「樂施毅行者2023」11月24日起跑，「奶仔」方紹聰做隊長，夥拍伍富橋 (Alvin)、吳業坤「坤哥」以及一位消防員朋友Ryan組成「 Gang Hike」行山隊伍 ，於早上9時半準時於起步點北潭涌出發，出發前他們均認為狀態十分理想，並鐵定以28小時完成100公里為目標！出發天氣不錯，但四人話唔會被天氣影響，保持應有的步伐及策略去完成活動，安全並順利抵達終點屯門國際十字路會！
毅行者開跑 坤哥、奶仔、伍富橋組隊出發
未正式一齊操練即拉閘出發 坤哥：很興奮參與實體賽 一定行得哂
點擊看圖輯
毅行者開跑 坤哥、奶仔、伍富橋組隊出發
事前他們基本上沒有四人一起「操山」
因為終於能夠參與實體的賽事，希望能夠感受在山上同大家並肩作戰的感覺。
「 Gang Hike」隊長奶仔對每位成員都有信心，坤哥出發前笑說要「振夫綱」。
為了擁有最fit的狀態，奶仔、伍富橋、坤哥以及Ryan今個星期主要補充多點碳水化合物，以及不時多點拉筋，出發後就不會那麼容易「抽筋」。
Alvin記錄低坤哥勇猛拉爆襪
「Alvin嫂」Shirley一早幫老公在北潭涌出發點打點一切，之後又旋即到補給點準備食物，給予老公及團隊大力支持。
隊友們都好錫Alvin嫂，以免阿嫂辛苦，他們基本上每一個補給點的餐單都是一樣，唯獨是伍富橋本人，太太就為他度身訂造與別不同的「出戰餐單」
奶仔歡迎大家在終點迎接自己。
奶仔、坤哥、Alvin以及Ryan四人沿路互相鼓勁，盡量達成目標，但最主要安全。
奶仔今年去到第5年參加，做隊長帶領三名隊友，當中伍富橋更加是第一次參與毅行者，「坤哥」就同奶仔玩過一次。事前他們基本上沒有四人一起「操山」；奶仔、伍富橋以及坤哥帶同坤嫂只操過一次。坤哥之前參與過毅行，但今次特別興奮，因為終於能夠參與實體的賽事，希望能夠感受在山上同大家並肩作戰的感覺。
事前他們基本上沒有四人一起「操山」
因為終於能夠參與實體的賽事，希望能夠感受在山上同大家並肩作戰的感覺。
毅行者路線全長100公里，圑隊目標28小時完成，身為隊長的奶仔就對每位成員都有信心：「我知道伍富橋有行過100公里山賽，坤哥一直都很堅毅，上一次毅行都完成到呀，至於Ryan 的體能就不容置疑。」被問及今次28小時會不會「太chur」，奶仔就話目標一定要設定，不過比起這個目標，四人一起完成更加重要：「其實set了28小時，有目標都係一個動力。」Alvin認同：「對於28小時呢個目標其實冇太大壓力，因為我會視作為動力多過壓力！」坤哥就話以輕鬆的心情面對：「一定行得哂，越早完成，越多時間休息，養足精神再開工，呢個係我真正動力。」「我哋今次要振夫綱！」
「 Gang Hike」隊長奶仔對每位成員都有信心，坤哥出發前笑說要「振夫綱」。
為了擁有最fit的狀態，奶仔、伍富橋、坤哥以及Ryan今個星期主要補充多點碳水化合物，以及不時多點拉筋，出發後就不會那麼容易「抽筋」。
出發前一星期 盡量安排休息 坤哥：年紀大 裝備行先
