乘客不滿家長攜BB車上小巴，於社交平台發文公審「阻住全車人等佢一個」，卻遭網民圍插指「欠同理心」。
有網民發文公審，不滿有家長攜嬰兒車上小巴。（FB圖片）
該乘客於Facebook群組「大埔 TAI PO」發文，斥有家長攜同嬰兒車上小巴，令到其他乘客要等待他將嬰兒車摺好再放好，才可陸續上車及讓司機開車，大呻「咁都得！小巴是坐人的，重要係阻住全車人等佢一個」。樓主更上載照片，顯示嬰兒車被摺起，擺放在小巴司機位左方的位置。
點擊看圖輯
更多相片
有網民發文公審，不滿有家長攜嬰兒車上小巴。（FB圖片）
乘客斥「咁都得！小巴是坐人的，重要係阻住全車人等佢一個」。(示意圖)
樓主公審不成反被網民圍插。（FB截圖）
不少網民批評樓主欠同理心。（FB截圖）
乘客斥「咁都得！小巴是坐人的，重要係阻住全車人等佢一個」。(示意圖)
此貼引網民熱議，樓主公審不成反被網民圍攻「樓主第一日坐小巴？BB車唔係放車頭就放車尾架啦，咁趕時間坐的士啦」、「小巴佬都未炸型到你出聲？」、「小巴係坐閒人的，趕時間去答的士」、「請個私人司機咪無人阻住你囉」、「既然咁阻妳時間，當時妳有無幫下人呀？如果妳出手幫下人哋，可能會快啲㗎喎」、「投訴少陣得唔得呀？休息一吓啦香港人」、「邊有咁XX嘅人，放B B車都放人上網公審」。
樓主公審不成反被網民圍插。（FB截圖）
不少網民亦批評樓主欠同理心「有d同理心好喎，有小朋友，有老人家，輪椅同殘疾人士都要等架啦，他朝君體也相同呀」、「湊bb車出街好辛苦，體諒下啦」、「點解可以咁無同理心？你覺得阻住你可以坐的士，call車或者自己渣車，只服侍你一個」、「抱住個小朋友仲要拎bb車真係好攰，講真，我估個父親/母親已經用盡最快速度唔想阻人！」、「其實你有冇同理心？當你自己做媽咪的時候，就知道帶住BB坐公共交通係幾咁麻煩！有時忍讓一下，你又唔會損失啲乜嘢！」
不少網民批評樓主欠同理心。（FB截圖）
帖文來源：Facebook群組「大埔 TAI PO」
