憑《果欄中的江湖大嫂》素顏演出獲監製睇中 甄采浠首演醫生破例背對白

甄采浠在《你好，我的大夫》飾演西醫方奕菲，被網民指「女人妒忌起上嚟都幾恐怖」，但認為42歲的她依然保養得宜，笑指她有資格出任「萬國城」（《一舞傾城》）媽媽生。

由方駿釗（嘟嘟）監製、黎倩儀編審的《農本方25周年呈獻：你好，我的大夫》，逢周一至五晚8點半翡翠台播映，主要演員包括蔡思貝、何廣沛、陳嘉慧、吳偉豪、游嘉欣、孔德賢和許俊豪等。9月25日劇情講述西醫成子謙（鄭衍峰飾）及方奕菲（甄采浠Carisa飾）因病人關穎璇（關嘉敏飾）肝酵素突然超標，矛頭直指開藥給關㯋璇的辜清勁中醫師（何廣沛飾），清勁被逼引咎辭職，否則中西醫協作計劃將被煞停。整件事背後另有陰謀，方醫生是成家傑醫生（曾航生飾）太太，並早已得悉清勁是成醫生於大學時期與前女友生下的兒子，逼清勁辭職完全是公報私仇，不過成醫生不但未有阻止妻子惡行，並在重要一刻投下關鍵一票將清勁逼向絕路…

程嘉應及辜清勁捲入「肝酵素」超標風波。

風波主角係關嘉敏飾演嘅關穎璇。

曾航生飾演嘅成醫生，由讀書嗰陣已經好衰，一句：「我讀醫唔係為咗救人，係為咗脫貧」，更將其自私性格表露無遺。（年青成醫生由吳天佑飾演）

鍾志光飾演的唐澤明找到重要線索為程嘉應等人平反，獲網民大讚。

25日晚網民鬧爆方醫生及成醫生，當中尤以方醫生討論度最高，除被指「女人妒忌起上嚟都幾恐怖」，不少網民認為42歲的甄采浠依然保養得宜，笑指她有資格出任「萬國城」（《一舞傾城》）媽媽生之餘，亦對她飾演32歲的鄭衍峰媽咪感到新鮮。Carisa受訪時坦言要飾演比自己真實年紀大一截的角色確實有擔心，幸獲監製嘟嘟鼓勵：「嘟嘟打畀我時我好開心，因為嘟嘟係我好想合作嘅監製之一，自己好鍾意《降魔的》同《跳躍生命線》，所以嘟嘟搵我做咩我都會應承。嘟嘟同我講咗個角色後，我都覺得好有挑戰性，只係我都有啲擔心自己個樣未必夠年紀，不過嘟嘟就話相信我做到。」

甄采浠今次挑戰難度，飾演比自己真實年紀大一截嘅角色。

甄采浠仲會分飾埋廿幾三十年前嘅方醫生，當時醋意大發嘅佢，明顯情緒激動同外露好多，因為人生閱歷未夠豐富、身份地位亦與現在有很大出入，足見Carisa在角色演繹及設計上花了不少心思。

成長後的Carisa心計Level Up，眼神相對壓抑得多。

Carisa話好鍾意呢場洗杯戲，因為可以突顯到方醫生見到污點就要剷除嘅決心。

睇吓，真係一心想將清勁置諸死地架。

當被程嘉應（蔡思貝飾）等人踢爆關穎璇肝酵素之所以超標，有機會是由西藥造成時，方醫生依然能故作鎮定強辭奪理，令不少網民看得咬牙切齒。

Carisa續指戴眼鏡及紮髻造型有助其投入角色，但亦因而多了限制：「開頭冇話戴眼鏡，後尾覺得戴咗眼鏡專業啲同成熟啲，不過戴咗眼鏡就有個小局限，就係我唔可以郁得太勁，因為一郁就會反光，驚會反射到個鏡頭影響拍攝。不過咁亦都好嘅，因為我個角色心計好重，雖然內心控制欲強又易呷醋，但礙於喺人前要Keep住係好媽媽、好太太、好醫生，所以好多嘢要收埋喺心，唔可以外露，對我嚟講係好難。」Carisa又補充指是次是其首次飾演醫生，更因而破例在家「背對白」：「因為我唔係好鍾意背對白，我鍾意將對白變生活化，所以主要都係記point。今次係我唯一要背對白嘅角色，好多對白都唔係咁生活化、又有唔少專業名詞，對於我都係一個挑戰。」

