張致恒和老婆雯雯近日又有新搞作,就是進軍YouTube做YouTuber,並推出首條Q&A的影片,網民反應兩極。
有「離婚界KOL」之稱的張致恒和老婆區燕雯(雯雯)四年抱四,一家六口加三隻狗,生活開支非常龐大,為了賺錢養家,兩公婆早前就開設收費IG賬號,但一家人近日似乎又陷財,雯雯在IG求救,希望找到可以搵快錢的工作,並主動出擊,孖老公進軍YouTube做YouTuber。
![兩公婆四年抱四。](https://image.bastillepost.com/704x/wp-content/uploads/hongkong/2023/09/20230930_EN_張致恒_雯雯01_source-web_.jpeg.webp)
兩公婆四年抱四。
![張致恒早前宣布開設收費IG。](https://image.bastillepost.com/663x/wp-content/uploads/hongkong/2023/10/202301016_EN_張致恒_區燕雯01_source-web_.jpeg.webp)
張致恒早前宣布開設收費IG。
![雯雯日前在IG求救。](https://image.bastillepost.com/675x/wp-content/uploads/hongkong/2023/10/202301016_EN_張致恒_區燕雯03_source-web_.jpg.webp)
雯雯日前在IG求救。
![坦言需要賺快錢!](https://image.bastillepost.com/675x/wp-content/uploads/hongkong/2023/10/202301016_EN_張致恒_區燕雯04_source-web_.jpg.webp)
坦言需要賺快錢!
雖然雯雯之前曾多次公開鬧爆老公張致恒廢,但為了吸引網民,她都與老公合體出鏡,二人首條影片在10月20日晚面世,內容是回答網民的問題。影片一開始,張致恒就表示他們所回答的網民問題都是由老婆雯雯負責揀選。
![兩公婆合體拍片回答網民的問題。](https://image.bastillepost.com/1200x/wp-content/uploads/hongkong/2023/10/20231021_EN_張致恒_區燕雯02_source-web_.jpg.webp)
兩公婆合體拍片回答網民的問題。
第一個問題是關於張致恒的性上癮,網民問「醫好未?」他就反問雯雯,「你覺得我醫好未?」雯雯即表示:「我點知呀。」但張致恒不直接回答,反而繼續問雯雯 :「你對住我你唔知?」雯雯即催促他,「我真係唔知喎,你答啦,答啦。」張致恒便表示:「我都無性上癮又何來要醫呢」,並否認自己曾話過自己有性上癮。
![二人看上去關係依然很好。](https://image.bastillepost.com/1200x/wp-content/uploads/hongkong/2023/10/20231021_EN_張致恒_區燕雯03_source-web_.jpg.webp)
二人看上去關係依然很好。
![影片截圖](https://image.bastillepost.com/1200x/wp-content/uploads/hongkong/2023/10/20231021_EN_張致恒_區燕雯04_source-web_.jpg.webp)
影片截圖
之後有網民問二人的開始是誰主動?張致恒就表示是他追求雯雯的,但被問到為何要偷食,他並沒有正面回應,只說:「係啦,點解呢?點解要偷食?其實呢,有好多人都有偷食嘅。」至於二人的財政問題,他們就坦言銀行戶口長期無錢,有時甚至只剩兩位數。至於雯雯為何不出去工作,她表示也想去工作,但結婚這四年她年基本上都是處於懷孕的狀態,又要照顧小朋友,所以才不能工作。
![影片截圖](https://image.bastillepost.com/1200x/wp-content/uploads/hongkong/2023/10/20231021_EN_張致恒_區燕雯05_source-web_.jpg.webp)
影片截圖
![細仔天樂亦有出鏡。](https://image.bastillepost.com/1200x/wp-content/uploads/hongkong/2023/10/20231021_EN_張致恒_區燕雯06_source-web_.jpg.webp)
細仔天樂亦有出鏡。
對於與老公的關係,雯雯坦言每日都有諗離婚,張致恒隨即表示:「離婚?諗下好喇。」雯雯聞言即說:「咁就要睇你喇。」至於問到有沒有後悔嫁給張致恒,雯雯坦言:「依家有㗎」,並指當初是因為張致恒靚仔,所以吸引到她。整條影片長8分15秒,雖然兩公婆大部分都沒有認真回答問題,但從二人的互動看來,二人的關係其實依然很好。
![二人預告將會有第二條的Q&A影片推出,並歡迎網民繼續提問。](https://image.bastillepost.com/1200x/wp-content/uploads/hongkong/2023/10/20231021_EN_張致恒_區燕雯08_source-web_.jpg.webp)
二人預告將會有第二條的Q&A影片推出,並歡迎網民繼續提問。
影片引起網民熱議,不少人留言批評,「都幾無聊,答又答得冇誠意。我本身唔係hater,希望你哋可以自力更生,所以入嚟睇下,點知甘(咁)冇誠意。anyway,加油,真心想你哋比啲誠意拎個心出嚟同觀眾交流,唔想比人食花生就唔好夾硬答,做下小朋友或家庭vlog其實已經好好」、「你地認真地答啦,答得一兩句有啲悶呀」、「本來想入嚟支持,但係你哋又唔肯真誠回答;感覺兩位根本唔係想返工,所以生多啲細路出嚟,俾你哋有足夠嘅理由。無論點,希望兩位要腳踏實地,照顧好小朋友」。
觀看相關影片按連結:https://youtu.be/PdY5x93hjio?si=emKtrFs1lRTCyN7m
不過,亦有網民表示支持,並為他們加油,「純粹個人覺得都答得幾認真 人地兩公婆第一次一齊拍片算係咁,包容下,凡事無絕對!家家有本難念的經,最緊要係依家努力搵錢!養好頭家,照顧好4個小朋友!加油!(下次可以拍下湊仔日常)」、「拍片都算係一個新開始,唔係偷唔係搶,subscribe又唔駛錢,就支持下,希望你哋嚟緊生活可以改善」。