《中年好聲音2》林若盈以自身經歷呼籲關注抑鬱症患者家人 朱博文為亡姐重拾音樂夢

朱博文多年後重拾音樂夢，是為了天上的姐姐！

歌唱真人騷《香港李衆勝堂保濟丸呈獻：中年好聲音2》，逢周日晚9點翡翠台播出，節目由車婉婉擔任主持，肥媽、伍仲衡、張佳添、周國豐、陳慧嫻擔任評審。明晚（10日）播出一集是第六部曲《廿一強全新賽制　動感/情感PK賽！》，新回合新賽制，21強選手將以「動感/情感」歌曲進行PK賽！21強選手將按着上回合獲得的成績，由高至低輪住揀選「動感/情感」歌曲及出場次序，由於有21位參賽者的關係，其中一組將是3人PK賽！本回合將分成上、下半場進行，頭五組會率先進行上半場比賽，尾五組則進行下半場比賽。本回合設有晉級區和危險區，完成PK賽後，成績較高一位直接晉級，較低者則跌落危險區，上半場將在危險區淘汰一人，下半場再在危險區淘汰一人，綜合上下半場亦會再淘汰一人，換言之本回合總共會淘汰三人！

伍仲衡（左起）、張佳添、肥媽、陳慧嫻、周國豐

上回合愈高分嘅選手，可以愈早選擇自己出場嘅次序。

麥素華VS周碧嘉

林若盈VS譚輝智

安雅希VS陳俞霏

袁思樂VS曾蜜詩

古淖文VS朱博文

今集對戰組合如下，動感歌曲組別，有《I Hate Myself For Loving You》麥素華VS《失憶周末》周碧嘉、《瀟灑走一回》袁思樂VS《餓狼傳說》曾蜜詩、《Monica》古淖文VS《結他》朱博文；情感歌曲組別，有《時間都去哪兒了》林若盈VS《Kiss Goodbye》譚輝智、《心如刀割》安雅希VS《失戀無罪》陳俞霏。綜觀上述對戰名單，安雅希VS陳俞霏最有睇頭，兩人演唱完畢後都指緊張到手震！以全黑西裝上陣的俞霏獻唱《失戀無罪》，她透露唱這首歌的原因：「前嗰排經歷咗好多事，導致婚姻失敗等等一系列嘅事，覺得揀呢首《失戀無罪》幾好，其實就算一個人獨身都可以好快樂，希望不負呢個舞台同埋自己。」俞霏深情的演出又能否為她爭取好成績？

安雅希唱《心如刀割》。

陳俞霏自揭失婚。

林若盈呼籲大家關注情緒病患者家人。

車婉婉感觸落淚。

朱博文追夢過程崎嶇。

麥素華

周嘉碧

今集亦有感人故事，獻唱《時間都去哪兒了》林若盈坦言這首歌是送給患有抑鬱症的媽媽，她眼濕濕說：「作為抑鬱症患者嘅屋企人，其實有好大壓力，時間過得好快，當我回頭睇我媽咪嘅時候，真係發現佢老咗，想同大家講，就算同屋企有咩誤會，其實係可以好好溝通一下。」眼淺的婉婉感觸淚目，她說：「情緒病喺香港係纏繞好多人，佢哋屋企人係好大壓力，大家要支持佢哋嘅屋企人！」獻唱《結他》的朱博文重提自己崎嶇不平的追夢故事，博文多年前一心打算發展演藝事業，預科畢業後便考入香港演藝學院，同時參加了一個歌唱比賽，但原來學院不容許學生有合約的情況下讀書，博文放棄學業選擇了歌唱比賽，惟最終還是輸掉了比賽，令人生跌落谷底。博文多年後重拾音樂夢，是為了天上的姐姐，他說：「本身冇再諗過唱歌，但今年3月頭，我姐姐離開咗，今次參加呢個節目，我行返出嚟做呢件事，係希望喺天上嘅姐姐睇到會為我而驕傲。」

