王敏慈22歲生日大搞派對 化身Pink Lady興奮舉V晒喜悅

應屆香港小姐季軍王敏慈（Lovelle）自完成選美比賽後，便重返北京中央戲劇學院讀書。日前是Lovelle的22歲生日，其一班好友包場為她舉行盛大生日派對。

Lovelle事後亦有在社交平分享當晚生日派對點滴，作為壽星女的她以粉紅色Tube dress性感上陣，在大型背景版上拍照又興奮舉V，獲不少粉絲大讚索到爆，並紛紛留言送上生日祝福。

一年一度的《2023香港小姐競選》已經於7月27日舉行，今年新鮮出爐的三甲分別是冠軍莊子璇、亞軍王怡然與及季軍王敏慈（Lovelle）。（巴士的報記者攝）

王敏慈有「翻版范冰冰」之稱。（巴士的報記者攝）

王敏慈當選後不久便返回內地讀書。

王敏慈日前22歲生日。

好友為她舉行生日派對。

Pink Lady上陣！1

大晒長腿！

誠心許願。

片中可見，Lovelle誠心許願後，開心吹蠟燭，在場人士即高呼「Happy Birthday」，場面相當熱鬧！

興奮舉V！

生日快樂！

壽星女High到爆！

開心吹蠟燭。

相信王敏慈也過了一個難忘的生日。

首度拍節目感觸淚崩，王敏慈大爆美儀姐窩心舉動

一共十集的全新旅遊飲食節目《美味假期12周年呈獻：大灣區美味好玩攻略》，逢周四、五晚上10點半於翡翠台播映。《大灣區美味好玩攻略》由麥長青（麥包）、江美儀擔任主持，並分別邀得郭柏妍（Rosita）、王敏慈、羅毓儀、黃嘉雯、鄧凱文任嘉賓。本周繼續由大灣區地膽麥包帶隊玩轉佛山和順德，並邀來應屆港姐季軍、自小在新加坡長大的王敏慈擔任嘉賓。

今集有王敏慈擔任嘉賓。

11日晚率先玩轉佛山，三人首先去到佛山潮人打卡熱點嶺南天地朝聖，大歎特式咖啡和以中國酒調製的Cocktail，其間敏慈意外自爆是飲得之人：「我鍾意飲啤酒，因為啤酒唔容易飲醉！」經驗老到的美儀聞言即笑言：「有氣嘅唔醉，即係好飲得啦！」之後三人去到卡丁車賽車場體驗「速度與激情」，敏慈化身賽車女神，更大膽地向麥包及美儀兩位前輩挑機！其後敏慈身穿短打裝束去到洞穴主題按摩店體驗「德國古法鹽霧」，全身被粉鹽覆蓋的敏慈大嘆：「呢個Spa嘅鹽比較大同埋比較粉色，好夢幻！」三人還去了有「仙鹿島」之稱的濱江濕地公園餵梅花鹿，再到千燈湖夜巿掃街，盡興而歸。

首站去到佛山潮人打卡熱點嶺南天地朝聖。

首站去到佛山潮人打卡熱點嶺南天地朝聖。

之後佢哋試飲中國酒調製嘅Cocktail，敏慈言談間透露自己好飲得。

繼續食唔停！

佢哋仲落場鍊車體驗速度與激情，敏慈女車神Look超正。

敏慈大歎粉鹽Spa，仲大讚夠夢幻。

三人去到「仙鹿島」餵梅花鹿。

千燈湖夜巿掃街。

美儀姐幫王敏慈抹眼淚畫面勁溫馨

12日晚一集，三人去到「漁米之鄉」順德繼續大開食戒，大歎特色榴槤雙皮奶、鹹牛乳咖啡及正宗順德菜，麥包還帶隊到星級餐廳食好西，其間美儀和麥包氹敏慈吃沙蟲蒸蚌仔，不知就裏的敏慈吃得津津有味，更一度以為是磨菇，之後麥包及美儀開估說：「其實係條蟲嚟！」敏慈聞言即急急掩面，場面搞笑。節目尾聲，首次拍攝綜藝節目的敏慈有感而發，感激兩位前輩循循善誘，並大爆美儀窩心一面，敏慈說：「美儀姐教咗我好多好多嘢，好似揸筷子，佢話咁揸筷子上鏡唔好睇，人哋會笑我，佢畀咗好多信心我，好幸運第一次就跟到咁好嘅前輩！」敏慈隨即淚如泉湧攬攬美儀，美儀一邊幫敏慈抹眼淚，一邊講笑氹番她，場面溫馨。

呢集轉戰順德，三人繼續大開食戒！

雙皮奶梗係唔少得，榴槤雙皮奶又食過未呢？

食唔停口，好開心！

食唔停口，好開心！

佢哋仲去咗學手工藝。

麥包帶隊去星級餐廳食好西。

麥包同美儀姐夾計氹敏慈食沙蟲，敏慈知道真相後都好崩潰。

三人去到逢簡水鄉坐船仔。

節目尾聲，敏慈感激兩位前輩嘅幫助，佢仲特別多謝美儀姐教佢揸筷子。

敏慈講到爆喊，美儀姐幫佢抹眼淚，畫面好溫馨。