茶記燒鵝全部係「肥膏」店員咁回應 食客嬲到原碟放棄俾錢走

大叔到茶記午膳，點了燒鵝及啤酒驚見「全部都係肥膏」，店員的回應更令他嬲到原碟放棄，俾錢走人。

有網民發文，分享目睹一大叔食燒鵝飯的中伏經過。（FB截圖）

有網民於facebook群組「香港茶餐廳及美食關注組」發文，表示日前中午到屯門三聖邨某茶記用膳，其間鄰座的大叔點了一碟燒鵝飯及一支藍妹啤酒，大叔本想邊嗒燒鵝邊嘆啤酒，豈料「碟燒鵝飯到咗阿叔夾第一嚿嚟食」便發覺不對路，直呼：「嘩d燒鵝咁肥點食呀」。

生氣又失望，於是詢問店員：「喂～夥計你過嚟睇吓全部都肥膏」。對方則回應：「係咁㗎啦，有啲肥好正常」，但大叔認為非常不合理指：「有冇搞錯呀，咁都可以畀個客食？」，店員則懶理說「係咁㗎啦」。

一名大叔到茶記午膳，點了燒鵝及啤酒，豈料上枱後驚見全部都是肥膏及下欄位，嬲到連啤酒也沒喝完，便直接放棄埋單走人。（FB 圖片）

大叔嬲到連啤酒也沒喝完，便直接放棄碟「肥膏飯」，拍枱起身去付款。收銀見客人碟飯原封不動，面有異色，於是問道：「阿叔咩事呀？」，大叔勞氣回答：「有冇搞錯呀？啲燒鵝咁肥點食呀？」，於是收銀稱能讓店員為他重新換一碟燒鵝飯，但大叔已感掃興，表示：「唔食啦！見到都冇晒胃口！仲要話係咁㗎啦」，然後「俾完錢好嬲就走咗」。

此帖引網民熱議，有人表示感同身受「有陣時唔係錢既問題，係突然間令你冇哂興致個種失落。本身放工好攰，想食個邪惡燒味飯加啤酒放縱下，點知準備享受第一啖肉既時候，你整d咁既垃圾出黎比人食，呢d係比幾錢都彌補唔到，好明白阿叔既感受」。

有網民表示感同身受。（ FB截圖）

不少網民看到樓主上載的相片，亦認為廚房非常離譜「其實某d燒味佬過唔過到自己果關」、「好肉酸見到下欄位都唔開胃」、「全部鵝背鵝尾，下欄嚟㗎喎」、「將心比己，佢食飯收到碟咁嘅野，佢有咩感覺」、「目測，翼搭背脊無肉位，欠缺良心嘅賺錢舖」、「賣相差，成碟骨，比狗都唔食啦！」、「我聽日上山都唔用呢啲，呢幾舊下欄骨其實拎去餵狗，佢都未必食，因為骨碎肥膏多」。

很多網民亦撐大叔，認為廚房出品非常離譜。Getty圖片

帖文來源：facebook群組「香港茶餐廳及美食關注組」

不少人一年四季都有游水健身的習慣，不過俗話說得好，常在泳池游，哪有不中伏？

網上圖片

日前就有泳客在社交平台分享，在公眾泳池游泳時遇上突發事件，事後獲康樂及文化事務署職員派發一張罕見的「緊急專用」入場券，引來網民熱議。事主揭開獲券原因，原來是泳池發生最令人聞之色變的「啡色警報」，也就四池水受排泄物污染需緊急關閉。

網上圖片

網上圖片

該名自稱是資深泳客的網友在網上發帖，展示一張青綠色、印有獨立編號的入場券。券上以中英文註明「Issued in Emergency Event Only 只限於緊急事件時發出」，並列明持券者可免費使用任何康文署公眾泳池一節，入場券有效期為發出後12個月內。事主在帖文中表示：「游咗十幾年水，第一次收到。」

網上圖片

罕見的入場券曝光迅即引來網民熱議，大家紛紛追問是何種「緊急事件」，有網民指「通常有人瀨屎」，樓主坦白回覆：「你估中了」，並補充當時情況是「游下泳池有污糟嘢」。他透露，事件發生在顯徑游泳池，因池水受 污染需要緊急關閉清潔。

不少有相同經歷的網民現身說法：「上個月我都收過，剛沖涼就聽到廣播『池水受污染』」、「我都收過」、「早上可能係屎，下午可能係嘔吐物」、「化糞池見証卡」、「屎池卡」