港男搭巴士時，驚見窗外一隻彩色鸚鵡站立在車頭，港男熱心助牠尋找主人，網民紛紛響應。
有港男搭巴士時，驚見窗外一隻彩色鸚鵡站立在車頭。(FB圖片）
有網民於Facebook群組「太埔 TAI PO」發文，表示日前乘搭64K巴士途中，驚見上層窗外出現一隻彩色鸚鵡。從樓主上載的影片可見，鸚鵡全身彩色，藍頭綠翅橙色身，站立在巴士車頭，左右擺動身體隨巴士而行，顯得非常徬徨無助。樓主呼籲「林村有無人走失鸚鵡，佢上左64K，呢位可能係主人，佢認得似係佢走失左果隻，大家如果見到可以幫幫手contact番」。
此帖一出即引起網民熱議，不少網民留言關心「希望佢飛入屋比人捉到啦」、「有無人可以救起佢先」、「宜家情況如何？有冇救起」、「佢已經好驚，是否已經有人救咗佢？」、「嚇死佢了，有救起嗎」、「個畫面係幾卡通化，其實係好陰公㗎。寵物鸚鵡係戶外有好多天敵，野外求生完全冇經驗，加上而家跟巴士離開原住區，主人更加難揾到佢」、「好陰公隻雀係車頭度一定好驚，都唔知d人笑乜L野，比人養開又唔識搵野食，希望早日搵返主人」。
巴士上的鸚鵡與較前於八鄉走失的吸蜜英文非常相似。（FB圖片）
樓主及其他熱心網民不斷尋找線索，他們認為巴士上的鸚鵡與較前走失的其中兩隻鸚鵡極為相似，一隻為在元朗八鄉下車走失的吸蜜鸚鵡；另隻則為於林村走失的Baby仔。樓主亦已經通知兩位失主，並希望大家繼續協助尋回鸚鵡。
樓主亦通知了失主。(FB圖片）
不過，有網民對部分人按了「哈哈笑」表示憤怒，認為他們缺乏同情心「走失鸚鵡，唔明點解咁多人俾笑，佢地既認知係咪得貓狗會係寵物？」、「同感, 我都好想知，係咪貓狗有事佢哋先識比喊喊或者慘慘？」、「鸚鵡唔係寵物嚟？佢哋有事好值得開心咩？到底啲人係咩心態？」、「一直以黎香港人講親寵物都只係諗貓狗貓狗同貓狗，睇啲所謂寵物店，絕大部份賣既產品都係得貓狗用，食貓食狗就話好殘忍，食兔食雀食蛇就拎黎笑既大有人在」、「換轉係貓狗就算上左車裡面，啲人都肯定擔心都死，但見住隻鸚鵡處於一個咁危險既位置，佢地仲竟然覺得好好笑」。
有網民亦認為與Baby仔非常相似。(FB圖片）
帖文來源：Facebook群組「太埔 TAI PO」
