林皓霆離世前4天曾出席大型活動 笑容滿臉無異樣

林皓霆離世前4日曾先後出席2個公開活動，並在社交平台分享靚相，想不到事隔數日竟撒手人寰，令人相當惋惜！

時尚達人兼寰亞藝人林皓霆（Charles）於10月31日驚傳死訊，終年35歲。寰亞其後發出聲明，指林皓霆於10月30日離世，並透露他一直飽受情緒病煎熬，但一直以積極態度面對，「突然傳來噩耗，家人和朋友一時間都難以接受。」消息傳出後，不少人圈中好友及網民都感到愕然和惋惜，並紛紛在社交平台發文悼念。而林皓霆與蔡穎恩合作主持、籌備近一年的網上時裝節目《衫P》籌備近一年，原定於11月4日播出，亦成為林皓霆遺作，不知是否會調整播出。

好友在社交平台公布林皓霆的死迅。

林皓霆死迅傳出當日，寰亞才剛公布他與好友蔡穎恩合作主持網上時裝節目《衫P》即將播出。

《衫P》成為林皓霆的遺作。

林皓霆是職業模特，於去年8月加入寰亞，曾多次出席不同大型活動，包括巴黎時裝周、上海電影節等，事業前景一片光明。而他最後一次出席公開活動是在10月26日獲邀出席在中環舉行的文華東方酒店60周年慶祝晚會，以及另一個品牌活動，事後他亦在社交平台分享照片，相中他未有任何異樣，而且全程笑容滿面，想不到事隔數日竟撒手人寰，實在令人惋惜！

林皓霆IG圖片

林皓霆IG圖片

林皓霆IG圖片

林皓霆IG圖片

林皓霆IG圖片

此外，林皓霆的離世亦在內地社交平台引起熱議，因為他曾於2013年參與貴州衛視的大熱相親真人騷節目《非常完美》，並與一位來自台灣的女嘉賓成功牽手，不少網民都對他印象深刻，對他的離世都感到非常可惜。

林皓霆曾參與相親真人騷節目《非常完美》。

並成功牽手一位來自台灣的女嘉賓。

為了節目製作兩人都親力親為，花盡心思！

可愛人妻蔡穎恩（Evelyn）與時尚達人林皓霆（Charles），籌備接近一年的網上時裝節目《衫P》終於面世，定於11月4日，在YouTube全新頻道「Highlighter橫間道」首播。他們為每集節目的星級嘉賓，打造全新形象，由設計主題、邀請嘉賓、服裝造型、安排場地都親力親為，花盡心思。Charles笑言製作過程讓他成功解開「亂噏嘢」封印，Evelyn更揚言二人經歷很多，已超越友誼關係，升格家人！

相關影片可以按以下畫面觀看：

影片連結： https://youtu.be/tSdCATFD8KY?feature=shared

節目開播在即，Evelyn與Charles拍攝宣傳照，大玩Y2K風格，尤其髮型非常搶眼。點解會有《衫P》節目誕生？Charles感謝經理人獨具慧眼，他說：「多謝我經理人Coei發掘到我鍾意講嘢嘅潛能，老實講，我之前擔心自己點樣對鏡頭講咁多嘢，平時工作對鏡頭只係影相，或者拍片講兩句，真係無諗過自己可以主持一個節目，拍完《衫P》之後，原來我咁enjoy（享受）鏡頭前講嘢，同埋亂噏嘢。」Charles揚言「成就解鎖」打開「亂噏嘢」封印，從此講唔停，甚至經常被Evelyn投訴要他收聲

Evelyn與Charles拍攝宣傳照，大玩Y2K風格，尤其髮型非常搶眼。

Evelyn與Charles拍攝宣傳照，大玩Y2K風格，尤其髮型非常搶眼。

Evelyn與Charles拍攝宣傳照，大玩Y2K風格，尤其髮型非常搶眼。

攻讀時裝設計出身的 Evelyn開心終於學以致用，她坦言最初擔心自己應付不來，感謝拍檔Charles和團隊努力，難題逐一解決。她說： 「尤其是搵衫、襯衫，每集嘉賓服裝嘅概念，都係我同Charles一齊度出嚟，有一種好似返學做project嘅感覺。」Charles說：「最初經理人話『不如做個節目』，我心諗『得唔得架？』我自己好鍾意買衫，襯衫，呢個節目好似為我同Evelyn度身訂造。（點解叫《衫P》？）我自己好想玩『衫P』，哈哈，個個都鍾意玩3P架啦，三個人一齊走入間房，閂埋門然後攞晒啲衫出嚟開P⋯⋯係衣服嘅『衫』呀！其實最初我都驚呢個名太踩界，個名又『3P』又有人妻，老闆會唔會唔接受架？但同事們好鍾意。」

攻讀時裝設計出身的 Evelyn開心終於學以致用

感謝拍檔Charles和團隊努力，難題逐一解決

同Charles一齊度出嚟，有一種好似返學做project嘅感覺。

拍攝期間，Charles稱呼Evelyn「師姐」，Evelyn說：「我早佢一年入公司，佢就成日叫我『師姐』。我覺得佢先至係我『前輩』，佢加入公司前已經自己管理自己工作，所以佢好多嘢都可以一手策劃，喺呢個領域佢係我前輩。今次合作嘅化學作用非常強勁，好驚喜，係一個超成功嘅project！」Charles興奮表示花盡心思替嘉賓改造形象，結果大家都好滿意，甚至有嘉賓自薦encore再玩。

Charles稱呼Evelyn「師姐」

Charles興奮表示花盡心思替嘉賓改造形象，結果大家都好滿意

經過今次合作，Evelyn坦言與Charles感情一日千里，火速由朋友升格家人，她說：「我哋變成戰友，比好朋友關係更好，有時做朋友會考慮佢得唔得閒聽電話，但我有事會諗都唔諗直接打電話畀佢，佢升格做家人，我就嚟開始會發佢脾氣。」Charles說：「我哋同甘共苦，呢個節目好似生咗個仔，一齊組織咗個家庭，唔只『朋友』關係。」

Evelyn坦言與Charles感情一日千里，火速由朋友升格家人