第60屆台灣金馬獎公布入圍名單，《白日之下》一共獲得五項提名，包括最佳女主角、最佳男、女配角、最佳美術設計及最佳造型設計。
由天下一電影及劉鑾雄慈善基金出品，爾冬陞監製、簡君晋編劇及執導，姜大衛、余香凝、林保怡、梁仲恆、梁雍婷、陳湛文、周漢寧、龔慈恩、寶珮如、朱栢謙、朱栢康及許月湘主演，胡楓特別演出，鮑起靜友情客串，以記者工作為題材的電影《白日之下》，未上映先傳來重大喜訊！
點擊看圖輯
《白日之下》先導海報
《白日之下》一共獲得五項金馬獎提名。
余香凝
《白日之下》劇照
林保怡
《白日之下》劇照
梁雍婷
《白日之下》劇照
最佳美術設計
最佳造型設計
《白日之下》先導海報
今日（10月3日）第60屆台灣金馬獎公布入圍名單，《白日之下》一共獲得五項提名，包括余香凝（Jennifer）入圍最佳女主角、林保怡（Bowie）及梁雍婷（Rachel）分別入圍最佳男、女配角，另外電影亦有份角逐最佳美術設計及最佳造型設計。第60屆台灣金馬獎將於11月25日舉行。
《白日之下》一共獲得五項金馬獎提名。
去年首次入圍金馬獎角逐最佳女配角的Jennifer，今年再下一城，憑《白日之下》記者曉琪一角首度獲提名金馬最佳女主角。Jennifer一直留守電視前，觀看網上直播入圍名單記者會，一聽到自己名字時候，Jennifer都忍不住流淚大叫：「好開心，個人到而家都仲未平復，因為坐緊月，第一年可以坐定定喺電視旁睇金馬獎入圍名單直播。媽媽在我左邊，囡囡在我右邊，其實囡囡唔知發生咩事，但突然見到我哋好激動，媽咪錫我塊臉，佢又走過嚟錫我塊臉，我覺得呢刻係我人生十大最驚喜、開心的瞬間，加上有媽咪同囡囡同我一齊分享。亦都好開心保怡哥、Rachel、美術指導、造型設計等可以入圍，因為我真係極之喜愛這齣戲，雖然部戲喺香港未上映，但都希望可以藉今次入圍帶動大家入場及關注，了解下呢齣戲究竟想表達甚麼、留意緊甚麼事，係一個需要大眾關注嘅社會議題。雖然我知道坐月唔可以喊，但真係忍唔住激動到喊，我會努力坐月、積極修身，希望11月出席金馬獎時靚點，不會太肥同太腫。」
余香凝
《白日之下》劇照
入行超過30年的Bowie，就迎來演藝生涯首個電影獎項提名，他憑戲中飾演殘疾院舍舍監一角，入圍今屆金馬獎最佳男配角，Bowie難掩興奮心情，他直言：「今次入圍金馬獎當然開心，又演了這麼多年戲，雖然未得獎但都得到一啲認同。其實自己最近忙於運動、跑步，一直保持好體態，仲有實行斷食方法168中。而電影方面就會遲啲再拍戲，其實之前已經拍落四部戲，希望可以快啲面世。《白日之下》會在11月初上映，希望大家支持我們的創作，戲中除我以外，我覺得John哥姜大衛老師、胡楓老師等人都演得相當出色，新人都一樣好，所以今次獲提名有點意外，因為我們戲中的對手都很強，覺得大家的演技相當好，多謝大家。」
林保怡
《白日之下》劇照
另外，戲中飾演院舍院友的梁雍婷，就獲提名最佳女配角，Rachel心情亦都非常激動，期待與劇組飛到台灣出席頒獎典禮及食鐵路便當，她說：「首先多謝金馬獎評審嘅肯定，特別想多謝監製爾冬陞、導演簡君晋、編劇Iris同阿楓、《白日之下》所有演員及幕後整個團隊一齊共同創作咗一套別具意義嘅電影，希望到時公映觀眾會入場支持。特別想多謝飾演小明嘅周漢寧，多謝佢喺拍攝過程中同我一齊行呢段旅程。最後再一次恭喜Jennifer、保怡、Albert、陳巧倩、謝靄琳。期待去台灣食素鐵路便當！」
梁雍婷
《白日之下》劇照
《白日之下》經已連續獲邀參與多個本地及海外的電影節，早前更被宣布成為第20屆香港亞洲電影節開幕電影，3場放映門票亦被搶購一空，極速售罄。電影即將於11月2日公映，影迷敬請期待﹗
《白日之下》第60屆金馬獎所獲提名如下：
最佳女主角：余香凝
最佳男配角：林保怡
最佳女配角：梁雍婷
最佳美術設計：潘燚森、謝靄霖
最佳造型設計：潘燚森、陳巧倩
最佳美術設計
最佳造型設計
