北角「長髮女」疑趕不及上車衝出馬路以身擋巴士 網民錯重點：男人嚟？

北角有長髮女子疑因趕不及上巴士，竟衝出馬路以肉身攔截巴士，非常危險。

北角有長髮女子疑因趕不及上巴士，竟衝出馬路以肉身攔截巴士，非常危險。(FB圖片）

有網民於Facebook群組「馬路的事討論區」上載照片，顯示一名長髮過腰、身穿短衫短褲、背着黑色大背囊的女子，在車來車往的道路上以其身軀攔截一架巴士，她的身體幾乎緊貼巴士車頭玻璃，似乎是想阻止巴士繼續前行，樓主不禁嘆「香港人壓力好大」。

有網民錯重點，指其實不是「長髮女子」而是「長髮男子」。（FB圖片）

有網民留言估計女子是因為趕不及上巴士，於是發爛「上唔到車發爛」、「通常都係咁，一上唔到車，人就會好自然咁樣發癲，就有呢個情況出現」、「爭一秒上唔到車，激到癲咗」。

幸好，當時剛好有交通督導員經過，著女子離開，交通才能回復正常。不少網民批評女子魯莽及自私的行為「真是不知所謂」、「上唔到咪下一架囉，咁急做咩」、「應該要坐監先有阻嚇作用」、「正式阻住個地球轉」。

有網民亦錯重點，指其實不是「長髮女子」而是「長髮男子」：「男人嚟」、「長頭髮男人？」、「男人黎？有腳毛」、「唔係長頭髮就係女人，唔係無肌肉就唔係成年男人，你放大圖就明佢係一個留長頭髮嘅男人」。

早前亦試過有女子衝出馬路攔截巴士。(FB影片截圖)

不少網民認為此風不可長，政府應立法起阻嚇作用。(FB影片截圖)

帖文來源：Facebook群組「馬路的事討論區」

網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。

目擊者在社交平台發帖

樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。

大媽搶付藥油錢超激烈：我嚟

影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。

大媽搶付藥油超激烈：我嚟！當事人帖文截圖圖片

搶先掃碼以為贏晒

然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。

看似先掃碼成功的師奶，其實只付了最靠近收銀員的那1盒藥油。當事人帖文截圖圖片

她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。

最後成為爭埋單的最大贏家。當事人帖文截圖圖片

網民看穿：假爭俾錢

不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。

不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。

眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片

小額消費上刻意表現人情味？

有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。

網民抨擊：其實為咗面子

不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。