人妻蔡穎恩與Charles玩「衫P」 創造時裝綜藝節目突破超友誼關係

為了節目製作兩人都親力親為，花盡心思！

可愛人妻蔡穎恩（Evelyn）與時尚達人林皓霆（Charles），籌備接近一年的網上時裝節目《衫P》終於面世，定於11月4日，在YouTube全新頻道「Highlighter橫間道」首播。他們為每集節目的星級嘉賓，打造全新形象，由設計主題、邀請嘉賓、服裝造型、安排場地都親力親為，花盡心思。Charles笑言製作過程讓他成功解開「亂噏嘢」封印，Evelyn更揚言二人經歷很多，已超越友誼關係，升格家人！

相關影片可以按以下畫面觀看：

影片連結： https://youtu.be/tSdCATFD8KY?feature=shared

節目開播在即，Evelyn與Charles拍攝宣傳照，大玩Y2K風格，尤其髮型非常搶眼。點解會有《衫P》節目誕生？Charles感謝經理人獨具慧眼，他說：「多謝我經理人Coei發掘到我鍾意講嘢嘅潛能，老實講，我之前擔心自己點樣對鏡頭講咁多嘢，平時工作對鏡頭只係影相，或者拍片講兩句，真係無諗過自己可以主持一個節目，拍完《衫P》之後，原來我咁enjoy（享受）鏡頭前講嘢，同埋亂噏嘢。」Charles揚言「成就解鎖」打開「亂噏嘢」封印，從此講唔停，甚至經常被Evelyn投訴要他收聲

Evelyn與Charles拍攝宣傳照，大玩Y2K風格，尤其髮型非常搶眼。

Evelyn與Charles拍攝宣傳照，大玩Y2K風格，尤其髮型非常搶眼。

Evelyn與Charles拍攝宣傳照，大玩Y2K風格，尤其髮型非常搶眼。

攻讀時裝設計出身的 Evelyn開心終於學以致用，她坦言最初擔心自己應付不來，感謝拍檔Charles和團隊努力，難題逐一解決。她說： 「尤其是搵衫、襯衫，每集嘉賓服裝嘅概念，都係我同Charles一齊度出嚟，有一種好似返學做project嘅感覺。」Charles說：「最初經理人話『不如做個節目』，我心諗『得唔得架？』我自己好鍾意買衫，襯衫，呢個節目好似為我同Evelyn度身訂造。（點解叫《衫P》？）我自己好想玩『衫P』，哈哈，個個都鍾意玩3P架啦，三個人一齊走入間房，閂埋門然後攞晒啲衫出嚟開P⋯⋯係衣服嘅『衫』呀！其實最初我都驚呢個名太踩界，個名又『3P』又有人妻，老闆會唔會唔接受架？但同事們好鍾意。」

攻讀時裝設計出身的 Evelyn開心終於學以致用

感謝拍檔Charles和團隊努力，難題逐一解決

同Charles一齊度出嚟，有一種好似返學做project嘅感覺。

拍攝期間，Charles稱呼Evelyn「師姐」，Evelyn說：「我早佢一年入公司，佢就成日叫我『師姐』。我覺得佢先至係我『前輩』，佢加入公司前已經自己管理自己工作，所以佢好多嘢都可以一手策劃，喺呢個領域佢係我前輩。今次合作嘅化學作用非常強勁，好驚喜，係一個超成功嘅project！」Charles興奮表示花盡心思替嘉賓改造形象，結果大家都好滿意，甚至有嘉賓自薦encore再玩。

Charles稱呼Evelyn「師姐」

Charles興奮表示花盡心思替嘉賓改造形象，結果大家都好滿意

經過今次合作，Evelyn坦言與Charles感情一日千里，火速由朋友升格家人，她說：「我哋變成戰友，比好朋友關係更好，有時做朋友會考慮佢得唔得閒聽電話，但我有事會諗都唔諗直接打電話畀佢，佢升格做家人，我就嚟開始會發佢脾氣。」Charles說：「我哋同甘共苦，呢個節目好似生咗個仔，一齊組織咗個家庭，唔只『朋友』關係。」

