麥玲玲和林盛斌大談成功之道,自認「老派人」,喜歡備有足夠現金,對信用卡不太推崇。兩人提到成功人士都很自律且有手尾。
堪輿學家麥玲玲帶領3位J2ers黃紫恩(Jojo)、陳欣茵和蔡景行(行仔)主持的清談節目《玲玲友情報》,逢周三晚11點J2(82台)播出。9月27日一集主題為「成功人仕」,請來金牌媒人林盛斌(Bob)擔任嘉賓,分享成功之道。更會現身說法,教大家如何用長銀包吸金。
點擊看圖輯
今集《玲玲有情報》主題為「成功人仕」,(左起)陳欣茵、Jojo、玲玲師傅及行仔
Bob 由DJ出身到成為「金牌媒人」,近年更擁有自己的娛樂公司
Bob透露大學時期還信用卡「min pay」經歷,因此抗拒碌卡
Jojo同陳欣茵表示成功人仕如股神巴菲特,都只有一張信用卡
玲玲師傅首次上電視是應林敏驄邀請,當時老公極力反對
Bob在節目中勉勵各J2ers忠於夢想,不要輕言放棄
即場互動題目討論成功的先決條件,「天份」還是「勤力」重要
今集《玲玲有情報》主題為「成功人仕」,(左起)陳欣茵、Jojo、玲玲師傅及行仔
Bob 由DJ出身到成為「金牌媒人」,近年更擁有自己的娛樂公司
27日晚一集《玲玲友情報》嘉賓Bob,跟主持玲玲師傅原來都屬於「老派人」。節目中他們透露身上要備有足夠現金,才有安全感。玲玲師傅笑言「就算著睡衣都袋幾萬蚊」,令在場三位年輕主持Jojo、陳欣茵同行仔嘆為觀止。至於Bob亦不遑多讓,分享用長銀包催財運心得︰「自從用咗長銀包之後,會擺多啲cash喺入面,大概係5位數。銀包要做到脹卜卜,同啲錢擺得好整齊,例如同一間銀行出嘅錢,會擺埋一齊,散發氣場吸引多啲錢。」Bob認為「善待啲錢,佢先會叫多啲兄弟嚟」。
玲玲師傅自言「著睡衣都袋幾萬」
Bob自言轉用長銀包後,財運轉佳
Bob認為要「善待啲錢」,錢才會繼續來
對於出門出國必備的信用卡,Bob原來有段慘痛經歷,他回憶說︰「嗰時讀大學,有機會申請信用卡,我攞咗兩張。當時屋企環境唔好,一嚟阿爸阿媽就要嚟透支錢維持生計,每月就還最低付款額,還咗好一段時間,以後對信用卡就有抗拒。」到近年Bob成立自家娛樂公司,為方便應酬才申請了一張公司卡。無獨有偶原來玲玲師傅亦只信現金,信用卡亦只有一張。事實上股神巴菲特同好多富豪一樣,都只有一張信用卡。二人除上述兩項共通點外,原來大家都喜歡用新銀紙、紙幣要分類整齊放好及銀包不會放散銀的習慣。他們認為成功人仕都很自律及有手尾。講到有手尾的表表者,玲玲師傅話非劉德華莫屬,他每次住完酒店,都會執拾好房間才離開,仿如沒住過一般。
Bob透露大學時期還信用卡「min pay」經歷,因此抗拒碌卡
Jojo同陳欣茵表示成功人仕如股神巴菲特,都只有一張信用卡
玲玲師傅透露成功人仕很有規律,劉德華是最好例子
玲玲師傅又透露首次參與的電視節目,是應林敏驄邀請,在老公極力反對怕她被整蠱下,玲玲師傅依然應約,最後她有沒有被玩呢?另外,Jojo自少就被同學仔取笑醜樣,她立志做一件事報復,到近年終於成功;而陳欣茵都被幾位算命師傅不謀而合批一件事。
玲玲師傅首次上電視是應林敏驄邀請,當時老公極力反對
Bob在節目中勉勵各J2ers忠於夢想,不要輕言放棄
即場互動題目討論成功的先決條件,「天份」還是「勤力」重要
林子善在節目中將為「大哥」嘉穎講公道說話。
堪輿學家麥玲玲帶領施焯日(Arthur)及蔡景行(行仔)主持的清談節目《玲玲友情報》今晚(7月13日)一集請來林子善做嘉賓,出名是喊包的他自揭「淚之秘密」,並會澄清台慶頒獎禮跪拜風波及「鐵馬家族」不和之謎!
