唐詩詠宜家有好多時間可以做自己鐘意嘅烘焙。
42歲視后唐詩詠(Natalie)自從離開咗無綫(TVB)後,已經享受了大半年的自由生活,時不時和親朋好友相聚,又有足夠時間飛出去玩,早年就有留意日本物業的唐詩詠,宜家頻頻去到鐘愛的日本旅行,熱愛烘焙的她前排仲去咗學整餅,在香港學烘焙手藝已經唔夠,特登飛日本報班學整麵包和甜品,並將自己第一次係日本學烘焙的體驗在社交平台和網民分享。
唐詩詠在分享烘焙第一堂的時候配文:「日本初體驗,成日都覺得日本麵包好鬆軟,好想知道原因係乜,今次終於體會到他們的世界,做個麵包至少發酵一天,而且當中有很多很多很多細節,錯誤了少少少少少少,都直接影響到成果,麵包師的堅持是值得的,貴也是有原因的,全因成分都是天然的,完全沒有任何化學成分,同學說我以後吃麵包都會變得很挑剔,多謝渡邊美紀老師。」唔單只第一日,第二日上堂都不忘打卡,可以睇出唐詩詠對烘焙是真的熱愛。