黎耀祥對粥情有獨鍾全因難忘兒時家庭樂 黃亞保因一事被封新一代師奶殺手？

黎耀祥分享了兒時與父母的親子樂，並謂鍾意食粥也是因為受媽咪影響。

一共10集的《及時雨信貸呈獻：請客必食18道菜》於明（23日）、後兩晚播出第4及5集。《請客必食18道菜》（以下簡稱《18道菜》）由黎耀祥（祥仔）擔任主持，嘉賓主持則有擅長炮製懷舊功夫菜的李家鼎（鼎爺）、近年人氣急升的「星級名廚」黃亞保〈保哥〉，及「本地名廚」周世韜。

18道必食宴客菜之一的吉品鮑魚扣遼參。

18道必食宴客菜之一的魚子醬脆皮花膠乾貝青汁。

18道必食宴客菜之一的爵士湯。

18道必食宴客菜之一的藤椒蒸紅瓜子斑。

18道必食宴客菜之一的私房乾鮑富貴雞。

私房乾鮑富貴雞選用雞味濃的平原雞。

本周兩集《18道菜》，祥仔介紹了五款星級請客必食名菜，分別有由18頭鮑魚炮製的「吉品鮑魚扣遼參」、滋補養顏的「魚子醬脆皮花膠乾貝青汁」、因已故鄧肇堅爵士而得名的「爵士湯」、口感嫩滑的「藤椒蒸紅瓜子斑」，及內有乾坤的「私房乾鮑富貴雞」。而有「陳皮達人」美譽的保哥，本周將會教煮家庭宴客菜「陳皮雞」，當保哥指選用沒有骨頭的雞扒可讓一家大細更安心享用，祥仔竟忽然大派高帽謂：「哇！幾細心！照顧周到，唔怪得你係新一代師奶殺手！」場面搞笑。

祥仔跟老闆學包燒賣。

燒賣肉質偏軟身，好多香港人都鍾意食。

祥仔聽完朱老闆的暖心故事後頗有感觸。

保哥跟祥仔四出「搵食」。

專心嘅男人係咪特別型呢？

祥仔究竟因咩事封保哥做師奶殺手？

「粥對我嚟講係幾有回憶、同幾鍾意嘅美食」
除了品嚐名菜佳餚，祥仔亦有捐窿捐罅掃街介紹地道小食，除了到「平民美食天堂」西灣河太安樓歎招牌牛雜，又前往鬧巿品嚐港式滷味、生滾靚粥，及最強民間美食—港式燒賣。祥仔一邊落手落腳幫忙包燒賣、一邊聽著小食店老闆朱先生訴說充斥著親情與人情味的「守護燒賣」故事，畫面溫馨。朱老闆說：「爸爸離開咗（過身）後，我有段時間好失落，曾經諗過唔做呢間鋪頭。不過有日有位街坊嚟食燒賣，佢話呢粒燒賣有好多佢同已故太太嘅回憶！」一句看似簡單的說話，卻讓朱老闆找到繼續經營店鋪的理由，繼續守護燒賣的同時，亦希望守護這款地道美食曾經帶給街坊的美好回憶。除了聽別人的故事，祥仔今集亦有訴說自己的故事，他於到訪粥品店時，分享了兒時與父母的親子樂，並謂鍾意食粥也是因為受媽咪影響：「幾歲嗰時如果屋企得我同媽咪，佢都會帶我食粥；有時禮拜日煲一大鍋粥，老竇買啲油炸鬼返嚟，一家人都會食粥。粥係對我嚟講係幾有回憶、同幾鍾意嘅美食！」

