黃紫恩被補習社男老師評頭品足 陳欣恩追星級老師課堂如追星

黃紫恩（Jojo）同陳欣茵讀書年代，都分別上過「雞精班」補課。

堪輿學家麥玲玲帶領3位J2ers黃紫恩（Jojo）、陳欣茵（Yan Yan）和蔡景行（行仔）主持的清談節目《玲玲友情報》，逢周三晚11點J2（82台）播出。明晚（10月4日）一集主題為「補習唔係咁樣補」，請來元祖級補習天后June Leung擔任嘉賓，大爆補習圈的陰招。

（左起）Yan Yan、Jojo、玲玲師傅同行仔。

今集主題「補習唔係咁樣補」。

Yan Yan話中學時期，每月花在補習的費用不少。

Jojo的英文補習老師喜歡品評學生。

三位主持Jojo、Yan Yan同行仔讀書年代，都分別上過「雞精班」補課。Jojo話當年在元朗補習，教英文的男老師每次上堂都會對學生評頭品足︰「去到唔係先教你嘢，會叫你坐好啲，唔好咁私縮呀。嗰位老師超級惡，不過好多人爭住上佢堂，超級爆。」Jojo表示補了兩年，確實有進步。Yan Yan談到中學年代，每月都花幾千元上補習班，最誇張是有些課堂要凌晨排隊報名，她笑言︰「有啲同學通宵去排隊，只係為咗上某幾個星級老師嘅堂，好似追星咁，只係想見下對方。」

玲玲師傅做過一對一私人補習，對象為小朋友。

補習老師明星化，學生上堂如追星。

玲玲師傅在節目中自爆曾經做過私人補習老師，她話當年說︰「我嗰個年代係喺超級市場廣告板貼紙仔，紙仔下面分成好多分，寫自己電話，等人打嚟約上堂。」玲玲師傅話自己非常受家長們歡迎，但自覺耐性不夠，所以最後沒有再教。她又爆老公曾表示假如有朝一日失業，都會當補習老師。

今集嘉賓是補習天后June。

June大爆補習圈的陰招。

今集嘉賓June Leung在補習界縱橫多年，見盡補習圈的古靈精怪。她見識過有老師會預備一份錯內容的筆記︰「上堂時先同學生講『呢啲（錯）係我專登用嚟跣偷印我筆記嘅學生。所以麻煩你將個段扠咗佢』。」June亦見盡千奇百趣，有老師為吸引學生，專登研究chok聲吸引學生上堂、多年前有位補習天王，要租大型戲院賣飛讓學生上堂，每次都差不多爆滿。但有次人數不足，他寧願退票貼車馬費取消課堂，非常霸氣。

有補習老師為吸引學生上堂玩chok聲。

玲玲師傅爆老公假如失業，會轉行當補習老師。

P圖肉照示眾！

清談節目《不正常愛情研究所》逢周四晚11點J2（82 台）播映，昨晚（7日）播出一集，由伍倩彤（Gillian）、金永衡（Kim）及3位J2ers黃紫恩（Jojo）、胡敏芝（Karen）、陳國麟（Doniven）擔任主持。今集研究題目為「棉花糖女孩」。

今集主題「棉花糖女孩」。

（左起）Gillian、Doniven、Jojo、Kim及Karen。

節目開始播出一段Doniven話90磅肥的錄音。

Doniven解釋是將「公斤」及「磅」混淆。

Karen被製作組P成胖面及雙下巴。

昨晚（7日）一集主題講到的肥瘦問題，一直是情侶的討論「禁區」，超過8成戀人會因此話題，導致鬧交收場。節目一開始胡敏芝（Karen）播出一段陳國麟（Doniven）的錄音，內容大概是Doniven描述前度女友體質易肥，最重時達90磅左右。錄音播完他即時成為一班女仕公審對象，被質問「90磅都肥？」事後他解釋是混淆了「公斤」及「磅」，前度體重應為90公斤（約198磅）。他表示當初認識前度時，對方只有60公斤左右，他解釋︰「因為嗰時晚晚煲劇食宵夜，瞓醒又食嘢。呢啲係幸福肥，同咗我一齊肥咗係好開心。」

Gillian對自己的肥樣表示難以接受。

反觀Jojo變肥後的樣沒有太大改變。

Jojo笑言自己的P圖望落更加順眼。

各主持被P成肥仔肥妹。

今集「有故事的人」是Plus-size model Vicky。

各女主持繼上次被揭中學樣貌的黑材料後，今集製作組將各主持都P成肥妹、肥仔。Gillian望住P成肥雙下巴及胖面的照片，表現非常嫌棄，加上Doniven補刀話︰「原來Gillian肥咗之後唔得㗎！」，令她更加難以接受，扁嘴投訴話︰「P到連頸都粗埋。」Karen除保留五官細緻外，面部被P成雙下巴及面頰漲了一倍有多，令二人女神形象崩壊。反觀Jojo的P圖仿如沒有修圖一樣，反而更加好睇，像加了美圖濾鏡。難怪兩位男主持都異口同聲質疑「P咗喇？呢個好偏心喎，無肥過咁喎」，心水清的Karen更質問︰「製作組，點解佢無雙下巴嘅？」Jojo事後接受訪問時講笑話一向都有收買製作組，她笑言︰「其實都有問返製作組，佢哋話已經有夾硬拉肥咗，因為塊面太瘦，拉完都唔係好覺。我覺得張相似自己大咗肚兩、三個月嘅樣。大家都話呢個樣順眼，叫我食肥少少喎。」

Vicky直言不要因為外形先放棄自己。

Vicky近日拍了輯性感內衣廣告。

Vicky自爆中學時期已暗戀現任男友。

Vicky男友是大隻仔一名，外貌討好！

今集有故事的人是「棉花糖女孩」招依婷（Vicky），是名Plus-size model，近排拍了一輯靚內衣照。非常迷人。她在節目中透露未曾嫌棄過自己的外表，她笑言︰「中一、二拍拖，未有concept點先係靚樣。同現任男朋友都係中學同學，畢咗業後至一齊，拍咗拖5年。」Vicky話不要輕易放棄，更不要將自卑放在身上面，扮靚靚出街會增加自信，她分享說︰「好多肉肉女鍾意將自卑放喺身上，搞到自己污糟邋遢、唔鍾意著緊身修身衫，畀人望落咪負面。」可以嘗試化點妝出街，帶點色彩的外形不單讓人感覺正面，亦會增加自信心。