出發前的準備如何？最重要當然是爭取休息時間！奶仔回想有一年毅行經驗，他說拍完劇即刻去行：「毅行者本身幾十個鐘冇瞓，咁但係嗰一年仲要係十幾個鐘頭做完嘢，再即刻去行，即係計落去差唔多四十幾個鐘頭冇瞓過，其實嗰年呢係非常辛苦。」這個不堪回首的經歷，讓隊友包括Ryan預先請了假，比賽後亦都請一日價，希望活動前後都有充足的休息。
坤哥為保持狀態，一星期前減少健身負重訓練，改為增加鍛鍊肌耐力，鬆弛肌肉。坤哥出發前一星期都工作忙，被問及之前參興台慶，夠不夠休息？坤哥話有盡量把握休息時間：「之前有參加毅行經驗，狀態應該沒問題。」坤哥坦言自己「年紀大」，所以今次都著重遠足裝備。不過出發前出現一個小插曲，坤哥對襪一穿即爆，令坤哥超級無奈，奶仔說：「坤哥好猛，能量爆燈，用力拉爆襪！」
Alvin記錄低坤哥勇猛拉爆襪
為了擁有最fit的狀態，奶仔、伍富橋、坤哥以及Ryan今個星期主要食多點飯，即補充多一點碳水化合物，以及不時多點拉筋，出發後就不會那麼容易「抽筋」。至於Alvin亦為了今次毅行相當認真，正在增肌的他除了刻意落磅減重，還在開工前或者收工後練跑，保持「作戰」狀態。
愛妻坤嫂背後力撐 坤哥：出年叫埋佢玩
坤哥出發前坦言太太會擔心：「究竟得唔得架？因為大家一齊都練得少。之前她也有跟我以及奶仔、富橋一齊行過見證過我的『能耐』。」但就會支持自己。出發當日坤嫂早上特刻意早起，細心地為坤哥準備醒神早餐，檢查物品及裝備，打點一切。隊友早前調侃話：「坤嫂行山勁過坤哥，不如叫坤嫂取代自己」，坤哥就話希望太太下年一齊同佢參加。
伍富橋最強「裝備」 太太為他們沿路補給「愛心便當」
毅行者路線全長100公里，圑隊目標28小時完成，所以必須在活動期間補給。原來今次團隊後勤膳食供應由Alvin太太負責，一早設計了總共十一款的飯款供團隊選擇，包括日式咖喱雞肉漢堡扒飯、台式雞肉燥飯、鮮茄焗龍脷柳飯、瑞士汁雞肉片飯、牛肉丼、親子丼、白汁海鮮焗飯以及韓式拌飯等等，還有可樂、生果及熱湯。按照計劃，Alvin嫂的團隊於三個地點—北潭坳、獅子亭以及大帽山，提前等待他們來到，提供飲食叉電，讓他們補充能量。Alvin嫂了解到，他們需要補充碳水化合物以及他們很辛苦，希望吃一些「較濕」的食物、少油，所以特設「愛心便當」讓他們預先選擇。
「Alvin嫂」Shirley一早幫老公在北潭涌出發點打點一切，之後又旋即到補給點準備食物，給予老公及團隊大力支持。
Alvin 有特別餐單 只為了一個原因
隊友們都好錫Alvin嫂，以免阿嫂辛苦，他們基本上每一個補給點的餐單都是一樣，唯獨是伍富橋本人，太太就為他度身訂造與別不同的「出戰餐單」，點解有咁特別的待遇？伍富橋就解釋：「因為我對大部份食物敏感，調味料重一點我身體也接受不了，所以佢會特別煮俾我，如果唔係，跑嘅時候我一旦敏感發作，少則影響進度，嚴重可能有（性命）危險。」隊友完全理解，奶仔絕對支持Alvin嫂的做法：「毅行者唔只係鬥速度，仲係要鬥『養生』，只要你有少少唔舒服就會好影響到。」今次已經行第5年毅行者的他，坦言保持完善的身體機能很重要，十分感謝阿嫂成為團隊一部分，給予大大的支持。伍富橋藉機會亦想好好感謝太太所做的一切：「太太不單止支持我鍾意做嘅事，仲要兩夫婦一齊以唔同嘅方式去做好一件為慈善嘅活動，令今次經歷會更加難忘。」奶仔再補充多一點：「時間關係，我哋『帶梳蕉』嚟到食嘢，食完就會閃人，留唔得耐，希望Alvin嫂唔好介意。」
