劉鑾雄記者會爆有人一支牙膏claim三次呃錢 遺囑「早排一早分咗」相信甘比：叫我做乜都會做

大劉在記者會上金句不斷！

人稱「大劉」的華人置業（0127）前主席劉鑾雄10日下午3點30分舉行記者會，就近期在網絡上的文章作出回應。大劉更提到有人一支牙膏、一張單claim三次呃錢。

大劉就近期在網絡上的文章作出回應。

大劉在記者會上直批呂麗君（現名呂姵霖）是「賤人」，被問到：「佢啲仔女知唔知佢啲衰嘢？」大劉表示：「I really don't know！我真係唔知，佢好識洗腦㗎。以前有個伙計退休，我諗住畀筆退休金，又呃咗我幾百萬，後尾我知道條友根本無收過錢，呢啲咁嘅錢都偷嘅！好多呢啲咁嘅錢，一支牙膏、一張單都claim三次，呢句說話我作出嚟嘅話，我絕子絕孫，七個仔女養唔大啊！」

呂麗君與劉秀盈

關於近期是否有改遺囑，大劉就繼續爆料：「我早排一早分咗，我而家要再改，都要老婆執行我嘅意思，你聽唔聽得明啊？我而家自己乜嘢都冇！但係我相信我呢個老婆陳凱韻，叫我做乜我都會做。佢唔止牙膏claim三次，喺超級市場地下啲單，佢都執嚟claim，你估我唔知咩？（記者繼續問：你點知佢執單？）我哋會計部check單check得好緊㗎！即係你話買眼鏡，係咪你戴緊？佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」

無條件相信太太陳凱韻甘比

大劉有問必應

華人置業集團前任董事會主席和行政總裁劉鑾雄及太太陳凱韻早上前往票站投票，他們表示，雖然心情沉重，但仍會盡公民責任投票，又說，他們的慈善基金會為大埔火警的災民，提供更長遠的服務和協助。

劉鑾雄（大劉）及太太陳凱韻（甘比）早上前往票站投票。

2025年立法會換屆選舉於今天（12月7日）舉行，劉鑾雄（大劉）及太太陳凱韻（甘比）早上前往位於大坑徑的票站投票，履行公民責任。

劉鑾雄（大劉）及太太陳凱韻（甘比）早上前往票站投票。巴士的報記者攝

投票後，陳凱韻表示：「雖然心情依然沉重，但我認為仍然要盡公民責任投票，希望大家都可以把握時間選出心中理想的人選。」

她補充：「劉生（劉鑾雄）創辦的慈善基金40年來一直致力幫助有需要人士，今次火災亦不例外，除金錢上的捐助，我們亦派出義工協助災民。同時，劉鑾雄與陳凱韻慈善基金更加關注災民日後的生活和精神健康，希望為他們提供更長遠的服務和協助。」