老婦於巴士公然除鞋，並將雙腳晾在對面座位上，有乘客看不過眼，決定要大整蠱她，引來網民兩極熱議。
有老婦於巴士公然除鞋，並將雙腳晾在對面座位上，有乘客看不過眼，決定要大整蠱她。(FB圖片）
有網民於Facebook群組「香港突發事故報料區及討論區」轉載一段影片段及圖片，一名頭戴厚帽、身披長袖夾棉褸的婦人公然在巴士上除鞋，並將雙腳直接伸向對面無人的座位晾腳，她將鞋子放在地上一旁，然後呼呼大睡。有乘客看不過眼，於是趁婦人不為意時，偷偷將她的鞋子藏起，婦人醒來後驚慌失措，不斷東張西望尋找鞋子蹤影，可惜亦遍尋不果。而影片沒有交代婦人最終有否尋回鞋子。
乘客看不過眼，於是趁婦人不為意時，偷偷將她的鞋子藏起。（FB影片截圖）
此帖一出即引起網民熱議，不少網民表示大快人心，認為這樣缺乏公德心的人應該受到教訓「做得好，好過齋影放上網，乜都唔做」、「做得好！呢啲人無公德心，應受懲罰」、「重點係佢唔除鞋咪冇事囉，但的而且確係大快人心」、「收埋對鞋我覺得系一個好教訓。不過建議你落車個時同車長交待一下對鞋喺邊」、「做得好，自私行為，為老不尊，教壞後生」、「做左我一直想試既野」。
婦人醒來後驚慌失措，不斷東張西望尋找鞋子蹤影。（FB影片截圖）
也有部分網民留意到婦人的穿著，猜測她可能是長期病患者，因身體不適而脫鞋休息「夏天著成咁，好多是癌症中後期或末期，戴冷帽頸巾及穿羽絨，可能佢真係好唔舒服要放平對腳，所以除咗對鞋先放平對脚，反而好多人冇除鞋就放對腳上去」、「看來是病人，由頭包到腳，或是這樣她會舒服點，除鞋免弄污椅」、「阿婆着晒羽絨咁樣，其實佢係咪有重病？」、「大熱天時著羽絨，又帶帽，可能身體上出現問題。咁樣收埋啊婆對鞋，真係好心寒」。
帖文來源：Facebook群組「香港突發事故報料區及討論區」
單車女聲稱如廁其間，突被清潔工人爆門，於是爆粗怒罵對方，引來途人圍觀拍片成熱話。
有單車女投訴如廁其間，突然被清潔工人爆門。（FB影片截圖）
有網民於Facebook群組「香港突發事故報料區及討論區」上載一段影片，事發為日前晚上8時多，於港鐵鑽石山屯馬綫女廁門外，一名穿熒光粉紅背心單車裝港女，爆粗怒罵一名身穿藍色制服的清潔女工「妳答我妳開門做乜X嘢？妳答我妳開門做乜X嘢？睇妳老X啊睇！妳收XX啦！X妳老X！」。
當時港鐵職員亦在場了解事件，單車女即轉頭問男職員「我問你佢邊間公司？」、「大X曬呀？」、「你答我一句佢開你門，你點處理？」清潔女工表示自己只是正在清潔，單車港女再回頭爆粗「妳老X妳收X啦！」。清潔女工回嗆「妳有無老母呀？」，單車女更憤怒大罵「我係有老X啊，咁點啊？八婆！妳老X臭X。咁X多位妳開X我門？妳答我啊，開乜X嘢門先！」。
雙方爭持不下，港鐵女職員不斷嘗試分開二人，之後陪同清潔女工返回女廁暫避。另一男職員到場增援，單車女同行男友人指清潔女工撞到單車女，要求對方出來道歉，否則報警。最終單車女進入殘廁，影片到此結束。
雙方僵持不下，港鐵派員增援。（FB影片截圖）
拍片男子表示「現場聽到，個女人去緊廁所，之後個清潔姐姐搵野開咗佢廁所門，撞到佢隻腳。但係現場觀察，女廁門口設有護欄。」他推測「女廁當時正在進行清潔。港鐵已放置護欄作提醒，有關事主可能人有三急，依然決定進入。有關清潔員工，可能未能發現有人擅自進入，於是借用工具開門，就撞到事主隻腳，引發今次事件。」
隨後他又找到清潔女工了解事件「啱啱返轉頭，見到清潔姐姐同佢傾咗兩句，其實清潔姐姐年紀都大，見到佢好委屈想喊，想了解更多事情經過，但因為有地鐵職員巡視，不便透露。」
同行男友人指清潔女工撞到單車女，要求對方出來道歉，否則報警。（FB影片截圖）
而疑似涉事單車女亦透過友人Facebook講述事件經過「我哋今晚轉西鐵前經過洗手間去個廁所，當時女洗手間得我一個人同一個女清潔姐姐，我去洗手間時候，清潔姐姐望住我入女廁，望住我入3號廁格，亦知道我係女生，但我去洗手間途中，清潔姐姐用夾垃圾的夾開我廁格，睇到我上下身，我當時第一句就話你做乜嘢開我隻門？我去緊廁所，之後個阿姐話開門睇吓我係男定女！之後我即刻着返衫褲，當時Betty入咗嚟見到我着緊褲，之後我就開始同阿姐嘈，之後決定係報警同叫職員站長等處理」。她又表示「件事警方已落案，鐵路亦已開案」。
疑似涉事單車女透過友人Facebook講述事件經過。（FB影片截圖）
事件引網民熱議，有人批評單車女行為野蠻「若果個個學似佢咁，唔理護欄照衝入去，個廁所唔駛清潔啦，自己唔啱仲要惡人先告狀 」、「見人做清潔就蝦人，句句老母，有幾啱晒你都係冇道理呀」、「叫個幾十歲既阿婆因為唔小心撞到你隻腳要同你道歉，因住折壽呀～」、「開左你道門，都唔駛㩒住人地黎砌下話」、「句句粗口，人哋都係打份辛苦工啫～宜家D人好似自己大晒咁，少少唔順佢意就係咁鬧，清潔姐姐好慘」、「其實你已經報咗警，又搵職員處理，咁你點解又不停咁問候人老母呢？」
有人則認為清潔女工亦有不妥「呢個清潔阿嬸都不是省油的燈啦！不過今次遇到個更惡的，擺明嬲人走入去特登整開人度門嚟羞辱人！」、「清潔大哂？鎖左道門即係入面有人啦，點會唔知。你去去下廁所我隨時開你門得唔得？ 個清潔姐應該俾人炒」、「如果我去去下廁所比人開門，我都會點都X，應該拍門睇下有無人先」
帖文來源：Facebook群組「香港突發事故報料區及討論區」