譚輝智

袁思樂

曾蜜詩

古淖文

《中年好聲音2》甘永傑及梁浩賢獻出「第一次」，首度參與音樂劇場《換吧！我的兄弟姐妹》演出，這次演出，除了得到一班甘粉和梁粉狂買飛捧場外，亦吸引不少名人好友到場支持，計有即將做爸爸的方力申、王君馨、陳慧敏、丁子高、譚俊彥、岑杏賢和一班《中年好聲音 2》的兄弟姐妹和導師等等。

甘永傑及梁浩賢首度參與音樂劇場《換吧！我的兄弟姐妹》演出。

甘永傑和梁浩賢首度擔演音樂劇場演出，完騷後感受當然特別深。浩賢坦承不經不覺已完成四場演出，「我哋之前仲傾過，到時會唔會有啲唔捨得、失落感呢？！原來真係感覺到好失落，完咗之後唔使再排練，又見唔到班小演員，同埋冇咗緊張同刺激嘅感覺。」

劇照

劇照

阿甘和浩賢接演後曾表示有擔憂應付不來，特別是要跟6歲囡囡甘亦霏同台的阿甘，怕囡囡演戲時不懂投入角色，仍當他是爸爸，原來囡囡在排練時一度出現此情況，令阿甘一度想放棄，「我嘅擔憂係冇錯，排到中段時佢真係見到我就變返係我個女，唔係用角色同我交流，我就返屋企同佢傾，我話『你做唔做到？做唔到就cut咗呢個角色嘞！』佢一句話做到，返到去好厲利，真係改變晒做返個角色。」

劇照

劇照

劇照

劇照

至於挑戰極速變裝，仲要扮演婆婆角色的浩賢，就感激幕後團隊幫手令他可順利完成，「我係一路都好擔心，真係要多謝服裝同化妝，幕後團隊嘅力量，佢哋咁畀心機去做，我先可以放心去扮女人。」阿甘笑浩賢因本身「女人底」，所以扮得特別神似，浩賢認同之餘，更希望將扮女人角色發揚光大，「好多小朋友好鍾意我扮『陳婆婆』，嚟緊可以有節目搵『陳婆婆』出現，或者整套《陳婆婆外傳》都唔錯。」

劇照

劇照

問到一班《中年好聲音 2》的兄弟姐妹和導師，他們都大讚阿甘和浩賢演出精彩，古淖文自認演戲差無意做舞台劇，但看到戰友有新嘗試也戥他們開心，「見證住我哋可以去到唔同領域，演到舞台劇都幾震撼，希望其他同學仔，一、二、三屆可以去到更遠地方。」而曾演出過歌舞劇的韋綺珊，就想挑戰跟小朋友合作，「同啲咁細嘅小朋友合作，考驗吓自己啲耐性，同你哋（《中年好聲音》學員）合作都要好有耐性，同啲再細啲又係另一個睇法。」

譚輝智

岑杏賢跟丈夫張嘉俊帶同下個月滿4歲的囝囝Preston捧場，原來這次是囝囝首次看舞台劇，但因為囝囝對音樂有興趣於是一家來欣賞演出，「佢都有表演慾，但係比較慢熱，同埋有啲性格，但佢好鍾意音樂同唱歌，𠵱家都學緊打鼓，所以對唔同表演會有興趣好定咁睇，我一知道可以睇呢個騷，又有好多小朋友一齊唱歌，都覺得幾啱佢，於是試吓帶佢嚟睇。」

本身有修讀心理學課程的岑杏賢，更希望透過這次睇騷，讓囝囝有機會偷師練膽量，「畀佢睇吓其他小朋友好有信心喺台上表演，見到啲哥哥姐姐喺個台上做緊呢樣嘢，會令佢將來真係有機會上台，都會有信心啲。」

大合照