《新聞女王》宮廷造型海報曝光！佘詩曼全黑晚裝晒纖腰盡顯霸氣 「藍寶石」高海寧勁搶焦

在新一批《新聞女王》官方造型宣傳海報中，六位演員以新鮮感十足的維多利亞時代造型亮相，五位女演員頭上均戴有不同款式的皇冠，以突出「女王」主題。

連日來密集式進行官方宣傳的台慶劇《新聞女王》，今早（11月13日）率先透過優酷官方社交網釋出六張最新官方人物造型宣傳海報，包括「文家軍」文慧心（佘詩曼飾）及徐曉薇（何依婷飾），「佐治黨」梁景仁（馬國明飾）及許詩晴（高海寧飾），以及「中立派」張家妍（李施嬅飾）及劉艷（王敏奕飾），配以宣傳語句：「人生就如這棋局，從來沒有人能夠真正掌控時代，而那些玩弄時代的人也終將會被時代所淹沒」、「提醒女王們～棋局已佈置完成，執棋之人亦是棋子，究竟誰才是真正贏家呢？」意味著在SNK電視台中、每天都進行著的辦公室博奕，每分每秒充滿變數之餘，誰人擺佈別人或是誰人正被擺佈也是說不清楚。

官方今日發布最新人物造型宣傳海報。

在新一批官方造型宣傳海報中，六位演員以新鮮感十足的維多利亞時代造型亮相，阿佘身穿全黑色透視公主袖宮廷服上場，無論是權威莊嚴的眼神或是纖幼腰肢均相當搶鏡；另外以超低胸寶藍色宮廷服造型上陣的高Ling、配以一身藍寶石首飾，同樣搶鏡。李施嬅與何依婷分別以差不多款式的白金造型亮相，王敏奕則以暗紅色造型登場，各有各漂亮。值得一提是五位女演員頭上均戴有不同款式的皇冠，以突出「女王」主題。

「文家軍」文慧心（佘詩曼飾）

「文家軍」徐曉薇（何依婷飾）

「佐治黨」梁景仁（馬國明飾）

「佐治黨」許詩晴（高海寧飾）

「中立派」張家妍（李施嬅飾）

「中立派」劉艷（王敏奕飾）

《新聞女王》總監製鍾澍佳受訪時，直指鎖定維多利亞時代作為造型重點，皆因想打造貼題的女王感：「我哋其實一開始就計劃要拍一個職業劇，新聞概念我相信觀眾都好清楚知道，剩番落嚟就係點樣將女王同戰場呢個概念、以更有視覺效果嘅方式呈現畀觀眾。所以我就同負責海報設計嘅同事Leo商量，用咗呢個Image。」佳導笑指十分滿意海報效果，並坦言單是拍攝這輯海報，台前幕後共花了接近三天時間，足見製作團隊之認真：「差唔多每個Image都要拍大半日。」據知六位主角面前的「道具」亦各具意義，六人之中只有王敏奕面前沒有棋子、反而是一本打開了的書，問到佳導是否寓意其角色清純沒有手段，他笑言：「都啱架，因為王敏奕佢係冇歸類，唔係任何人嘅棋子。」

觀看相關影片按連結：https://youtu.be/f5rRjd5EZMA?si=jS5UaU0Qk_4o-6wZ

至於其他設計角色的設計意念，負責海報設計的Leo補充謂：「阿佘面前除咗王后棋、其他棋都冧晒，代表住佢嘅霸氣。至於馬明成盤棋擺晒出嚟嘅意思，係想打造穩重同深思熟慮嘅感覺。施嬅面前有兩隻平排嘅棋，想畀人感覺佢好公平，打造正義感；至於依婷，我哋就想sell靚靚少女Feel，所以背景用咗玫瑰花。高Ling面前的騎士棋，則代表住衝鋒陷陣嘅感覺。」

