鄧小巧近日被「EQUAL Global Music Program」選中成為香港區代表，為其擔任11月的號的封面人物，並登上位於紐約曼哈頓區、有「世界的十字路口」之稱的時代廣場上的巨型LED屏幕。
Spotify推出的「EQUAL Global Music Program」宗旨是為女性發聲、爭取平權，自2021年起，Spotify每月邀請一位香港女歌手代表「亮相」時代廣場（Times Square），傳遞女性聲音，宣揚平權，鄭秀文、容祖兒、莫文蔚、張惠妹等早前亦相繼「登陸」這個紐約著名地標，這次小巧首登紐約Billboard，她表示十分奇妙，「之前成日都諗，希望有一日都可以見到自己喺呢個大銀幕，但覺得好遙遠，而家終於實現，好奇妙。」
鄧小巧被「EQUAL Global Music Program」選中成為香港區代表。
小巧表示感想成真的感覺好奇妙。
對於她的形象予人有種獨立的知性美，小巧直認不諱，「我都幾獨立㗎，有時我覺得，獨立係有能力愛自己，有能力俾自由自己，同決定自己嘅人生節奏。」問到有何寄語現今女性？她說：「希望佢哋可以搵到自己想要嘅生活重心，同埋可以搵到適合自己飛翔嘅天空。」
小巧直認自己都幾獨立。
小巧早前推出新歌《只記住你》。
網上音樂節目《Singaholic》來到第六集，主理人鄧小巧這集找來鄭融任嘉賓。
一開場，小巧便唱出鄭融（Stephanie）的代表作《紅綠燈》歡迎鄭融，小巧表示讀書時期經常唱這首歌，「真係好榮幸可以今日請到呢首歌嘅原唱，因為讀書時期每一次去唱K，一定會有人點，我或者會唱，或者會多過一次嘅，阿融！」
小巧唱出鄭融的代表作《紅綠燈》歡迎鄭融。
小巧指讀書時期每一次去唱K，一定會有人點《紅綠燈》。
VIDEO
觀看相關影片按連結：https://youtu.be/qF-gFDNP2vc?si=f6oaRHTQK8gxOA2o
節目傳統，歌手們都會一邊唱歌、一邊「㗳」番兩杯，不過外表看似野性的鄭融原來是非酒精人士，「睇唔出呢，我唔得㗎。大家想飲酒係因為覺得會放鬆、開心，但我唔會㗎，我會面紅同埋好易頭痛，所以我通常都係mocktail。」但她表示近年食飯都會飲番一、兩杯紅酒，但會放足一晚，「攤長飲，好慢，永遠都會飲剩。」
鄭融外表看似野性，但原來是非酒精人士。
問到醉酒後做過最瘋的事，鄭融尷尬地說：「有一次飲咗少少酒，跟住撞到以前商台蔡冕麗小姐DJ Mini，咁佢紅色頭髮㗎嘛，我就好大聲：『喂！紅頭Min！』哈哈！但係佢未聽過我咁樣稱呼佢，勁唔勁啊！但都已經隔咗好多年，佢都唔介意嘅。其實唔係有啲乜嘢，但係我唔會咁樣稱呼佢。」
鄭融分享醉酒後做過最瘋的事。
就是叫前商台蔡冕麗小姐DJ Mini「紅頭Min」。
就是叫前商台蔡冕麗小姐DJ Mini「紅頭Min」。
講到現今娛樂圈生態，小巧謂現在多了不同身型的藝人，不再是以往千篇一律的纖瘦，鄭融自爆自己的身高已說明一切，「我真係exactly五呎，五呎一都冇。」她又提到早前有朋友問她，如果整容的話想整甚麼，鄭融想也不用想便答道：「『駁高個人囉！哈哈，我又冇乜嘢想整。』係好痛，但係着高踭鞋都好痛，代價好大，好多時候我哋真係開工嗰下先着，一返到後台其實即刻轉拖鞋，嗰個痛係酸同埋麻。」小巧和議，「試過除咗鞋之後，我啲腳趾掂唔到落地，好痛！」鄭融接着說：「我有諗過如果可以嘅話，行落樓梯嘅時候，我真係唔介意我寧願爬！或者可以安排有架輪椅喺後台。」
小巧指現在多了不同身型的藝人。
鄭融自爆自己的身高已說明一切，「我真係exactly五呎，五呎一都冇。」
小巧問如果整容的話想整甚麼？
鄭融直言想增高！