Evelyn坦言與Charles感情一日千里，火速由朋友升格家人

朱鑑然、梁仲恆及Mandy見到眾多電影投資者和導演都出席「寰亞之夜」，即興向鏡頭推薦自己。

「寰亞之夜」於昨晚（3月12日）在中環舉行，寰亞傳媒集團老闆林建岳博士、寰亞傳媒集團行政總裁葉采得先生、寰亞電視節目製作（香港）有限公司董事總經理梁家樹、寰亞電視節目製作（香港）有限公司行政總裁陳德修先生、寰亞藝人經紀高級副總裁林珊珊、大岳娛樂柯上閔、香港廣播有限公司總經理曾志偉、《冒名頂替》監製劉偉強和導演李光耀、《三殺》導演卓亦謙、《宿敵遊戲》導演馮志強、《解密》和《誤殺3》 監製兼導演陳思誠、《等待黎明》編劇張弘毅、《掃鼠嶺》導演王晶、李子俊導演、寰亞歌手雲浩影（Cloud）、林曉峰（阿Lo）、梁釗峰、樂隊Nowhere Boys的主音Van和鍵琴手漁佬、演員蔡穎恩（Evelyn）、梁仲恆和洪端珙、女團Me&的連家穎（Vian）和譚旻萱（Mandy），以及林峯、黃浩然、胡子彤、張文傑、伍允龍、鄧麗欣（Stephy）、ANSONBEAN（陳毅燊）、盧慧敏（Amy）、劉沛蘅（Hillary）、何嘉莉（Lillian）、林熙彤（Hazel）、陳嘉寶（Anjaylia）、麥少瑜（Fiona）、許恩怡（Natalie）、張凱娸（KiKi）、朱鑑然（Kevin）和胡卓希（Jason）等出席，可謂星光熠熠，非常熱鬧！

「寰亞之夜」星光熠熠！

「寰亞之夜」星光熠熠！

「寰亞之夜」星光熠熠！

「寰亞之夜」星光熠熠！

派對雲集逾百名藝人以及知名導演，釗峰直言是一個很難得的晚上，他說：「音樂部、電影部、同事、朋友，甚至好多導演都過嚟聚首一堂。除咗認識下，建立一個家庭文化都好重要，今晚大家可以傾下偈，多啲交流。」愛吃的Van揚言非常支持公司所有活動：「因為好多好嘢食，哈哈，喺餐枱隔離一定搵到我。」漁佬亦笑言：「問阿Van就知邊樣最好食。」Van隨即推介場內小食「Tacos of the Sea」，讚不絕口，自爆狂掃十幾件。

釗峰（左二）

釗峰（中）

唱得又煮得的Van又讚Evelyn與Vian為YouTube頻道「Highlighter橫間道」拍攝的蘿蔔糕製作賀年特輯，Evelyn和Vian好感動。Evelyn隨即邀請Van等高手開拍「寰亞飲食節目系列」，比拼廚藝，邀請專業廚師評分。廚藝平平的釗峰即戴定頭盔，笑說：「咁要劃分專業組同地獄組，希望我係地獄組比較前嘅參賽者。」他們認真到連節目名都想好，叫「寰亞食呀」，還即興創作主題曲，全場爆笑。

Evelyn（左二）、釗峰（右二）

樂隊Nowhere Boys的主音Van（左二）和鍵琴手漁佬（右二）

適逢前日（10日）是女團Me&成員Vian的生日，釗峰、Van、漁佬和Evelyn唱出中英夾雜的生日歌為她慶生，雖然場面搞笑，但Vian生日願望好認真，她說：「希望順順利利，身體健康！」原來日前她排舞不慎閃腰，眾日祝她早日康復。

釗峰、Vian、Evelyn、Van、漁佬

此外，朱鑑然、梁仲恆和Mandy在派對上傾得開心，他們三位身高出眾被笑指可組「三高天團」，朱鑑然指自己轉數高，梁仲恆自稱智慧高，而Mandy搞笑亂講「腳毛高」。三位高人見到眾多電影投資者和導演在場，亦即興向鏡頭推薦自己，爭取拍戲機會。梁仲恆說：「我好熱愛演戲，我唯一嘅優勢係我好得閒，大家可以搵我。」朱鑑然說：「任何角色我都隨時準備好！」Mandy表示：「我咩戲都演得，我比佢兩個得閒！」朱鑑然搶說：「我周圍都見到你嘅訪問，雜誌封面、海報喎！」Mandy反擊：「我同你一齊拍架！」他們還搞笑互窒，非常有趣。

Mandy、朱鑑然、梁仲恆

Mandy（中）

朱鑑然、胡子彤、黃浩然、林峯、張文傑