花700蚊訂製史迪仔蛋糕 女客驚見崩壞成品感失望 網笑：中咗輻射

有港女花700元光顧IGshop蛋糕店，訂購客製化史迪仔蛋糕，回家打開後崩潰表示「真係好失望」，網民更形容「似中咗輻射」。

港女男友為了氹她開心，從一間IG擁有過萬個追蹤者的蛋糕店，訂購了一個客製化的史迪仔蛋糕送給她。（FB圖片）

有港女於Facebook群組「香港蛋糕關注組」發文大呻其中伏經歷，她指男友為了氹她開心「俾我打下卡」，於是從一間IG擁有過萬個追蹤者的蛋糕店，訂購了一個客製化的史迪仔蛋糕送給她。當她滿心期待打開後，心情卻瞬間跌入谷底「一收到個蛋糕，真係好失望」。從樓主上載的照片可見，史迪仔外形完全崩壞，看起來扭曲且奇怪，賣相一點也不討好。

當她打開後，心情卻瞬間跌入谷底「一收到個蛋糕，真係好失望」。（FB圖片）

史迪仔外形完全崩壞，看起來扭曲且奇怪。（FB圖片）

更令樓主崩潰的是，此貨不對辦的蛋糕，竟要索價700大元「咁樣就交貨俾人，過唔過意得去？」。她自我安慰「諗住樣唔靚，個蛋糕都希望好味」，但味道亦令人失望「除左入面有啲開心果粒之外，成個蛋糕都無開心果味既」。

此貨不對辦的蛋糕，竟要索價700大元。（FB圖片）

而且味道亦令人失望。（FB圖片）

此帖引網民熱議，不少人紛批評蛋糕的外觀驚人地差勁，認為這樣的品質根本不能接受「咁嘅程度都好意思拎出嚟賣」、「咁都交貨比人，真係過得自己又賺到笑」、「冇事嘅，中咗輻射姐！」、「輻射版史迪仔」、「好切合Halloween主題！」、「一pat野咁」。

圖片與實物不符。（FB圖片）

帖文來源：Facebook群組「香港蛋糕關注組」

網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。

目擊者在社交平台發帖

樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。

大媽搶付藥油錢超激烈：我嚟

影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。

大媽搶付藥油超激烈：我嚟！當事人帖文截圖圖片

搶先掃碼以為贏晒

然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。

看似先掃碼成功的師奶，其實只付了最靠近收銀員的那1盒藥油。當事人帖文截圖圖片

她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。

最後成為爭埋單的最大贏家。當事人帖文截圖圖片

網民看穿：假爭俾錢

不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。

不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。

眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片

小額消費上刻意表現人情味？

有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。

網民抨擊：其實為咗面子

不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。