大劉劉鑾雄睇《愛回家》指劇中有女演員笑容生硬 好「硬膠」

大劉係《愛回家》的粉絲，他指劇中有女演員笑起來很「硬膠」。

劉鑾雄（大劉）今日下晝突然開記者會，回應網上多宗傳聞。有記者問大劉「最近有冇收睇《愛回家》」，大劉就回答﹕「有！」，更指「佢笑起上嚟真係硬膠，肌肉實到唔識郁㗎！（邊個啊？男定女？）男就好少整到咁硬膠，梗係女㗎啦，啲肌肉真係硬晒唔識郁，咁人哋都係為咗搵食。」但他不願透露邊位女演員，指「廢事話我針對佢」

大劉今日突然召開記者會

提到《愛回家》有女角笑起上來肌肉唔郁

《愛回家之開心速遞》儲落唔少粉絲

究竟係邊個「硬膠」臉呢﹖

不過，大劉上一次開記者會，回應被影到同呂麗君一事時，亦有提到《愛回家之開心速遞 》中的角色「食屎陳師奶」，仲話記得沒有收看《愛回家》「有少少失敗」，足見大劉是《愛回家》的粉絲。

劇中角色之一 ，食屎陳師奶

大劉在記者會上金句不斷！

人稱「大劉」的華人置業（0127）前主席劉鑾雄10日下午3點30分舉行記者會，就近期在網絡上的文章作出回應。大劉更提到有人一支牙膏、一張單claim三次呃錢。

大劉就近期在網絡上的文章作出回應。

大劉在記者會上直批呂麗君（現名呂姵霖）是「賤人」，被問到：「佢啲仔女知唔知佢啲衰嘢？」大劉表示：「I really don't know！我真係唔知，佢好識洗腦㗎。以前有個伙計退休，我諗住畀筆退休金，又呃咗我幾百萬，後尾我知道條友根本無收過錢，呢啲咁嘅錢都偷嘅！好多呢啲咁嘅錢，一支牙膏、一張單都claim三次，呢句說話我作出嚟嘅話，我絕子絕孫，七個仔女養唔大啊！」

呂麗君與劉秀盈

關於近期是否有改遺囑，大劉就繼續爆料：「我早排一早分咗，我而家要再改，都要老婆執行我嘅意思，你聽唔聽得明啊？我而家自己乜嘢都冇！但係我相信我呢個老婆陳凱韻，叫我做乜我都會做。佢唔止牙膏claim三次，喺超級市場地下啲單，佢都執嚟claim，你估我唔知咩？（記者繼續問：你點知佢執單？）我哋會計部check單check得好緊㗎！即係你話買眼鏡，係咪你戴緊？佢最擅長係點呢？買咗個名牌袋之後，平價賣返出街。我記得40幾年前去夜總會，啲舞女最鍾意搵老襯。5千蚊買日本時裝，我就收返4千蚊現金，時裝舖就剩袋1千，40年前好興呢啲嘢㗎。」

無條件相信太太陳凱韻甘比

大劉有問必應