MC張天賦文化中心Busking萬人圍觀逼到爆 觀與甄子丹拍打戲拉傷大髀筋

MC張天賦回歸初心，昨晚在尖沙嘴文化中心舉行免費音樂會，吸引近萬人到場欣賞，核心內外圍都企爆晒，警方一度要增援開返條路！

MC張天賦昨晚（11月27日）重返尖沙嘴文化中心，未出道前經常Busking的地方為歌迷舉行一次免費的音樂會《This is MC - Live at Victoria Harbour》，趁12月1日生日前跟歌迷一聚，以免費報答歌迷這些年來對他的大力支持，引來近萬人圍觀，嫌猶如舉行了一個小型紅館演唱會咁多人，原定八點開唱，但由於前來觀看的人群仍絡繹不絕，一度被通知，人群引流截龍後才可以開唱，要他延到八點半才上台，最終八點二十分才批準MC上台跟觀眾見面。

MC張天賦昨晚在尖沙嘴文化中心的Busking，吸引了近萬人圍觀！

MC上台後，跟觀眾打招呼後亦不忙提醒觀眾，千萬要守秩序，因為戶外地方安全條例，萬一有少少混亂，都會被終止演出，歌迷亦十分之乖，最終MC演唱了9首歌，再encore兩首，共11首歌後完結演出，歌迷都依依不捨，要警方幫忙疏散人群後，MC才可離開演出場地。

重臨出道前經常Busking的地方，MC坦言既開心又感動，更跟大家分享，Busking都有階級觀念，「真係冇諗過咁多人，好開心，好多謝大家來捧場！你哋知唔知？Busking都有階級觀念，唔同位置有唔同level，當初我只係走廊附近唱，之後多人聽，就可以升呢去電話亭，之後再升呢就係碼頭再落少少個位，然後最後就係呢度啦！」觀眾報以歡呼及掌聲，「今朝我起身先發覺，自己個狀態唔知係咪冷親，喉嚨少少腫聲又萌，不過唔緊要，我都係會盡力去唱，Busking係咁㗎啦，哈哈。」

MC坦言既開心又感動，更跟大家分享Busking都有階級觀念。

近萬位粉絲逼爆海傍。

昨晚MC選唱了兩首英文歌，分別為《Nothing on you》及《Talking to the moon》，把口話自己冷親，但唱《Talking to the moon》卻發揮得淋漓盡致，唱畢後他語帶感動說，「都算還左自己一個心願啦。其實獎唔獎都真係唔緊要，最緊要係大家來睇我唱歌，鍾意我唱歌。」

音樂會完結前，工作人員抬出歌迷送的大生日蛋糕，讓MC非常意外及驚喜，「嘩！好靚呀，我都差啲唔記得咗啦。哈哈。」繼而他拿出手提電話，拍下全場歌迷唱生日歌給他的畫面做紀念。再encore《Good time 》及《老派約會之必要》以答謝大家的愛。

MC選唱了兩首英文歌，分別為《Nothing on you》及《Talking to the moon》。

再encore《Good time 》及《老派約會之必要》以答謝大家的愛。

演出後MC接受訪問表示非常之開心，能站回初心出發地唱歌給大家聽是自己一個願望，「有好多歌迷係busking睇到今日 ，見到佢哋都有來支持，我一直好想公開唱《Talking to the moon》，好想借一個舞台唱，嗰陣比賽期間想唱，但最終都係唱唔到，今次可以帶到呢個熟識地點唱，真係了咗個心願。(幾時再搞演唱會？)公司再安排啦。地點不是重點，喺海傍唱我都好開心，今次俾到信心公司，希望不久將來可以再搞！到時叫公司喺對面海大廈，打啲歌詞出嚟啦，哈哈...當提詞器，咁我就唔會再忘記歌詞。我係busking馬拉松之鬼來㗎，以前一出來唱就唱5、6個鐘，今日好小兒科唔夠喉啦，台上面都曾經感觸同感動，唱到某啲歌，例如《Talking to the moon》呀咁，回想返當初busking辛酸史，車費都搵唔夠就比人趕走呀咁，行到今日咁多人返來睇我唱歌，真係有個體會。我好希望香港可以好似台灣咁，有一些地方係有牌，可以俾busking的朋友，安心演出，咁對busking街頭文化先有幫助。」

