颱風蘇拉 | 10號風球大PK 山竹吹落樓5年拖鞋 蘇拉竟帶唔走？

時隔5年本港再掛10號風球，有居民曬出5年前被山竹吹落樓，遺落在冷氣外機上的一隻拖鞋，猜測其今次的命運……

蘇拉過境後將軍澳街景（巴士的報記者攝）

昨晚蘇拉過境香港，帶來極罕見強烈大風，與5年前的10號風球「山竹」相比似乎「有過之而無不及」。今朝市面一片狼藉，不少樹木、戶外設施均被破壞。昨日有維景灣畔居民在FB群組「維景灣畔 Ocean Shores 分享相片並笑言「山竹吹落來嘅拖鞋，唔知蘇拉會唔會帶走，望住佢煮飯都5年」，相片顯示一處冷氣機外機上有一隻拖鞋，疑似5年前被山竹吹落樓至今。

FB圖片@維景灣畔 Ocean Shores

帖文吸引眾多居民好奇熱議，紛紛留言表示「可能吹來另外一隻，一雙一對」、「我都希望吹走廚房出面條底褲」、「集氣」、「唔明點解會吹拖鞋落嚟？」

FB圖片@維景灣畔 Ocean Shores

今朝起身即有不少網民留言詢問「可唔可以follow up 下隻拖鞋嘅去向」、「隻拖鞋最後有冇吹走到？」、「有報告未？？？」

蘇拉過境後，拖鞋仍在（FB圖片@「維景灣畔 Ocean Shores ）

然而樓主亦更新拖鞋現狀指「呼呼的蘇拉走了，不帶走這隻拖鞋，留係度俾我洗碗時繼續思考佢嘅來歷」感嘆「喂，有冇人5年前唔見左隻拖鞋呀？」，還笑言「當外面爆玻璃冧樹冧石屎嘅時候，隻單拖仍然安安穩穩地躺在大金主機上。」

FB圖片@維景灣畔 Ocean Shores

該群組，亦有網友分享相片指，位於調景嶺的商場metro town打風之後改咗名「個風幫商場改埋名」，引網民熱議笑言「都改得幾好呀，成個刀會駅都好殘舊」、「天水圍有Ttown 調景嶺有Otown」。

男乘客將港鐵變「流動自修室」？車廂內擺放摺枱及膠櫈睇書，其「面青口唇白」的倦容亦成焦點。

有港男將港鐵變「流動自修室溫」，公然在車廂內打開摺枱及擺放膠櫈，旁若無人地看書。（FB圖片）

有網民於「連登討論區」以「黐X線，呢個男仔喺地鐵擺晒枱櫈溫書咁勤力」為題發帖並上載照片，照片中一名年輕四眼男子於港鐵車廂內，公然打開摺枱，如入無人之境地看書，摺枱旁更攞放了一張藍色膠櫈，估計是以防無位坐時也有櫈可坐，樓主猜測「佢一定係屋企冇地方溫書」。該四眼男子佔了兩個乘客座位，另一邊有一位正在看手機的中年婦人與他並肩而坐，未知是否男子的母親。

男子「面青口唇白」，有網民形容「條友溫書溫到虛脫咁」。（FB圖片）

而男子「面青口唇白」的倦容亦成為網民的焦點「佢個嘴咩事」、「溫到面青口唇白」、「溫到唔記得飲水」、「佢個樣真係好似讀書讀到就嚟死咁，喪屍樣」、「有d擔心佢身體狀況，好似就嚟唔得咁」、「條友溫書溫到虛脫咁」。

有人笑言指男子做法聰明「又幾醒目，屋企冷氣都慳返」、「識揀啊，又有冷氣，又可以遊車河」；有人則質疑男子只是譁眾取寵「點會溫得入腦，出嚟炒作」、「係咪又係啲白卡仔玩啲乞人憎嘢想上位？」、「根本只係譁眾取寵」、「想博出位博見報咋。」

較早前亦有一對男女搬大型書枱上落港鐵車廂。（FB影片截圖）

根據港鐵運載行李條件，除非得到港鐵公司書面特准，每名乘搭市區綫列車的乘客只可攜帶一件長闊高相加的尺寸總和不超過 170厘米、而任何一邊的長度均不超過130厘米的行李，惟持有由港鐵公司發出的有效「港鐵攜帶較大型樂器許可證」或「港鐵攜帶較大型樂器及體育用品許可證」的乘客，則可在受制於該許可證的條款及條件下攜帶一件長闊高相加的尺寸總和不超過235厘米、而任何一邊的長度均不超過145厘米的樂器或體育用品。

亦有人試過搬雪櫃入港鐵。（FB圖片)

帖文來源：「連登討論區」