隊友們都好錫Alvin嫂，以免阿嫂辛苦，他們基本上每一個補給點的餐單都是一樣，唯獨是伍富橋本人，太太就為他度身訂造與別不同的「出戰餐單」
坤哥、奶仔對Alvin嫂廚藝滿信心 隊友叫奶仔喺山上搵老婆
被問及Alvin嫂的廚藝，奶仔坦白說他同Ryan還未試過，但「食好西」的坤哥大讚，奶仔就話「坤哥對食有要求，我信坤哥。」；伍富橋仲話太太會俾啲「驚喜」佢哋。這裡一直說的是廚藝或食物上的驚喜，奶仔突然「轉channel」說：「驚喜？介紹女仔朋友俾我識？話時話，我哋四個入邊，得我一個未結婚。我都有諗過過終點時，佢哋三位老婆都來接佢哋...」志同道合的另一半嘛，其他隊友都笑說他可以在出發後在山上搵，奶仔再笑道：「如果讀者你哋知道，歡迎過嚟終點接我，贈送奶仔擁抱一個。」
奶仔歡迎大家在終點迎接自己。
奶仔隊長緊張隊友狀態 四個人一條心 笑著到终點
奶仔做帶隊，點都會有所承擔，否則唔知點樣還返一個老公俾佢哋的另一半，所以沿路都會觀察著大家的狀況，互相鼓勁，目標盡量達成，但要以安全為目標，奶仔一直都希望隊友要關注自己的狀態：「我們說的『養生』，一有唔舒服真係要講，我經常同佢哋講，如果凍就即刻著衫，有甚麼不舒服比如鞋子入了石粒、腳上起了水泡等等，都要盡快去處理。」伍富橋再補充表示他所開設的健身室，派駐團隊在獅子亭standby，為有需要的隊員提供適切治理，保持最佳的狀態去完成比賽。
奶仔、坤哥、Alvin以及Ryan四人沿路互相鼓勁，盡量達成目標，但最主要安全。
被爆出行遠程的山後段「發皮氣」 Alvin：今次改用唱歌抒壓 笑到最後
奶仔大爆Alvin 之前行過100公里山賽，話自己因為唔夠瞓，到後段發哂皮氣。Alvin今次毅行者似乎唔會俾情況再次出現：「我覺得今次憤怒就應該唔會啦，因為我哋另一個目標就係要笑到最後，所以我打算到後期，用唱歌嚟發洩！」
作為藝人希望 能有帶領作用 為世界變得更好
被問及對今次活動的期望，坤哥、奶仔以及Alvin均認為，希望藉這個機會，能夠為樂施會籌款，來支援氣候變化下脆弱社群，讓他們能夠改善生活；此外，亦讓大家了解到香港擁有一個美麗的大自然環境，希望大家能夠好好保護它以及享受它。坤哥希望今次活動可以訓練意志，順便欣賞香港山上美好風景。：「這100公里特別有意思，不只是為自己（目標），同時幫到受惠的人，以及讓大家充滿正能量。」
奶仔：「行完最好一齊食餐飯或飲杯嘢」,由Steven帶玩毅行者 期望他日後「出山」一齊行
有冇想到完成比賽的狀態係點？坤哥話一定好眼瞓：「所以早啲完成早啲返屋企休息，28小時的目標很不錯。」奶仔說努力了那麼多個小時後一定會筋疲力盡，很想睡覺：「看看情況，如果可以，都想同佢哋一齊食個飯或飲杯嘢先回家。」與此同時，亦令奶仔想起過往毅行者的經歷，讓他想起Steven張致恆：「我們有組織行山隊，成員有過往與我參加過毅行者嘅藝人朋友陳安立以及張致恆。（Steven都會同你地繼續行嗎？即使唔行毅行，會唔會都約佢去行山？）會㗎，不過佢應該比較忙。我都想同佢一齊行山，佢帶埋小朋友一起行都可以呀。」