祥仔今次品嚐嘅粥係魚粥。

估唔到一碗粥對祥仔係咁有意義同埋回憶。

生滾粥睇落又綿又滑。

亦係唔少港人嘅至愛。

牛雜大大件又有光澤，齋睇相都流口水。

本周介紹嘅美食仲有蘿蔔柚皮。

爽口生腸。

祥仔話佢食滷味鍾意撈醬汁。

傳統懷舊粵菜金華玉樹雞。

勁考刀功嘅「囍粵山莊」打卡一流，你哋又估唔估到裏面有咩材料？

《巾幗梟雄之懸崖》劇組正於橫店馬不停蹄進行拍攝。

由騰訊視頻及無綫電視聯合出品的《巾幗梟雄之懸崖》，演員陣容包括黎耀祥（祥哥）、胡定欣、蕭正楠、羅天宇、陳曉華、李成昌、韓馬利、杜燕歌、謝雪心、莊思明等。《巾幗》劇組於橫店馬不停蹄進行拍攝，助理總經理（戲劇製作）曾勵珍和製作部總監（戲劇製作）徐正康日前專誠前往橫店探班，為台前幕後打氣，珍姐還自掏腰包請食飯，氣氛愉快！視帝祥哥期間亦有萬歲請大家「喝飲料」，眾人更在寫上「英俊瀟灑、氣宇軒昂、玉樹臨風、全組最愛的祥哥又…又…又…又…又…又…請大家喝飲料！」的水牌前合照，熱烈又融洽。

祥哥都有萬歲請大家飲嘢！左起：莊思明、馬海倫、黎耀祥、曾勵珍、關嘉敏、邵初

左起：莊思明、馬海倫、黎耀祥、曾勵珍、關嘉敏、邵初、徐正康、編審張華標、監製方駿釗

講到珍姐和徐生探班，祥哥受訪時說：「今次冇乜時間帶佢哋去玩，係最後一晚珍姐請大家食飯，佢睇咗片之後都好滿意，覺得成個製作都好唔同，既有TVB嘅特色，又有內地製作上嘅配合，好有大片嘅感覺！」祥哥透露是次拍攝行程十分緊密，差不多日日都要開工：「冇乜時間叉電，有段時間係A、B組咁拍攝，拍完A組就過B組，有時早咗少少收工就出去食飯。」提到與胡定欣第八度合作，祥哥說：「佢都算係我喺TVB合作最多嘅女演員，所以今次合作都好有默契，大家都會一齊食個飯，工作上有啲咩都會交流吓。」

徐正康、珍姐和方駿釗工作認真。

劇組氣氛融洽。

劇組氣氛融洽。

至於拍攝難忘事，祥哥說：「今次同好多內地工作人員合作，畀到我好新嘅衝擊，呢度地方比較大，個景都豐富啲，戲劇嘅效果都會加強咗，同埋監製（方駿釗）對我哋好好，佢專登安排咗啲飯盒係少啲油、鹽、糖，通常都係三菜一肉比較清淡啲，大家都食得好習慣。」在橫店工作雖然忙碌，但祥哥一有空都會出動「食好西」慰勞自己，祥哥日前在社交網介紹橫店港式茶餐廳，更成枱都是香港地道美食，有咖哩魚蛋、魚蓉燒賣、菠蘿包及叉燒等，祥哥全程大大啖食不停，相當滿足！

祥哥為大家介紹橫店嘅港式茶餐廳。

嗌到成枱都係美食。

祥哥食唔停口，睇嚟好滿足。

定欣受訪時亦坦言日日都要開工，她說：「呢套劇通告好多好密，真係好少機會出去食飯，珍姐同徐生嚟咗大家可以早啲收工，大家一齊食個飯放鬆吓，如果唔係真係冇乜機會。」定欣坦言開工頭一個月特別忙：「我嘅銀行主景要連開十幾日，之後亦都有唔同嘅景連開幾日，第一個月真係好辛苦，冇乜點休息過，內地有說法叫頂天立地，即係頭場去到尾場都係你！」身材Fit爆的定欣熱愛做運動，可惜今次帶備運動裝都得物無所用，她說：「自己帶嚟嘅運動衫都冇郁過，反而一有時間盡量瞓番多啲叉電。」

大家忙裡偷閒食飯放輕鬆，相當愉快。

定欣指今次角色對體力、精神消耗比較大，拍攝期間消瘦不少，她說：「今次唔使做運動都消瘦咗，啲衫褲都鬆咗，係真係開住工瘦！我本身都少食澱粉質，但拍呢套劇消耗比較大，所以都一定要食飯，但係消耗實在太大，食完飯之後，拍完一兩場就已經開始肚餓！至於今次再與視帝祥哥合作，定欣坦言：「同祥哥合作咗好多次，對上一次係《公公出宮》，都隔咗一段時間，每次同佢合作都係一個學習機會，好似再上堂咁。今次嘅角色同以往好唔同，要應付好多大場面同長對白，祥哥係一個好好嘅Model，畀我去好好學習。」