遭網民爆料指責甩大牌 陳山聰親自落場回應：真的不好意思了

有網民在深圳偶遇拍戲的陳山聰，因為合照被拒而上網投訴他耍大牌，而本尊也親自做出回應！

TVB視帝陳山聰近年演藝事業備受肯定，近日北上拍攝新劇《反黑英雄》，有網民在深圳偶遇陳山聰，並爆料指責他耍大牌引起熱議，陳山聰竟然出面親自回應。

TVB視帝陳山聰近年演藝事業備受肯定

近期北上拍戲！

陳山聰

陳山聰一家三口幸福照。

近日有網民在社交平台上投訴陳山聰耍大牌：「去吃飯，剛好遇上劇組準備拍攝，但是陳山聰真的好大譜（牌）……熱情打招呼當沒看見，走到跟前禮貌求問能否合照，繼續裝沒聽見，由身旁助手拒絕，全程冷臉，目中無人，下頭。」並爆出偷影的相片，相中所見，陳山聰正在街頭拍攝，被幾位工作人員圍繞。但不少網民都力撐陳山聰，認為當時正在拍劇確實不方便合照，有人則表示曾偶遇陳山聰，稱讚他熱情有禮，該網民遭不少人直斥「道德綁架」，而事後該網民將Post刪除。

陳山聰正在街頭拍攝，被幾位工作人員圍繞

但不少網民都力撐陳山聰

而讓人非常以外的是，陳山聰本人竟然也有關注事件，並親自出面回應：「究竟發生什麼事情？什麼大譜？要跟誰道歉？我在門外等候了兩小時才能拍攝！真的不好意思了。」有網民就留言支持他：「你不需要道歉啊，就是一個網友沒跟你合照到發的一個抱怨。」而陳山聰相當親民回應：「哦明白了！如果是我也會抱怨的，下次再叫我拍吧。」

陳山聰親自回應！

黎諾懿及大仔小春雞以及陳山聰同囝囝Jaco齊齊接受製作組派送的連串任務及隱藏任務，令到兩位單飛湊仔外遊的星級爸爸忙上加忙。

《爸知弊！你嚟湊吖！》9月28日及周五晚十點半翡翠台推出峴港番外篇《HiPP有機HMP嬰兒奶粉特約：爸知弊！你嚟峴港湊吖！》，除有「爸知弊幼稚園」校長黎諾懿及大仔小春雞外，還專誠請來陳山聰帶同三歲囝囝Jaco齊齊暢遊峴港及會安，見識越南傳統文化、嚐盡當地特色美食之餘，還要接受製作組派送的連串任務及隱藏任務，令到兩位單飛湊仔外遊的星級爸爸忙上加忙。

本周兩位星爸仲會同阿仔享受親子下廚樂，不過山聰中途就遇到麻煩，到底係咩呢？

本周兩位星爸仲會同阿仔享受親子下廚樂，不過山聰中途就遇到麻煩，到底係咩呢？

山聰與Jaco互動超有愛
首度上節目的Jaco全程表現輕鬆自在、真我性情盡展現；見到喜愛的事物「車車」、「包包」及「船船」時會開心大叫；接觸到可怕的事物如「釣蟹」及「騎牛牛」時，又會喊驚驚兼撲向爸爸撒嬌，加上高八度的「BB話」，可愛爆燈。對爸爸儼如貼身膏藥的Jaco，吃飯時會主動「餵食」山聰，暖心度100分。不過亦因為Jaco太愛爸爸，當製作組要求山聰將Jaco交給諾懿照顧時，Jaco自然不肯就範狂扭計，講道理講極唔通的山聰最終只能「借屎遁」甩身。雖然Jaco望落乖巧，但扭起計上嚟一樣令山聰冇晒符，除了不願分離，拍攝期間又因扭眼瞓纏著山聰不放，雖然山聰全程強裝冷漠，但最終仍敵不過阿仔連環扭計攻擊乖乖妥協，十分搞笑。

Jaco執行李去峴港時，一嚟就執咗靚衫先。

小春雞同諾懿就早一步出發率先探路，兩父子玩得勁開心。

山聰透露小時候因為爸爸經常帶他們周圍去，故他現在也希望Jaco可以見識多點這個世界。

Jaco同山聰勁有愛，Jaco有好嘢食唔會忘記爸爸嗰份。

小春雞愛與諾懿鬥氣
在節目中率先負責「一湊二」落田種菜的諾懿亦相當辛苦，由於Jaco年紀尚小，諾懿只能小心翼翼貼身照顧，令被冷落的小春雞即時呷醋。已為兩子之父的諾懿，亦坦承至今仍未習慣「一湊二」：「我未去到可以兼顧晒。」又謂照顧別人的孩子辛苦度倍升：「萬一佢整親，同完山聰交代，要再同阿嫂交代。」諾懿與小春雞的互動亦相當特別，與爸爸相處儼如老友的小春雞，只要一有機會便會戲弄諾懿；不過當諾懿認真發號施令時，小春雞又會收起佻皮乖乖服從，兩父子甚有火花。

本周仲有水上活動！

大家玩泡泡樂玩到好開心。

仲有騎牛牛，小春雞表示好玩。

但Jaco表示驚驚。

小春雞因為「不願分離」瘋狂扭計。

搞到山聰要出大絕，就係大便喇！

雖然夾硬甩咗身，但起初都唔係好work。

好彩好快諾懿就氹掂咗Jaco，但就輪到小春雞玩呷醋，到底最後點收科？

Jaco拍拍吓嘢瘋狂扭眼瞓，睇吓山聰個樣幾決絕！但留意番，只係得個樣架咋。

Jaco主動要求戒奶嘴勁爆笑
除了黐身又愛撒嬌，Jaco的搞笑細胞亦相當厲害。事緣製作組要求兩名仔仔畫「越南手信」給爸爸估，由於Jaco畫風太過抽象，山聰連估都有困難，只能對著阿仔搞爛Gag謂：「你係畢加索定係不加思索呢？」另當諾懿感性分享如何幫小春雞戒掉奶嘴故事時，Jaco突然「神來之筆」大叫「No奶嘴」，氹得山聰開心回應：「You are a Man，Right？嗱！你話架！」相當有默契。在眾多遊戲中，最令山聰感觸的是「蒙著眼搵毛巾」，只有3歲的Jaco全程落力為爸爸提水及打氣，令山聰眼濕濕勁感觸謂：「如果我將來眼又朦、耳又聾，佢會唔會好似今日咁呢？」山聰在節目中披露有意為Jaco追多個弟弟或妹妹，只是「有限期」：「今年如果追到就追，今年追唔到就算。」

各位，「不加思索」畫功大公開！

小春雞嘅畫功之所以怪怪地，係因為佢有心整蠱爸爸。

Jaco嘅畫功，真係考起山聰。

山聰同阿仔好似哥兒們，最抵死係阿仔一味掛住食。

阿仔突然之間主動話要戒奶嘴，令到山聰感動又激動。

呢個蒙眼遊戲，玩到山聰好感觸。

呢個蒙眼遊戲，玩到山聰好感觸。

阿仔咁得意又咁乖巧，山聰想追多個都好合乎情理。