名城母女拍片目擊鄰居飼養貓咪失足墮樓痛哭 網民狠批飼主及拍片者

大圍名城有母女目睹鄰居貓咪出走露台拍片求救，過程中驚見貓咪不幸失足墮樓，二人當場痛哭慘叫，網民狠批主人及拍片者。

有港媽及女童發現鄰居一隻白色布偶貓在高層單位的露台欄杆上徘徊，於是拍片上載求救。（FB圖片）

Facebook群組「大圍名城住戶谷 Festival City Tai Wai Residents Group」流傳兩段影片。有港媽及女童發現鄰居一隻白色布偶貓在高層單位的露台欄杆上徘徊，於是拍片上載求救，影片中聽到女童緊張地呼喚貓咪「入返去」，並著母親不要引誘牠「你唔好引佢，你引佢佢想過嚟你度呀」。隨後她們商量由誰通知保安員。

貓咪本想返入屋，但疑似聽到二人的聲音後，便再次折返，想走近她們。（FB影片截圖）

貓咪想靠近她們。（FB影片截圖）

另一段影片中，貓咪疑似聽到二人的聲音想走近她們，於是跳到露台旁邊的石壆上，但在試圖回到露台時，失足墮樓。二人目擊貓咪飛墮，驚恐地喊「好驚呀！救命呀」，女童更當場痛哭。

據網民表示，事發為大圍名城的一個高層單位。有懷疑是貓主留言表示「對唔住，係我冇好好閘實對門」；亦有疑似拍片者老公留言表示女兒哭了一整晚，陰影極大。但上述留言稍後已被刪除。

於是由露台跳到旁邊的石壆上。（FB影片截圖）

但在試圖回到露台時，失足墮樓。（FB影片截圖）

影片震驚網民，不少人留言狠批主人及拍片者「靜靜地搵保安或者打999唔得㗎咩，仲要開窗整啲聲出嚟吸引隻貓注意，用下腦啦！隻貓都諗住行返入去，你仲要整啲聲出嚟引隻貓，個主人已經九唔搭八，講句衰啲你有份害佢」、「好希望下次唔會再有，但不幸下次見到咁唔好大叫小叫，其實你小朋友已經講得好啱，唔好掛住喺度影貓你唔會即刻影完搵到主人，你應該即刻去搵管理處叫佢通知該戶主人，主人喺露台入邊叫番佢入去」、「主人冇裝貓網害死貓，但你拍片引貓都有份害死佢」。

二人目擊貓咪飛墮，驚恐地喊「好驚呀！救命呀」，女童更當場痛哭。(FB影片截圖）

帖文來源：Facebook群組「大圍名城住戶谷 Festival City Tai Wai Residents Group」

港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。

（FB圖片）

店家態度惡劣「大聲過我，差到無朋友」

樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。

（FB圖片）

網民建議報食環

帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。

（FB圖片）

街坊揭：呢間一向西

有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。

帖文來源：facebook群組「大埔人大埔谷」