛嘅一面。

但其實呢位老人家，仲有搞笑可愛嘅一面。

Archie喺劇入面既精靈又乖巧。

Archie喺劇入面既精靈又乖巧。

以新人嚟講，演繹好自然，值得期待。

《神耆小子》由兩屆金像影帝得主鄭則士（Kent哥）夥拍劇集界新丁冼靖峰（Archie）攜手演出，故事講述白手興家的零食集團「勁威威」CEO錢大海（鄭則士飾），由於硬淨成性，無論在商場或屋企均是「有佢講冇人講」；面對大海的高壓手法，兒子繼來（曹永廉飾）、女兒有方（傅嘉莉飾），及情人知己洪玫瑰（樊亦敏飾）表面言聽計從，實則各有各陽奉陰違，大海對三人亦存有極大疑心，經常以遺囑作為威脅三人籌碼…一天大海上班途中突遭綁架，綁匪聲稱是其家人指示，自此「查找綁架叛徒」風波一觸即發，偶爾路過綁架現場的趙一鳴（冼靖峰飾）在「冇得揀」的情況下成了大海私人偵探，並遭威逼收留大海；豈料回到家竟發現父親子勇（蕭正楠飾）與大海有陳年血海深仇；主角們錯綜複雜的關係、配以出乎意料的劇情發展，及充斥抵死鬥氣金句的場口，輕鬆惹笑之餘不失懸疑。

Archie同Kent哥勁多對手戲。

Archie同Kent哥勁多對手戲。

Archie同Kent哥勁多對手戲。

大海上班途中遭突然綁架。

大海上班途中遭突然綁架。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

仔仔曹永廉、女兒傅嘉莉，同情人知己樊亦敏都相當有可疑。

1974年已開始為無綫拍攝劇集的Kent哥，演出過無數經典影視作品，當中最為人津津樂道的角色絕對是肥貓，當年Kent哥亦是因《肥貓正傳》與《神耆小子》監製王偉仁（Simon）結緣。為了凸顯Kent哥錢大海一角的霸道，Simon專誠為其設計了「老虎狗」Image，並大讚認識了近三十年的Kent哥易話為，亦是整套劇集的靈魂人物，Simon說：「只要Kent哥喺度，所有演員同台前幕後都會寧舍開心同埋專注。Kent哥有一樣嘢真係幾十年都咁專業，就係佢永遠唔會遲到、仲例必比通告時間早半小時到做準備，好值得欣賞。」

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

蕭正楠同Kent哥原來都有牙齒印，佢哋一見面就嘈起上嚟。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Archie當然夾喺中間啦，但係就係因為咁，劇情先至咁爆笑。

Kent哥呢個「人形動物公仔」扮相好Cutie。

另一亮點是演戲演足50年的Kent哥，是次主要對手竟是劇壇新丁Archie，雖然二人演齡差距頗大，但演出卻一拍即合，在連場與Kent哥的互拋場口，Archie不但「戲勢」頂得住，就連涉及勁多IT專有名詞的對白亦應付自如，值得期待，Archie受訪時笑言全靠Kent哥貼身指點，並細數Kent 哥3大暖心行徑，首先是教講對白加揣摩角色，然後是近乎24小時貼身指導及慰問，第三點則是樂於與後輩分享人生經驗：「由Day 1去到最尾嗰日，Kent哥都係教緊我嘢，佢知我演戲經驗好少，佢唔單止教我講對白，仲教我點分析角色同揣摩角色對於故仔嘅功能。同Kent哥拍完每場戲，喺休息時間佢都會講解番場戲點解要咁做；每日拍完一齊食飯，佢又會講番我聽佢嘅相關經驗、同我點樣可以去更好咁裝備自己。」

曹永廉今次個角色到底忠定奸呢？

曹永廉今次個角色到底忠定奸呢？

陳榮峻喺劇入面，係Kent哥嘅老友兼忠心近身下屬。

蕭正楠個角色好正氣憨直，絕對係入屋之選。

Kent哥喺劇入面會忽然變「老虎狗」，好cute cute。

「佢連Off cam之後返到屋企，都會再Text我，教我邊場邊場可以注意啲乜，臨尾仲一定加句：『希望你拍攝順利啦』。Kent哥又會同我傾偈時教我好多人生道理，用佢嘅人生經驗教我點去看待自己嘅事業。拍完套劇我就去咗拍《亞洲超星團》，Kent哥差唔多每兩、三日就同我講加油，問我咩狀況、有冇咩困難？呢啲前輩邊度搵？」與鄭則士份外投緣的Archie，坦言對方與自己已過身的爺爺很相像：「都係佻皮得嚟又有威嚴，所以對住Kent哥，我係愈嚟愈唔怕佢，一開始都驚佢架。」Archie另外還感激樊亦敏（Amy）的提點：「我平時會睇多啲IT嘅嘢，呢個係Amy姐教我嘅，到我睇劇本時我就知個term講緊咩，就可以好有自信咁講到出嚟，咁角色嘅說服性會強好多。」除了Archie，Kent哥與蕭正楠亦有大量「廝殺」場口，在官方預告片，二人不但經常口角，其中一幕蕭正楠更會喪扯Kent哥底衫大玩對質互數，期待值爆燈。