Mo爸李盛林牧師接受網上訪問時指，意外不是阿Mo的錯，係人為錯誤導致。
MIRROR演唱會去年在紅館演唱會期間發生嚴重意外，巨型屏幕擊中舞者李啟言（阿Mo）。日前，傷者李啟言（阿Mo）的爸爸李盛林牧師接受YouTube頻道訪問時表示，「如果換轉唔係阿Mo，係24個Dancers其中嗰23個呢？或者係嗰12個呢？佢哋會點面對呢？」
點擊看圖輯
舞蹈員李啟言去年MIRROR演唱會事故中受傷。影片截圖
他指阿Mo現時身上已出現了多個奇蹟，醫學上都無可能出現
Soching一路盡心照顧阿Mo，係不可多得的好女仔
舞蹈員李啟言去年MIRROR演唱會事故中受傷。影片截圖
李啟言IG圖片
阿Mo爸爸李盛林牧師罕有接受訪問
阿Mo至今仍需留院接受治療，李牧師指，事發時阿Mo頸部剛好稍為微微向前，否則「幾百公斤嘅螢幕直插落個頭度，係當場會爆」。對於兒子的處境，李牧師亦感到無助，不過阿Mo卻一直堅持。阿Mo現時每日朝10晚6進行訓練，在儀器輔助下踏出了第一步。
他指阿Mo現時身上已出現了多個奇蹟，醫學上都無可能出現
阿Mo目前在儀器輔助下已行過146次，平均每次20-25分鐘，總共行了470-480步，李牧師表示：「呢16、17個月嘅過程，我哋見到有好多醫學統計上無可能出現嘅嘢，但都竟然喺阿Mo身上出現到。」
香港中文大學醫院黃鍾鈞運動醫學及康復中心的劉敏昌教授受訪時指，在阿Mo身上用了超過10種康復儀器，現時阿Mo說話清晰、可自行吞嚥、排走膀胱石、二頭肌亦有反應，並形容阿Mo為戰士，十分堅毅，而李牧師是真漢子，SOCHING則為不可多得的好女仔，對阿Mo十分關愛。
劉敏昌教授並容阿Mo為戰士
Soching一路盡心照顧阿Mo，係不可多得的好女仔
觀看相關影片按連結：https://youtu.be/_41jjfrztQU?si=zE7rp7yZPth5UI8s
Sammi第10場演唱會的表演嘉賓是MIRROR成員柳應廷Jer。
天后鄭秀文（Sammi）昨晚（7月24日）在紅館舉行第10場「You & Mi 鄭秀文世界巡迴演唱會2023」（Rescheduled ），好友車婉婉與囝囝、Cookies成員吳雨霏Kary和區文詩Angela、岑寧兒YoYo、陳詠謙、歐陽靖MC Jin、天堂鳥的Gordon等捧場。表演嘉賓MIRROR的柳應廷Jer，他自製迷你盲盒扭蛋機給Sammi，透露原本想整巨型薯片包，卻被COLLAR截糊，非常搞笑。
Sammi紅館騷來到節10場了！
車婉婉與囝囝
吳雨霏Kary、區文詩Angela
歐陽靖MC Jin
岑寧兒YoYo
Sammi穿上Ralph Lauren牛仔晚裝配襯閃爆Swarovski珠寶，風騷在台上自轉，問觀眾：「今日我著咗牛仔裝，正唔正呀？轉個360度畀你睇吓，係咪好婀娜多姿呢？」觀眾大叫好索。「今晚呢位嘉賓，新與唔新之間，都算新，出道咗幾年，佢嘅唱功毋庸置疑，非常之好。幾位嘉賓不約而同都要同我合唱呢首歌，唔知點解呢？」然後音樂響起《不要驚動愛情》，全場大合唱，Jer升上舞台，他們擁抱後手拖合唱，跟四面台觀眾打招呼。
Sammi再次換新裝，穿上Ralph Lauren牛仔晚裝配襯閃爆Swarovski珠寶。
Jer升上舞台與Sammi合唱《不要驚動愛情》。
2019年MIRROR初出道時曾全隊擔任Sammi紅館「FOLLOW Mi演唱會」表演嘉賓，與Sammi演唱《默契》。昨晚Sammi與Jer合唱後對他說：「嘩，數數手指，上次同台已經係2019年，嗰次算係你哋第一次上紅館。」Jer說：「係呀，嗰次同今次感覺好唔同，上次12個人，成班傻更更，有班兄弟喺身邊陪住，今次得自己一個人特別緊張。今日綵排，同老師練咗好耐，和音同埋點樣分段唱好啲。」Sammi指他好緊張，叫觀眾給他掌聲鼓勵，「諗返自己以前去一個咁大舞台，都會好驚和腳震，但我覺得你今晚表現相當之好。」
Jer指今次只有自己一個人做嘉賓，所以特別緊張。
Jer準備了禮物給Sammi：「配合返你早前出新歌《盲盒》，特登整咗個『愉快盲盒扭蛋機』，裏面有啲關於我嘅小禮物，人型公仔啦，扭蛋裏面仲有啲神秘嘢，例如字條、祝福語、零食、糖果。（嘩，有零食我就夠）因為我知你鍾意食零食。（勁鍾意、超鍾意）其實我原本想整薯片包，畀COLLAR整咗呀！」他咬牙切齒，非常搞笑！
二人抱抱。
Jer又說：「我都好鍾意食零食，所以想將呢個小心意送畀你。仲有，時間關係，呢度已經有一隻扭蛋。」Sammi見他從褲袋拿出小扭蛋，笑說：「好似求婚咁，要送我首飾？嫁畀我啦！」Jer當然不敢，他掏出一個小公仔，Sammi說：「嘩，我老花喎，咁細。哦，公仔嚟嘅！」是Baby MIRROR的Jer公仔，Sammi笑說：「蝦我老花，好Cute，大過粒鼻屎！」全場爆笑。Jer拿出紙條說：「之前你喺一個po話過『食完有運動，無有怕，食飽先至係人生』。」Sammi將迷你Jer放入裙袋，然後落台。Jer台上獨唱由馮允謙JayFung作曲的新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Jer之後獨唱新歌《約齊靈魂在墳墓前開生日派對》。
Encore時，Sammi穿著Tomas Chan的小背心牛仔褲配Tiffany & Co.珠寶型格登場唱新歌《盲盒》，期間不斷收禮物打亂了拍子，她立即要求重唱，自己encore自己。昨晚Fans送的禮物各色各樣，除了每晚都有的花束、薯片外，還有聖誕造型的咕𠱸，又有寫了「金像獎影后鄭秀文」的肩帶，Sammi立即戴上身，風騷轉圈讓觀眾欣賞。完騷後，Sammi孭住「薯片斜孭袋」到紅館外為Fans簽名和收禮物，幾百Fans企滿場外和火車站外，歡呼吶喊、吹哨子和唱歌，非常熱情。
Sammi在Encore時換上Tomas Chan的小背心牛仔褲配Tiffany & Co.珠寶型格登場。
並獻唱唱新歌《盲盒》。
完騷後，Sammi孭住「薯片斜孭袋」到紅館外為Fans簽名和收禮物。
幾百Fans企滿場外和火車站外等待Sammi，非常熱鬧！
