郭富城出戰澳門房車盃 出彎時失控「甩尾」被迫退賽

郭富城再以特邀車手身份代表殼牌捷凱領克車隊

今日出戰澳門房車盃

在車內準備出發的城城

城城神情自若

賽事總共有九圈

只剩四圈

後面的27號戰車緊貼城城入彎

從片段中所見，一共賽九圈的賽事只剩四圈之際，當時排第16位，突破昨日成績的郭富城與27號戰車準備入彎，本來稍稍佔優的郭富城被對方從後趕上，當27號突然超車時，郭富城戰車即失控撞上，當時對方已停下未能作賽，但鬥心極強的郭富城依然開車繼續，希望完成賽事，無奈最終還是被逼退賽，當時鏡頭所見，郭富城顯得相當失望。

27號戰車嘗試超車，令郭富城戰車失控。

二人最终撞上

鬥心極強的郭富城依然開車繼續

鬥心極強的郭富城依然開車繼續

郭富城經理人小美今日回覆傳媒：「郭富城表示賽車是一項鍛錬意志的運動，車手在賽道上互有攻守是必然的，車子少不免會有碰撞，今次只是車尾有少少擦到，郭富城個人完全冇事，多謝大家關心，比賽最緊要有體育精神！郭富城表示能參與今次賽事也很開心，得到很多實戰經驗，完全沒有失望。」

城城係眾人焦點，被多人圍觀

城城與一眾車手合照

娛樂訪談節目《滙豐呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日（14日）播出的第二集，嘉賓陣容十分強勁，有電影《內幕》的演員郭富城、吳鎮宇、方中信及導演麥兆輝，主持則是王鎮泉（泉叔）。

今集有「三大型佬」：郭富城、吳鎮宇、方中信，加上電影導演麥兆輝坐陣。

郭富城親證保持62公斤長達40年真偽 吳鎮宇爆笑示範「瘋狂舉止」日常
本集繼續焦點多多，首先在「本尊Fact Check」環節，泉叔向郭富城求證「多年來始終保持62KG」傳聞是否屬實！城城更提及到，多年來為Keep弗每天平均只吃1.5餐的自己，為了一日食足三餐的太太方媛，竟然作出「重大讓步」，並大拋愛妻Bite：「咁我作為一個丈夫，又係一個爸爸，係要陪伴（老婆仔女）去做呢樣嘢嘅！」吳鎮宇則要回應兒子Feynman是否真的「吳鎮宇黑粉」，對此鎮宇笑言由於Feynman經常趁其不為意或露出醜態時偷拍他，他除封仔仔「天生狗仔隊」外，還笑言自己要長期處於提防狀態：「我一見佢懶係唔望我哩，我就知會有個攝影機對住我架喇！」鎮宇分享時，還會大方還原平時在街上的「瘋狂舉止」，保證觀眾大開眼界！

城城親自回應多年來一直保持62KG傳聞是否屬實。

城城完全係廿四孝老公和爸爸。

由鎮宇仔仔Feynman親自操刀嘅「吳鎮宇黑圖」大晒冷，咁到底鎮宇私下嘅「瘋狂舉止」係乜呢？就要密切留意節目。

但從佢呢個表情，感受到應該都幾瘋狂。

至於同為「型佬」的方中信，則要接受極度刺激、由太太莫可欣及愛女符迦晴「操刀」的「囡囡常識問答比賽」，當中啜核問題包括女兒所穿鞋子Size、「幾多歲開始學騎馬？」由於過半數問題夠晒刁鑽兼出人意表，方中信答錯率頗高，連他自己亦一度不敢面對現實、求製作組謂：「可唔可以唔好播出嚟？」非常搞笑。平時予人唔多出聲的方中信，在節目中還會難得開金口大談家中地位「貓狗不如」，以及最不能忍受女兒做的一件事；期間方中信更搞笑地以七字真言談及莫可欣的「御夫大法」，想知是甚麼？就要密切留意節目。

「囡囡常識問答比賽」，聽落都好玩。

啲問題同答案搞到方中信哭笑不得喎！

方中信講到家中地位時「唉」咗出嚟，點解佢會嘆氣呢？

城城和鎮宇拍攝電影《內幕》Making of。

年屆六十郭富城親身上陣拍打戲  被打到周身瘀零怨言勁專業
另城城及吳鎮宇還分享了《內幕》的拍攝點滴，談到戲中有大量打鬥戲，城城透露自己有逾九成戲份親身上陣，並指由於拍戲要打足「幾日幾夜」，為免嚇怕對手German（張文傑），故即使打到瘀痕纍纍也不會出聲，相當專業。「佢係有武術底子嘅，佢啲腳（功）重到哩...我基本上戴晒Pad，但係打完之後返到去第二日都係瘀晒，但就費事同佢講，以免影響對手。」在節目中曝光的《內幕》花絮片可見，城城不但打到飛起，而且更有強度極高的倒吊鏡頭，以實力證明60歲的他依然有心有力。另擅長考古的製作組，這次除找來城城和吳鎮宇25年前在劇集《午夜太陽》中的同框打鬥場口外，還曝光了城城在劇集《蜀山奇俠》的「搞笑哪吒頭」Look，萬勿錯過。

城城和鎮宇喺25年前嘅劇集《午夜太陽》合作過，仲同框拍打戲。

城城喺劇集《蜀山奇俠》嘅「哪吒頭」真係好經典。