搶Do姐對白似主持多過嘉賓 哲學家Jeffrey富士山下講經「見山仍是山」

《去邊啊Do姐》第三集， Jeffrey登場與Do姐遊日。

Jeffrey在第三集中反客為主，似主持多過嘉賓，介紹境點無停口，Do姐罕有被搶對白，但Do姐都任由Jeffrey發揮，果然係「靚仔大晒」。

Jeffrey求其行路都好靚仔。

導遊魏浚笙（Jeffrey）帶鄭裕玲（Do姐）到澀谷區鍋島松濤公園，參觀由著名建築師隈研吾設計的「森之小徑公廁」，公廁主要以木製造，外形仿似村落。Jeffrey與Do姐齊齊估廁所門口的公仔標示意思，Jeffrey看圖 亂作故仔，估柺杖公仔係「第三隻腳」。

Jeffrey連廁所公仔都可以解釋一番，吹水能力高超。

Jeffrey亂咁講，不過講錯晒Do姐都好開心。

之後，二人出發尋找富士山，Do姐擔心天氣差見不到富士山，Jeffrey又講經指第一次就望到富士山「一啲都唔吸引」、「最緊要係若隱若現嘅感覺」。Do姐帶Jeffrey到餐廳試飲富士山水所釀製的日本啤酒，有朱古力、辣椒等味道。Jeffrey自認酒量淺，滴酒不沾，Do姐一個人試晒五款啤酒，認真飲得！

Do姐擔心天氣差睇唔到富士山，Jeffrey又講經「睇富士山最重要係若隱若現」。

去到河口湖，Do姐選擇了一間森林酒店與Jeffrey去Glamping。Jeffrey的確做足功課，與Do姐食早餐時竟然一口氣由餐包、咖啡、醬汁到生果都記熟稿逐一介紹，「荷蘭包色澤同飽和度好高」 ，Do姐安心做嘉賓望住Jeffrey細聽。

Do姐Jeffrey在河口湖Glamping。

知道天氣差見不到富士山，Jeffrey就話贈Do姐兩句：「見山是山、見山不是山、見山仍是山」，見山是山意思係「你見到個山，其實可能佢唔係一個山，你都以為佢係一個山」， Do姐雖然不太 同意Jeffrey的解釋，但見到Jeffrey用心講經，都笑不停口。難怪Do姐與Jeffrey去完旅行後表示：「你以為佢係偶像派，但佢係哲學家實力派。」

Jeffrey教Do姐如何感受一座山。

Jeffrey贈Do姐兩句「見山不是山」，Do姐都唔多明。

由梁居英執導﹑Jeffrey魏浚笙主演嘅電影《殺手#4》，近日走入校園為應屆DSE學生打氣。活動原定下午3時於禮堂舉行分享會，未正式開始，Jeffrey於2時55分步入校園時，已被不少眼尖學生認出，男生隔空尖叫，氣氛瞬間升溫。

電影《殺手#4》監製文佩卿與導演梁居英，聯同主角魏浚笙（Jeffrey）近日到訪中學，為應屆DSE考生打氣。

Jeffrey除分享入行經歷，更特意走到中六課室探班，鼓勵考生以平常心應試，更笑言：「唔開心就Direct我啦！」引來全場歡呼。

分享環節Jeffrey聯同導演梁居英及監製文佩卿，於禮堂與同學分享電影幕後工作及入行經歷，中間導演更邀請兩位中學生上台即席學習如何「收order成為動作片演員」，此番體驗跟一般讀劇本相當不同，現場反應熱烈。其後大合照環節，學生情緒高漲，一度出現「暴動」場面。

活動結束後Jeffrey得悉中六學生未能出席分享會，遂答允教師邀請行，逐一探訪五班正密鑼緊鼓準備DSE考試的中六學生。期間他鼓勵同學用寬容心態對待考試，更表示「唔開心，就Direct我啦」，及後亦耐心為同學簽名，不但簽在筆記簿、試卷套上，更有學生即場請他簽在T-shirt及結他上。消息傳開後，其他級別學生亦自發圍在課室外等候，只為與偶像近距離見面。

其後Jeffrey頻頻為學生簽名。

是次校園活動不但為考生送上鼓勵，更讓學生感受到電影演員走進校園的真實與溫度，亦讓他們在緊張考試前，了解社會各行各業的不同情況與出路，並將影視娛樂視為日後專業發展的其中一個可能方向。

更有學生即場請Jeffrey簽在結他上。