網民鬧爆：「Man姐推隻綿羊去死！」

由無綫與優酷聯合製作，謝穎、鍾澍佳總監製、關文深監製的台慶劇《康業信貸快遞呈獻：新聞女王》，逢周一至五晚八點半翡翠台播映，主要演員包括佘詩曼、馬國明、李施嬅、高海寧、王敏奕、何依婷、鄧智堅、譚俊彥、龔慈恩、吳業坤、車婉婉、何廣沛及林正峰等。

吳業坤同王敏奕呢個組合好入屋，佢哋互動都幾好笑、又有愛。

劉艷嗰股有勇無謀。

搞到家妍頭都大埋。

乞人憎高Ling獲讚：好鬼頂癮
昨（27日）晚共有三個高潮位，三個均由Man姐（佘詩曼飾）引發。Man姐玩「假辭職」激嬲方太（龔慈恩飾），為免文家軍及佐治（馬國明飾）黨勢力過大，方太暗示飛爺（鄧智堅飾）提拔SNK第三名潛質領軍人物，飛爺鎖定張家妍（李施嬅飾）為目標進行遊說，反遭家妍奚落。Man姐「假辭職」亦引發曉薇（何依婷飾）及Cathy（高海寧飾）對「Prime time女主播」一位虎視眈眈，恨上位恨出面的二人、除各自出招在後樓梯夾攻佐治（馬國明飾）；報道四級大火時又爭住搶鏡，Cathy不但以「假眼淚」先贏一仗、及後將相關新聞資料倒背如流亦將曉薇技術性KO！Cathy一角雖然自大、高傲又不擇手段，但網民對其角色依然甚buy，笑言「乞人憎得嚟幾過癮」：「高ling扮眼濕濕好鬼頂癮。」

Man姐見到呢場四級大火，即刻由愁轉喜。

再打畀劉艷加以利用，搞到網民都肉緊嬲豬，戥劉艷唔抵。

子傑同網民一樣不恥Man姐行為。

呢個畫面好有現場採訪感。

對於劉艷打工搵命搏，網民大感impressive！

觀乎火海現場嘅拍攝花絮片，現場真係火光熊熊，不過為咗安全起見，用嘅都係低溫火。

害人終害己？Man誤墮爆炸陷阱
除了SNK的權鬥核心，就連清純新鮮人劉艷（王敏奕飾）亦受牽連，Man姐為了力挽狂瀾，親自致電身處火警現場的劉艷、要求劉艷為其取得火場內畫面，劉艷二話不說衝入火場，並連累同行攝影師家明（吳業坤飾）身陷險境…今（28日）晚進入火場的劉艷與家明將和外界失聯，令家妍十分擔心；另邊廂Last Day的Man姐，在近20名同事支持下殺入大火現場直播，再次展現超霸氣型格一面，可惜中途被佐治設計誤入爆炸範圍，直播訊息一度被炸至中斷…

為咗安全起見，敏奕正式拍攝前有練走位。

雖然用咗低溫火，但敏奕都話拍攝現場好熱。

同埋嗰股突如其來嘅大火，嚇到敏奕個心離一離。

佢又驚又叫又笑咁，仲要笑到連腰都伸唔直。

坤哥獲睇好問鼎男飛躍
昨晚一集上位小花及小生們均有亮麗演出，除了依婷及高Ling，劉艷與家明這一對亦各有各出彩。雖然家明口衰衰經常潑劉艷冷水，但其實口硬心軟，昨晚家明冒濃煙衝入火場、邊咳邊找劉艷一幕相當感人。網民對於這位「口衰衰攝影師」相當受落，除指坤哥入型入格，又指他在《新聞》的演出與另一部台慶劇《香港人在北京》截然不同，讚坤哥演技有進步，並睇好今年有兩部台慶劇揸手的他有機會問鼎飛躍男獎。據知為了今（28日）晚一集，坤哥將獻出「人生第一場爆破戲」，畫面極具震撼性，坤哥更因而弄致滿身灰塵，萬勿錯過。

