港男食嘢「japjap聲」黑人憎被人閙先知 出文警醒網民「記得合埋個口」

最近就有男網友在討論區發文，稱自己多年來一直都不知自己進食時會發出「japjap」聲，直到最近被人鬧先知道。

示意圖片。《愛．回家之開心速遞》劇照

除了「食嘢彈到周圍都係」、「食嘢腳震震」等，其實進食時發出很大的咀嚼聲，都是令人討厭的行為。最近就有男網友在討論區發文，稱自己多年來一直都不知自己進食時會發出「japjap」聲，直到最近被人鬧先知道，所以希望以自己的經歷「警世」，讓大家都要多多注意「食嘢記得要合埋個口」！

日前一名男網友在討論區發文，寫到「人到三十中，俾人X先知原來自己平時食嘢勁大『japjap』聲」，並表示要對過往和他一起吃過飯的人及車表示對不起，跟着更警醒各位網民「食嘢記得要合埋個口」。

示意圖片。《愛．回家之開心速遞》劇照

部份網民看了帖文即噴笑，指「食嘢大聲到俾人X你都真係奇才」、「反而想知身體咩結構先會食到japjap聲」、「我自己試過特登食到japjap聲發覺其實係好難既事」、「會唔會太好笑！到底點樣餐餐都食到咁」，不過亦有人指自己食得開心就可以，並留言「支持你！做自己！」，更有人指出在「日本大聲=好食」。

示意圖片。《愛．回家之開心速遞》劇照

但部份網民就同意進食時發出聲響，的確會令人有負面感覺。有網友提到這個習慣可能「同屋企細個教養/背景好有關」、「有個女同事食飯又係食到jap jap聲，都唔知點開口同佢講，成日都好想兜巴車埋去」、「食嘢會發出jap、jap、jap 聲真係好X，着得幾靚化到幾靚都無用」亦有網民認為「咁樣同啲阿叔係巴士到大大聲播歌其實無分別」。

unsplash 圖片

亦有網民分享了自己21歲時和幾個法國同事第一次一齊食飯經歷，「個女上司好有禮貌咁同我講，食嘢發出聲音係好嘔心嘅一件事，自此多加留意，多謝佢善意提醒，改變咗我一生」

網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。

目擊者在社交平台發帖

樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。

大媽搶付藥油錢超激烈：我嚟

影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。

大媽搶付藥油超激烈：我嚟！當事人帖文截圖圖片

搶先掃碼以為贏晒

然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。

看似先掃碼成功的師奶，其實只付了最靠近收銀員的那1盒藥油。當事人帖文截圖圖片

她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。

最後成為爭埋單的最大贏家。當事人帖文截圖圖片

網民看穿：假爭俾錢

不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。

不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。

眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片

小額消費上刻意表現人情味？

有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。

網民抨擊：其實為咗面子

不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。