首度飾演醫生的Carisa，透露急救場面有專業醫生從旁指導，令她感覺很新鮮。

Carisa在《果欄中的江湖大嫂》中的素顏及放盡演出，吸引了監製嘟嘟的注意及欣賞。

《本尊就位》獲讚美女如雲甄采浠李芷晴並列「漏網美女」

由梁耀堅監製、葉世康及鄭忠泰擔任編審的《本尊就位》，逢周一至五晚八點半翡翠台播映，主要演員包括孔德賢、謝東閔、陳嘉慧、黃嘉樂、韋家雄、李成昌、樊亦敏、甄采浠、黎燕珊及區明妙等。5日及6日一集劇情講述，歸二娘（甄采浠飾）為氹金爺（韋家雄飾）買下「溫香玉院」，先後出動「餵提子」及「坐大髀高八度撒嬌」向金爺連環撒嬌，並有意無意間透露妓院驚人生意額，成功吸引金爺買下妓院；當金爺以為雄霸黃賭毒三大範疇後，卻發現因「瑤珠禁娼」政策、妓院倒閉機會極高，頓時火上心頭…自劇集開播後被譽為劇中「三大漏網美女」之一的甄采浠（Carisa），除了嗲功驚人，餵提子時更大晒美腿，保養得宜。

甄采浠

李芷晴

呢場戲一take過搞掂，勁！

甄采浠對如何均衡飲食勁有心得，難怪身形咁弗。

食菜都有Principle

談到場口，Carisa受訪時笑言自己其實是「不懂撒嬌的女人」，並大讚韋家雄是好對手，即使親密場口，二人亦能「快靚正」完成：「雖然韋家雄好鍾意搞笑講爛gag，但佢亦係一個好專業同好敬業嘅演員，所以我哋一埋位，無論咩場口都好快就入到戲。尋晚嗰場，我哋之前排咗幾次，一埋位就一take過搞掂。」至於keep弗心得，Carisa透露靠負重及帶氧運動雙管齊下之餘，戒糖及注意均衡飲食亦很重要，並笑指被醫生指「吃菜太多」：「原來肉同菜都唔可以食太多，醫生話我食太多菜。例如好大塊葉嘅菜，係唔可以食太多，要食番啲細葉嘅菜先得，因為細葉嘅菜冇咁濕，濕會令身體易積聚毒素。同埋唔可以淨係食菜嘅綠食部分，我自己都食過一年嘅齋，我了解到食齋要食五色之餘，地上、地下同水入面嘅植物都要食，咁先均衡到營養。」

佢同韋家雄合作得勁開心。

甄采浠開心share教大家點樣食菜先至最健康。

小動作都做足功課李芷晴嘟嘴樣勁Cute

身邊美女如雲的金爺，家中正印夫人玉環（羅泳嫻飾）及妾侍昭君（李芷晴Stephanie飾）亦備受關注，其中Stephanie亦是「三大漏網美女」之一。前年憑參加《香港小姐再競選》勇奪亞軍人氣躍升不少的Stephanie，在劇中除了全程穿旗袍大晒完美葫蘆身形外，角色冇主見兼柔弱的她，更不時向金爺嘟嘴撒嬌，樣子相當可愛。Stephanie在小動作方面亦落足心思，除了舉手投足都有小家璧玉Feel，就連坐下的姿勢亦散發著濃濃古典味。另飾演金家夫人的羅泳嫻（裸泳）同樣憑競賽節目彈出，2022年裸泳以命運占卜師身份參選《通靈之王》並勇奪冠軍，勝出後人氣勁升，今次飾演金家夫人亦頗有發揮。更搞笑的是，經常以孖公仔姿態現身《本尊就位》的Stephanie及裸泳，獲不少網民指「撞樣」，Stephanie受訪時，笑言確實有不少人這樣說：「真係都有唔少人話我同裸泳似樣，似佢咁靚我都好開心。同佢哋兩位前輩合作好榮幸，裸泳好溫柔、對人好好，真係好似一個家姐咁好照顧我。韋家雄就係一個活潑嘅笑彈，同佢做對手戲最緊要係忍笑，佢成日講好多爛gag，令到大家拍攝嘅氣氛都變得好好。」談到著旗袍時身形完美，Stephanie坦言正式拍劇前有刻意減肥：「因為造型係着旗袍，為咗出嚟個效果好睇啲，所以有特登食清啲減番少少，嗰時用咗一個西柚減肥法，每餐食半個西柚，食多啲菜，減少食澱粉質，有食肉，個成效都唔錯㗎。」

左起：李芷晴、韋家雄、羅泳嫻。

羅泳嫻特登戴唔同嘅水晶去襯番身上嘅旗袍。

李芷晴嘟嘴好可愛。

身形完美。

連坐姿都刻意盡量模仿番民初時期嘅女性。