坤哥就拍到自己成身灰塵。

今晚一集，坤哥會獻出佢人生第一個爆破場面，畫面好震撼，如果唔係有拍攝花絮，都估唔到坤哥真身上陣。

根據拍攝花絮，坤哥係做足安全措施嘅。

飾演熱血新丁的王敏奕昨晚贏盡關注，除了因為可愛清純四眼Look贏盡關注，她的「超現實」熱血及傻勁亦感動無數網民，更令說劉艷入火海的Man姐被網民鬧爆：「王敏奕個look 幾cute」、「Man姐推隻綿羊去死」、「點解打份工要搵命搏？」、「真係stupid...死咗冇人會多謝佢嘅冒險...」、「Man姐利用劉艷嘅熱血同使命感」、「無底線的事，不是（陳）曉華專利」。值得留意的是，敏奕雖然只出場了三集，但每次出現不是撞板就是身陷危機，問到敏奕如何看待這個Stupid角色，她笑言：「初初睇劇本有少少驚大家討厭佢成日闖禍，不過有人覺得佢激心、有人覺得佢可愛，咁先係有血有肉嘅人。」

坤哥劇入面嘅英文名PM原來大有來頭。

昨晚其他亮點場口有何依婷同馬明嘅床上戲。

仲有驚揭馬明飾演嘅佐治同施嬅飾演嘅家妍係舊情人關係。

敏奕談阿佘：完全感受到佢對呢套劇嘅認真
敏奕笑指自覺某些地方似劉艷：「最近有報道提返我當年衝去學演戲，我都係會為理想不顧一切咁衝嘅人！另一個似嘅地方係我哋都好有同理心，劉艷Stupid唔係佢真係蠢，而係佢冇咁多機心，永遠做咗心裏面把尺覺得啱嘅嘢先，有社會經驗嘅人可能會覺得咁樣係蠢。呢個角色最難演嘅，就係點樣令大家覺得佢唔蠢。」敏奕又大讚私下的阿佘認真又會照顧別人：「佘詩曼喺我哋開工前驚我哋緊張，約晒我哋出去食飯，等大家認識咗先，好感動，完全感受到佢對呢套劇嘅認真，所以自己都要好努力，唔想成為負累。」

家妍對於飛爺嘅不敬態度，亦引發網民熱議。

Man姐每逢唔開心都會搵子傑。

仲要唔係表現出小女孩、就係表現出任性嘅一面。

官方火場拍攝花絮曝光
另觀乎官方拍攝花絮，坤哥與敏奕為了拍攝火場內戲份可謂吃盡苦頭，除了要化成「黑面貓」，敏奕更要在真火中來回奔走；總監製鍾澍佳受訪時指雖然現場用的是低溫火，但仍有一定熱度，難怪敏奕拍攝時不但熱到嘩嘩叫，更一度被真心嚇親露出真實「驚驚」反應，佳導說：「因為啲火都嚟得好突然，所以有幾吓敏奕係真係驚嘅，但佢話咁樣仲好，因為可以畀到真實反應觀眾。」佳導又謂拍攝現場做足安全、降溫及保暖等措施。而網民對於花了前後約七天拍攝的火災大場面，則留言表示認真及欣賞：「呢個外景真係拍得幾有誠意」。

何依婷同高Ling嘅惡鬥都好精彩。

佢哋由後樓梯惡鬥到主播台上。

本集金句
張家妍：
「我鄭重提醒你，我最憎人姐我嘅，呢度好多個阿姐，但只得一個張家妍」
「專業啲做好節目，定山頭主義自己揀。That’s your choice, not mine！」
Man姐：
（對佐治）「我唔係你呀，好嘅嘢去到邊、做咩，都有佢嘅價值。」
「If your picture aren’t good enough, you are not close enough.」
「唔試過點知得唔得，一Say No，連得嘅機會都冇。」
陳子傑（譚俊彥飾）：
「呢個世界有因果，你係咁將個波省埋幅牆度，最後會省番自己。」
方太：
「有得揀至係老闆。但兩個選擇我開始嫌少，有三個就好喇。」

仲要高Ling角色出動假眼淚。

仲要高Ling角色出動假眼淚。

VS依婷角色動用嘅真眼淚。