Mirror成員王智德歌迷會宣布解散 Admin指無法繼續承受嘲弄攻擊

剛為偶像舉行了盛大生日展就隨即宣佈解散，惹大批粉絲留言！

男團MIRROR成員王智德（Alton）於幾天前踏入34歲生日，他的後援會Alton Wong International Fan Club (Hong Kong)剛為他舉行了盛大生日展後隨即宣佈解散，惹大批粉絲湧入留言。

後援會為Alton舉行盛大生日展

Fan Club Admin Team發布解散公告，指出「儘管Admin Team每次都用盡全力去處理應援，但應援過程中的表現及部分安排未能盡如人意。每次盡力聆聽意見、嘗試檢討、尋求不同方法改善，得到的卻是更多謾罵，亦讓我們認為不論以任何方法去處理現狀都是徒勞無功。」他們更表示從8月初至今都經歷著無休止的嘲弄、背叛、抹黑甚至攻擊，坦言「最近發生的種種，已經為團隊各成員帶來無法修復的傷害，身心受創，更影響到正職、家人及身邊朋友。」

Alton Wong international Fan Club於IG 宣佈解散

後援會出PO祝賀Alton牛一

Admin表示若有任何蛋白粉有意組建新團隊，可以與他們聯絡，有留言貿疑Admin「玩野」，只有兩至三日通知期去招募新團隊，亦有人不滿Admin解散Fans club，認為辭職已可以，解散會影響Alton。

Alton並無為此事發言

後援會昔日舉辦不少活動

Alton出MV了！

MIRROR成員王智德（Alton）早前正式推出了首支個人單曲《非物質文化遺產》，從中鼓勵大家相信自己，不要害怕跟世界步伐不一，而為了要透過MV傳遞這個訊息，Alton走進了瘋人院世界，但他表示在拍攝某些鏡頭時好玩過做Gym！

《非物質文化遺產》

《非物質文化遺產》

《非物質文化遺產》

《非物質文化遺產》

《非物質文化遺產》

《非物質文化遺產》作為第一首個人作品，Alton選擇了他最在行的說唱模式去講故事，他介紹作品道：「早前演唱會有自己Solo嘅部份，行到台前表演俾大家睇，我就喺度諗，觀眾想聽我唱啲咩呢？所以歌曲一開始就問『你期待啲咩？想聽啲咩，記得俾掌聲。』同觀眾溝通，問完大家，就繼續講下故仔：我同聽眾都會有自己嘅故事，但最後搵出口嘅方法都係一樣，就係你有幾信自己，同埋喺自己工作同生活入面，乜嘢力量可以令自己企返起身，寫完呢篇詞之後就覺得，其實嗰個向上爬嗰度力，咪就係非物質文化遺產！」

《非物質文化遺產》

究竟要如何在MV中呈現Alton說的那度力？他特別跟導演溝通，便發現最洗腦的一句Hook，就是「個世界大快，快到出界」這句歌詞，他延伸說明歌詞深義，道：「其實每個人都一定同社會環境有唔同步嘅時候，例如當個個都去買同一樣嘅嘢，個個都去做同一樣嘢，個個都覺得一樣嘢好嘅時候，自己未必同大眾有同一樣嘅想法，咁自己應該追上人哋嘅步伐，還是享受自己嘅步伐呢？其實呢首歌係留低一個問號俾大家。」

《非物質文化遺產》

為了要具體化地展示這份深義，這次MV便用了一個瘋人院的概念來包裝，Alton陷入瘋人院之中，被大量精神失常的瘋人包圍著，但他依然清醒，未有被迫到變瘋！Alton表示：「其實大家都有自己嘅世界，當你同人哋唔同嘅時候，人哋可能會覺得你傻傻地，但當你知道自己揸住啲乜嘢宗旨，堅持緊自己想法嘅時候，你自己就會好清楚知道嗰樣嘢未必係傻。」而在眾多場群戲之中，Alton最喜歡與一眾Dancers及演員在鬥力的畫面，現場所見，Alton每一Take都出盡全力，猶如俾盡全力做Gym，不過Alton笑言：「我覺得係好玩過做Gym，因為好多人一齊參與，睇到個畫面，就覺得幾靚。」

《非物質文化遺產》

推出了《非物質文化遺產》以後，都有不少蛋白粉期待Alton推出第二首作品，Alton表示：「我喺演唱會彩蛋演出，用咗九千幾人嘅力量去勒索公司，唔知會唔會成功，但未來嘅嘢好難講，但做咗第一首歌，我嘅歌詞又都係叫人有希望嘛，所以自己都會有希望嘅。希望之後會有多啲唔同類型嘅作品俾大家睇到啦！」