多區出現「字畫黨」行人踩中被屈賠錢 網民教路如何自保

本港多區出現「字畫黨」，不少網民表示目擊有人在街頭擺放字畫，當行人不慎踩到時，即會被要求支付巨額賠償。

「字畫黨」常於人多的地方出現，他們會就地攤開畫卷，當有途人一不小心踩到畫作，便會被要求賠償。(FB圖片）

近日香港多區出現「字畫黨」。（FB圖片）

近日社交平台流傳著一系列相關的貼文，顯示在香港多個地方包括中環、大圍、馬鞍山、牛頭角等都出現「字畫黨」的行蹤。「字畫黨」騙徒多為內地人，他們主要集中在早上上班上學的人流高峰時段行騙。

這些騙徒以相同手法行事，他們會攤放聲稱是「國寶」的名畫，如長達4米的「南鄉舊夢」於街頭或公園，當有行人一不小心踩到「國寶」時，他們立即要求賠償。有時甚至有同黨出現，借故推跌行人，令人誤中陷阱，避無可避。

「字畫黨」於大約十前亦曾活躍一時，當時不少市民遭殃。（FB圖片）

據了解，「字畫黨」早在多年前已有出現過，如今再現香港引起網民熱議，不少網民留言獻計，破解騙徒陷阱「係淘寶買返一幅孭防身」、「一個行過去踩完即跑走，距追既話另一個就拎走個幅畫掉左距」、「即時告佢隨地掉垃圾啦」、「搵反啲畫圍住佢」、「你幅畫整污糟我鞋底，我都未出聲，你出咩聲？」、「樓上淋水落去」。

不少網民留言獻計，教路如何破解「字畫黨」的陷阱。（FB圖片）

有網民呼籲，若不幸遇到「字畫黨」，應立即報警求助，千萬不要賠錢。（FB圖片）

有人則建議在遇到類似的騙案時，應立即報警「如果真係咁on居踩中，唔好怯，報警先」、「大街大巷怕佢咩，即刻報警」、「其實真係唔小心整到會點，佢老屈報警咪得？」。有人建議可以向食物環境衛生署舉報阻街「遇上名畫黨，報警係冇用嘅，大家可以打電話去報食環署廿四小時熱線( 28680000/ 1823） ，告佢阻街，罰佢$3000，因為幾年前試過」。

有人則指若在街上看到「字畫黨」，可致電食環署舉報。（FB圖片）

女乘客搭的士要求「中途順路接朋友」，卻遭司機爆粗拒絕兼嗆「有本事你報警」，於是咁做。

有港女搭的士要求「中途順路接朋友」，卻遭司機爆粗拒絕兼嗆「有本事你報警」。（FB截圖）

有女網友於Facebook群組「的士乘客及司機行為分享區」發文，表示日前上了一架的士，在告知司機目的地時，已表明要「中途順路停站接朋友」，開車後司機竟爆粗回應表示「我唔X停，我要賺錢冇時間同你停車」。樓主不解，追問不肯停車的原因，司機火爆回應「我係唔X停，有本事你咪報警囉！」。

樓主不忿氣「我哋乘客都係搭車啫，冇理由受埋呢d氣」，於是「就順你意思去報警」，當得知事主已報警後，司機立即改變態度，即時向樓主道歉，何惜為時已晚「警察到場第一時間發現呢位火爆司機冇展示的士司機証，警察立即抄咗佢牌」。最後樓主登記及付車資後便落車離去，她更心涼表示「警察就慢慢同你玩。好彩之後我哋截另一架的士個司機態度好。」

港女順司機的意，真的報警了。（FB圖片）

此帖引網民熱議，有人不解司機為何不願中途停車「中途停一停個咪錶照跳嗰喎，有咩問題呢？個司機第一日揸的士？」、「停一停方便吓人有幾大不了呢？咁樣就搵唔到食？唔係啩，真係唔明個腦諗緊乜嘢」；有人則批評司機態度惡劣「其實說到底係禮貌問題，恃老賣老，自己其身不正無展示的士證」、「就係呢啲垃圾阿叔搞彎哂個行頭」、「深深明白司機有難處，但都希望可以態度好啲，西客不是一日養成的」。

警察到場發現司機沒有展示的士司機証。（FB圖片）

不過亦有網民撐司機「我又解釋吓點解司機咁怕中途停車接人？原因係好多話中途停接朋友，去到未見人，等吓又一分鐘，等吓又一分鐘，好多客人成日覺得停喺度有個錶識跳，以為司機好著數，假設等十分鐘，收得你十零蚊，用十分鐘可以做完支旗落埋客喇」、「香港法例，所有道路，除咗錶位，係只可停車上落，不可停車等候，停低喺度等，差人隨時可以埋嚟抄牌，而家仲興玩錄影，事後收信先知中咗招，到時唔通搵返你嚟認頭？」、「我唔知你支旗有幾大，一陣又話的士佬嫌你短途乜乜物物，如果係唔過40蚊旗，呢度停一停，果度等一等，將心比己，正如你去茶餐廳叫杯熱奶茶仲要這樣那樣，你係冇錯嘅，不過就令人討厭啲囉」。

有網民指責司機態度惡劣，亦有人撐司機。(Getty圖片)

帖文來源：Facebook群組「的士乘客及司機行為分享區」