袁偉豪直認拍《鐵探》身體嚴重透支 張振朗台慶表演搏老命撻傷腰仍頂硬上

袁偉豪和張振朗在《歐洲鐵騎遊》除了親駕鐵騎探索歐洲靚景外，二人還一起回顧昔日「搏命」歲月。

《歐洲鐵騎遊》由兩位電單車愛好者袁偉豪（Ben）、張振朗（Owen）擔任主持，9月16日晚播出的第二集是第三至第五日的行程，BO率先開着鐵騎在被喻為全世界最靚的路段風馳電掣，去到全意大利最高的露台打卡，欣賞加爾達湖無敵靚景，Owen大嘆：「苦盡甘來，可以睇咁靚嘅景，真係好值得。」

今集揸住鐵騎喺被喻為全世界最靚嘅路段風馳電掣。

今集揸住鐵騎喺被喻為全世界最靚嘅路段風馳電掣。

無綫截圖

無綫截圖

BO去到全意大利最高嘅露台打卡.

欣賞加爾達湖無敵靚景。

無綫截圖

歎吓咖啡吹吓水，男人的浪漫其實好簡單。

翌日的行程，BO暫時離開大隊出發參觀有近千年歷史的古堡，惟BO出發後不久便再次遇上阻滯，因早兩日行程下大雨關係，導致BO的鐵騎同時出現狀況，兩人要臨時換上其他鐵騎，最終搞到遲到更一度激嬲古堡主人！

之後BO去咗參觀千年古堡。

城堡主人仲同佢哋分享小故事。

BO出師不利連環壞車！

BO仲因為遲到激嬲咗城堡主人。

氣氛一度緊張。

不過好快大家就握晒手。

城堡入面都好靚㗎。

第五日是休息日，BO以型仔打扮慢遊意大利小鎮，一邊歎啡一邊回顧昔日「搏命」歲月，Ben坦言30歲到38歲期間將身體嚴重透支，他說：「拍完《鐵探》之後身體係好差，但對於我自己嚟講係問心無愧。」Ben拿出拍攝《鐵探》時皮包骨的照片，笑言當時的身形似足「道友」，並坦言：「拍完之後身體係『彎』咗，唔係點解大家會成日覺得我好攰、好殘，其實我都唔想嘅，係咪真係值得咁做？如果問多我一次我都係會咁做。」Ben續指當時的身體狀況差到連欄杆都跨不過，他說：「我嗰時攰到嘅狀態係，我去到欄杆面前發覺自己腳軟，好似有把聲同我講：『你唔掂呀，你跳唔過去㗎！』我真係Feel到晏晝食嘅嗰粒雞蛋，朝早食嘅粟米片已經用盡，曾經香港先生操番嚟啲肌肉冇晒！」

去到第五日，BO終於有一日可以休息吓。

Chok住慢遊意大利小鎮。

BO歎啡話當年。

Ben重提拍《鐵探》時嚴重透支。

身體狀況大不如前。

Owen拍《拳王》由瘦仔變大隻仔。

Owen拍《拳王》由瘦仔變大隻仔。

Owen則重提其中一年台慶的搏命實錄，他說：「有一年台慶有個環節係講訓練班，我係要做一隻馬騮，講我要撻落一張枱度，一Action時腎上腺素飆升，當時冇纜到腰封就飛起身撻咗落去，之後就Feel到仆X喇，覺得好大鑊，最後都繼續死頂做埋佢，第二日即刻去咗睇醫生！」Owen還透露了少許新劇《奪命提示》拍攝事宜，他說：「我以前做動作戲好瞓身，一嘢就會飛埋去，但Jazz（監製文偉鴻）就好好，佢好注重大家嘅安全，一定會保障大家唔會有意外發生，去到最危險嘅前一步就停！」

Owen講番其中一年台慶嘅搏命實錄。

一度忍唔住爆粗。

Owen曾經喺一次台慶撻親條腰，認真陰功。

無綫截圖

無綫截圖

有眼利的網民發現「袁咕碌」頸部位置疑出現紅疹，疑患BB常見的「奶癬」。

袁偉豪（Ben）與張寶兒（Bowie）結婚三年，二人在去年6月公布懷孕的喜訊，愛情結晶「袁咕碌」袁晞祐於同年11月出世，兩公婆不時在社交平台分享親子照，又為「袁咕碌」開設IG帳號紀錄囝囝成長中的點點滴滴，近日又分享多張「袁咕碌」的萌照，但有眼利的網民發現「袁咕碌」頸部位置疑出現紅疹。

張寶兒近日分享一家三口遊海洋公園的照片。

並透露「袁咕碌」見到魚魚會好興奮。

直言不知道囝囝長大後還能記得什麼，但如果有記得任何一幕，一定會是非常難忘，會記一輩子的。

袁偉豪與張寶兒在「袁咕碌」的IG貼出多張萌照慶祝囝囝五個月大，並留言：「袁咕碌大頭。」相中可見，肥嘟嘟的「袁咕碌」趴在床上一時擘大口O嘴，一時開心笑，一時又扭計扁嘴，最後還打咗露，表情相當豐富，勁可愛！不過，有眼利網民發現，「袁咕碌」頸部的皮膚看上去比較粗糙，疑出現BB常見的「奶癬」，並留言關心：「條頸咩事？」

兩公婆又在「袁咕碌」的IG貼出多張萌照慶祝囝囝五個月大。

「袁咕碌」表情多多。

「袁咕碌」表情多多。

「袁咕碌」表情多多。

「袁咕碌」表情多多。

有眼利網民發現，「袁咕碌」頸部疑出現出現BB常見的「奶癬」。

根據賽馬會中醫疾病預防與健康管理中心網站顯示，奶癬即是小兒濕疹，一般滿月後較易初次發作，到幼兒期時痊癒。奶癬一般表現為皮膚乾燥，散見紅疹或見滋水、抓痕、瘙癢，主要發於面頸、手肘等位置。幼兒常常伴有煩燥，夜睡不安等兼症。雖然名為奶癬，但不是所有幼兒都一定是因為「奶」而引起的，奶癬患兒多屬過敏性體質，父或母通常有過敏性疾病的病史，比如說：哮喘、鼻敏感、濕疹等。