今集有林子善擔任嘉賓。
子善近年喊包形象深入民心,但原來他以前亦曾被喊戲考起,子善說:「我以前拍喊戲係超差,一定喊唔到,第一個指導我嘅人就係子華神。」子善指當時與子華神合作《奸人堅》,子華神知道他拍喊戲有困難後,親自傳授他一招應付喊戲!除了子華神,子善亦曾與影帝張家輝合作電影《化骨龍與千年蟲》,他笑指對方很文靜, 更會在片場看書:「當時諗住跟家輝學吓嘢啦,點知佢坐喺間房度睇書,原來佢好靜, 同佢講嘢係一句起兩句止,好多喜劇演員其實都係好文靜嘅人嚟。」
子善話子華神係佢嘅喊戲啟蒙老師。
玲玲姐勁羨慕。
子善話影帝張家輝其實好文靜。
子善自認是傳統中國男人,喜歡把所有事情攬上身,直到太太生BB才頓感無助,他說:「睇我老婆生小朋友,痛到好似驅魔人咁,我以為自己咩都做到,但原來係乜嘢都做唔到。」子善又笑指自己以前不是大喊包,直到女兒出世後才開始變得眼淺:「個女出咗世之後,我個智慧就爆開咗,我哋每一個人其實都係人哋嘅子女,我哋都係要好好愛錫(每個人)。」
子善話自從囡囡出世之後,佢嘅淚腺就開始發達。
提到於《萬千星輝頒獎典禮2023》榮獲「最佳男配角」,子善坦言事前沒有想過會獲獎,並大爆獲獎前的小插曲:「當晚係好緊張,當日我同一位高層擦身而過,但佢行過咗之後行番轉頭同我講:『如果拎到獎,千祈唔好喊呀!』因為平時同高層都唔會接觸,當時覺得佢只係講吓啫。」最終子善真的獲獎兼跪地拜謝一幕成為熱話,對此子善正色澄清當日只是拜謝父母:「點解你可以嚟呢個世界?就係因為你父母,我哋中國人傳統就係叩拜,我好清楚咁話畀大家知,呢一跪其實係多謝父母。」
子善澄清台慶頒獎禮唔係跪拜TVB,而係跪拜父母。
無所不談的子善,又談到「鐵馬家族」的鄭嘉穎、馬國明、唐詩詠及黃嘉樂,對於嘉穎近年因經常缺席聚會惹來與「鐵馬家族」不和傳聞,子善在節目中將為「大哥」嘉穎講公道說話。子善還分享了和嘉穎拍攝劇集《殭》時的難忘事:「有一次我爆咗呔,我企緊喺度畀服裝部同事幫我聯番條褲,佢(鄭嘉穎)見到有記者喺度影相,就好大聲咁嗌咗句:『喂!睇住XXX呀!』」到底嘉穎當時講咗乜?至於玲玲姐今集亦繼續大派花生,直指有記者曾向她表示「鄭嘉穎好寸」。想知更多勁爆內容?密切留意今晚播出的《玲玲友情報》。
子善親自回鄭嘉穎與「鐵馬家族」的不和傳聞。
子善親自回鄭嘉穎與「鐵馬家族」的不和傳聞。
子善親自回鄭嘉穎與「鐵馬家族」的不和傳聞。
玲玲姐同場爆料話「鄭嘉穎好寸」?!