MC接受訪問時表示能站回初心出發地唱歌給大家聽，是自己一個願望。

談到年尾樂壇頒獎禮，MC話，「我今晚已經係一個大獎啦！獎項我永遠都係平常心啦，觀眾肯聽我唱歌，識得同我一齊唱先係最好最大獎， 我知自己輸咗俾光B(尹光) ，我冇介意，話晒佢都係前輩，輸比佢都值得！ 男歌手三甲有冇信心？我對觀眾識我，識唱我啲歌有信心囉。哈哈。今年想歌迷All in 投邊首歌？我都冇主動拉票，觀眾自己心目中有選擇，唔駛刻意拉票去改變佢哋主意，我心目中邊首？《世一》啦咁，《 世一 》都贏取好多樂迷歡心， 好多人結婚用呢首歌。」

MC最近與甄子丹合作拍戲。

除了好多打鬥場面，拍打戲時重拉傷左大髀筋

談到今年生日如何渡過，MC謂約了媽咪食飯，又約了朋友一齊玩，年年也是差不多，至於生日願望，「今年再許快高長冇乜用啦，哈哈。反而我好想瘦啲，今次唔係吹水啦，因為最近有參予電影拍攝工作，當中好多打鬥場面，發覺自己郁得最勁係肚腩，咁都想自己以後線條靚啲，有一次拍打戲重拉傷左大肶筋，好痛呀真係，哈哈，今次同宇宙最強丹爺合作(甄子丹)，所以好多好勁動作戲，丹爺監製，佢好多動作有教我哋調整，我身手幾勁㗎，大家部戲出一定要去睇，都幾有型，所以希望再瘦啲，整個人視覺上、聽覺上都再好啲。」

「新城知訊台」主辦、「理文商業中心」冠名贊助，一年一度的《新城勁爆頒獎禮2025》將於本月27日假香港會議展覽中心Hall 5BC隆重舉行；隨著公眾投票進入白熱化階段，大會昨天（12月11日）下午6時公布了備受矚目的「勁爆年度歌曲」二十強最新投票走勢。

謝安琪強勢入圍。

本屆「勁爆年度歌曲」的競爭異常激烈，候選歌曲多達228首。截至12月11日下午6時的投票數據，暫時領先的二十強歌曲，按歌曲筆劃序包括：Tyson Yoshi與周殷廷合唱的《1994》、謝安琪的《50/50》、姜濤的《On a SunnyDay》、詹天文的《一切都是有原因的》、洪嘉豪的《下世愛你》、林家謙的《四月物語》、Gareth.T湯令山的《用背脊唱情歌》、魏浚笙的《白色踢死兔》、Gin李幸倪的《白夜行》、黎展峯的《宇宙煙火》、Dear Jane的《你流淚所以我流淚》、陳柏宇的《我所看見的未來》、馬天佑的《我們什麼都不是》、泳兒的《無糖可樂》、馮允謙的《然之後》、MC張天賦的《說謊者》及《懷疑人生》、陳卓賢的《樹會流眼淚》、張馳豪的《燈亮時離場》、陳健安的《額頭有字》。

姜濤、林家謙、李幸倪、陳卓賢穩佔一席。

李幸倪

《新城勁爆頒獎禮2025》由新城知訊台主辦，並獲「理文商業中心」冠名贊助。為體現公平與開放，大會今年繼續設立八大獎項供樂迷網上投票，包括「勁爆男/女歌手」、「勁爆樂隊/組合」及「勁爆歌曲」等。頒獎禮的評分機制中，公眾投票佔有40%的決定性比重，其餘則由電台音統會主持人、資深音樂人、主要成員及管理層評審。這意味著樂迷的每一票都至關重要，將直接影響最終的獎項歸屬。

林家謙

陳卓賢

目前，所有獎項的網上投票正在火熱進行中，並將於2025年12月21日晚上11時59分截止。樂迷可透過新城廣播的官方投票網站，為自己心儀的歌手和歌曲投下最後的支持票，共同決定12月27日頒獎禮舞台上的榮耀誰屬。

MC張天賦雙作顯優勢。

除了歌曲獎項的激烈競爭，本屆頒獎禮在其他獎項中也出現不少驚喜。在「勁爆男歌手」的初步走勢中，影帝張家輝憑藉其演唱的電影《贖夢》主題曲《永遠的失眠》成功打入十強，與張敬軒、MC張天賦、姜濤等一線歌手同場競逐，成為話題焦點。同時，新晉女歌手「鹽焗雞Salty Chick」亦在「勁爆女歌手」票選中異軍突起，顯示了頒獎禮對樂壇新生力量的關注。