「大劉」劉鑾雄突發記者會，公開回應遺囑風波、甘比投資失利等謠言。
人稱「大劉」的華人置業（0127）前主席劉鑾雄10日下午3點30分舉行記者會，就近期在網絡上的文章作出回應，大劉就五大傳聞逐點擊破，內容涉及指稱他被恒大集團(03333)許家印坑掉200億、遺囑風波、甘比投資失利等。
點擊看圖輯
大劉就五大傳聞逐點擊破
大劉道出舉行記者招待會的原因
關於太太陳凱韻甘比大劉做出澄清
大劉重提當年甘比媽媽捐腎傳言
大劉在記者會上直批呂麗君（現名呂姵霖）是「賤人」
呂麗君與一對仔女都熱愛舞蹈。
呂麗君與劉秀盈
劉鑾雄先生全力支持兒子。
大劉就五大傳聞逐點擊破
記者會一來大劉就道出舉行記者招待會的原因：「點解臨時臨急開記者招待會，因為我再唔出聲呢，有啲人會越做越離譜，我唔知你有無見到新聞講呢樣講嗰樣？」大劉亦表示其實甘比曾叫他不要開記招，可能會累到「一子一女」，但他不能容許親人受侮辱，因此至會企出來。
大劉道出舉行記者招待會的原因
關於太太陳凱韻甘比大劉做出澄清：「第一，簡單講，我澄清陳凱韻從來無同我損失過任何錢，唔好話二百億，佢同我賺超過二佰億的藝術品投資就有。如果有損失，私人來講，都係我自己的事。完全唔關佢事, 佢無同我損失過錢，但啲人點解咁講呢？」
關於太太陳凱韻甘比大劉做出澄清
大劉重提當年甘比媽媽捐腎傳言：「啲人話我娶咗陳凱韻，佢阿媽換咗個腎畀我，所以我要報恩娶佢做老婆，哈哈哈！呢啲真係好好笑，哈哈！我換腎都搵個後生啲吖，搵個老人家換，希望一年換一次咩。呢啲謠言全部都係呢個人作出嚟，有網絡打手。佢好精㗎，喺香港出好易俾人睇到佢出，所以喺大陸出，我check晒出嚟。我見完呢疊嘢。」
大劉重提當年甘比媽媽捐腎傳言
大劉在記者會上直批呂麗君（現名呂姵霖）是「賤人」：「後悔成年前幫個賤人，當時唔想佢破產，睇返轉頭，幫佢破產好過，點知佢有自己網上打手，做而家嘅嘢。聽聞個賤人最近去新加坡，冇人識佢㗎，自己招搖撞騙，人哋見到佢都驚咗佢。我夠可以喺電視同拜登合照、P圖話佢企喺我隔嚟啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事，我點解咁講呢？你睇吓呢叠嘢，完全0.001事實都冇，夾硬作出嚟老屈，我再唔出幫即係默認。我老婆陳凱韻使乜理佢吖，佢自我陶醉之嘛，等於咁，有一日有人要殺我屋企人，唔好講我係咪跛，我係跛係殘廢，我都要保護屋企人！啲人造謠造到咁，傳到我就嚟死！」
大劉在記者會上直批呂麗君（現名呂姵霖）是「賤人」
但是如果「賤人」仔女想回來住，大劉表示：「他現在有18歲，他可以自己獨立可以選擇跟邊個，佢跟我可以同我一齊住，你們咁多記者聽住。但人會變的，今日話跟你住，明日話唔會，我有無講錯先？我做到今日都死唔去，我們做甚麽都要聽其言，觀其行。今日講甚麽都無用，好簡單，好多人話今日最愛是你，但下一秒就唔知。」
呂麗君與一對仔女都熱愛舞蹈。
呂麗君與劉秀盈
對於「將身家留給兒子劉鳴煒甘比被踢出局」傳聞，大劉說：「又話全部財產轉畀個仔，甘比踢出局，點解要咁講呀，自己開心囉，講就有人信，有一個重申，阿陳凱韻我老婆從來無同我蝕過錢，睇過金融投資，佢藝術賺到錢。點解叫我唔好理，今次開記者招待會影到某個仔同女，我都無辦法，即係如果要入屋殺我屋企人，我跛咗癱口咗，我都垂死掙扎，垂死嘅反抗啦！」
劉鑾雄先生全力支持兒子。
