鄭嘉穎和老婆陳凱琳趁8號風球，大仔放假，加上仍未有下雨，便一同外出來個親子「special day」。
超強颱風「蘇拉」襲港，天文台於9月1日凌晨2時40分已發出八號西北烈風或暴風信號，於下午6時20分改發9號風力增強信號，再於下午8時15分改發10號颶風信號。在9號風球懸掛前，鄭嘉穎和老婆陳凱琳就趁仍未有下雨，帶同大仔鄭承悅（Rafael）外出來個親子「special day」。
鄭嘉穎與陳凱琳育有三個囝囝。
二人早前慶祝結婚五周年。
鄭嘉穎在社交平台分享照片，並留言「兩個人帶大仔出街，去食pizza，再搭埋天星小輪，最後仲同人迫住買餸準備颱風🌀Rafa好開心話多謝媽咪爹哋為佢準備嘅special day，佢仲問咁兩個細佬會唔會都有special day？我哋話當然啦，跟住佢就講好啊，咁我都一齊嚟先🤣」，Rafael天真的回答非常可愛！
Rafael好開心。
可以獨佔爸爸媽媽。
Rafael真係好可愛！
仲有pizza食。
除了分享與囝囝的有愛互動，身為「愛妻號」的鄭嘉穎亦不忘放閃，貼出一張陳凱琳拿着壽司的照片，還扮無辜地留言：「最後嗰張係我老婆叫我post埋㗎😌」，而陳凱琳則留言：「下次要早啲先買到靚豬肉」，網民都大讚兩公婆的互動相當甜蜜，並表示很喜歡愛他們一家的家庭照。
好閃啊！
陳凱琳都有在IG Story貼出合照。
影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。
陳凱琳及衛詩雅盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓。
Merz Aesthetics®️ 香港區總經理Candice Wong與兩位品牌大使擔任頒獎嘉賓
前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」
擔任Belotero® 品牌大使多年的衛詩雅對產品非常有信心。
對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。
衛詩雅
同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。
Xeomin® 品牌大使陳凱琳十分信賴德國製造的Xeomin®️零雜質_純淨+配方。
問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」
陳凱琳
