張致恒IG推銷情趣用品 與網友爆罵戰

張致恒在社交平台推銷情趣用品，

有「離婚界KOL」之稱的張致恒和老婆區燕雯（雯雯）四年抱四，生活開支非常龐大，早前雯雯在IG出PO求救要搵快錢，近日張致恒终於找到工作，在旺角一間情趣用品店打工。他在社交平台推銷情趣用品時，引起網民質疑。

張致恒寫﹕「聖誕節話咁快就就嚟到啦，有冇諗好有啲咩禮物送俾朋友呢？」，然後開始推介新產品的功能，並謂﹕「如果大家有咩需要可以上嚟舖頭搵我，我一定會幫你搵到最好嘅解決方法！」

張致恒努力洗底，化身顧家好男人又湊仔又努力賺錢

兩公婆四年抱四。

IG推介情趣用品

有多位網民質疑他的做法，表示：「OMG，我睇緊啲咩？！公然叫人賣（買）性玩具」。張致恒即回：「公然？乜我做緊犯法咩？」有網民則認為會影響到小朋友：「只不過身為一個公眾人物，做呢啲推銷，有無諗過會影響小朋友？」張致恒反擊：「我只係知道我唔做嘅話我連飯都冇得食，有啲顧慮咁多咩？」網民再留言：「所以我選擇唔生，生咗又要好似你咁周圍問人借錢養仔，咁為乜？！仲要生四件」。張致恒再爆：「請問你又知道我經歷緊啲乜嘢咩？其實祝福你三個字唔係咁難打㗎咋，點解做人一定要惡意？講句好聽嘅說話真係咁難咩？」

與網民爆罵戰

與網民爆罵戰

此時，有前粉絲爆料，指張致恒扮可憐，「其實講咁多做咩？你哋直接幫佢買嘢，然後等佢可以直接到達業績就可以啦？我曾經當呢個人係偶像，但佢連fans都唔放過一次又一次咁問我借錢，原因就係因為老婆要去私家生仔。你問下佢記唔記得我係邊個丫（呀）！搞到今時今日咁，係邊個造成？曾經接濟過佢幾多次，對佢失望過幾多次。你哋會明真心當佢係偶像，對佢好，然後換嚟傷害嗰種感受嘛？佢有無同粉絲道歉丫（呀）？一句都無丫（呀）？依（而）家扮哂可憐！」

但仍有不少網民表示支持指「唔駛理佢地，問心無愧就得，加油」

有網民支持張致恒

雯雯又嚟料......

「離婚財困界KOL」張致恒（Steven）與區燕雯（雯雯）婚後一直是話題人物，又「熱愛」在社交平台公開家事，不時鬧離婚，又經常呻財困，早前更遭癌症病人公開追還錢，雯雯雖然有親自回覆，但卻耍無賴的表示：「我有講清楚我冇咁（快）還到畀你，所以不存在呃你錢。」之後雯雯突然PO「厭世文」後，又再出PO鬧爆老公。

一家六口。

夫婦關係曾經看似好轉。

雯雯近日又「花式」鬧爆老公。

雯雯先在IG Story出PO：「既然世界不容納，倒不如離開」，在520當日再出PO鬧爆老公好吃懶做，「屋企面臨咁大問題，每日只識瞓同屙，我使唔使賣身養埋你？到底你喺呢個世界生存為乜？」之後又表示：「就嚟冇屋住，夠膽死同我講我瞓多陣姐，每日冇貢獻，有飯咪食，有屎咪屙，有覺咪瞓，每次個老婆都解決到，就乜都唔理，我唔會出嚟做嘢養你，如果我係你做人仲有少少尊嚴就消失！」

雯雯先「放負」。

再鬧爆老公好吃懶做。

又叫老公消失。

面對老婆的公開控訴，張致恒就在IG Story出PO補鑊，問網民有沒有即日出糧的炒散工作，但由於張致恒近乎沒有一份工返得長，所以大部分網民都不看好，「邊敢搵佢呀？返幾日唔X返，上次份茶記做咗幾多日」、「其實大把偽人撈唔掂幕前花啲時間轉去做幕後都叫搵到吓食，起碼唔駛日日出嚟乞，佢曾經都叫紅過吓，正常點都有啲行內人脈，但就連轉做幕後搵餐啖飯食嘅機會都無，咁就知佢個人本質有幾大問題啦」、「吳浩康之前都話幫佢啦！係佢自己唔做，怪得邊個？」

面對老婆的公開控訴，張致恒就出PO求網民介紹炒散工作。